الخميس، ديسمبر 28، 2006

بتاعة من ابتع بتوع احمد فؤاد نجم

يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل غبي مخبول
أمر بفتح البتاع
لأنه كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر حزين مهزو
لوساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري ولا منقول
والخوف سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول

الثلاثاء، ديسمبر 26، 2006

التحرش النفسي

السلام عليكم
النهاردة هاحكيلكم عن التحرش النفسي
لاني انتهكت نفسيا
مش انا لوحدي
ده الدفعة كلها
اصل الحكاية اني بعمل دراسات عليا
ودي على حد علمي يعني دراسات عليا
يعني المفروض ان يكون فيه احترام نوعا ما للطالب اللي جاي ده
لانه جاي بمزاجه عشان يتعلم
مش اهله ضاربينه بالجزمة عشان ينزل يجيب شهاده يتجوز بيها وبعد كده يقعد على القهوة
والحمد لله لقيت الاحترام ده في التعامل
وبعض الدكاترة بيحترموك الاحترام ده في كل حاجه
عندنا دكتور لو قابلته في الشارع وانت ماتعرفوش وعرفت انه بيفهم في الماده الفلانية وسالته سؤال ممكن يقعد معاك على الرصيف عشان يشرحلك
لكن حكايتي النهارده عن دكتور تاني
دكتور سقاني حاجة اصفرة
بمعنى ادق سمعني حاجه اصفرة
مش انا لوحدي
ده الدفعة كلها
هو -الشهاده لله- متمكن جدا في مادته العلمية
مادخلش غير خمس محاضرات من حوالي خمسة وعشرين او تلاتين محاضرة
لكن الحق يقال محاضرته بعشرة
استاذ استاذ يعني
بالمناسبة هو رئيس قسم المادة دي
واحنا اكتر من شعبة
وبقية الشعب كلها دكاترتها بيدخلو ليهم كل محاضرة
ومع ذلك الدكتور بتاعنا بيدخل يشرح المعلومة في دقيقتين ويطبق عليها مثالين بالعدد وبعدها نقدر نحل اصعب مسألة متعلقة بالمعلومة دي
كنا راضيين تماما-على حد قول احد الزملاء- عن عدم حضوره للمحاضرات في مقابل اننا بنفهم وهو ده اللي مطلوب
لدرجة ان المعيدة لما كانت بتشرحلنا كنا بندرك القاعدة اللغوية اللي بتقولي ان التضاد يظهر المعنى ويؤكده-على حد قول زميل اخر-
من كتر ما كان بيسهلنا المعلومة كنا بنضايق من اي حد تاني يكلمنا في الماده دي
لحد هنا الدنيا وردية وان كنا نأخذ عليه عدم التزامه بالمواعيد اللي هو شخصيا بيحددها
وهي صفة تعلمت اليوم ان اعطيها قدرا كبيرا من الاهتمام
في محاضرته الخامسة والاخيرة
سالناه عن المنهج
قام سمعنا الحاجه الاصفرة
قال اننا مش محتاجين حتى نحل مسائل من مراجع
لان محاضراته هي المنهج كله والامتحان مش هايخرج من المحاضرات دي
كلام جميل والله وماده مضمونة والحمد لله
دخلت النهارده الامتحان
فوجئت ان في حاجات طبعا من بره المنهج اللي هو قال عليه
ومن بره اوي
طبعا الاقسام التانية كانت بتجاوب لانها عرفت ده وذاكرته
لكن احنا معتمدين على المعلومات العامة والحس الرياضي للمسألة -واؤكد هنا ان المسالة لا تحل بمجرد الحس الرياضي ولكن توجد قوانين وفورم ناس خدت فيها دكتوراهات قبل كده عشان نقدر نحل بيها المسائل دي
هنا حسيت بالانتهاك والتحرش الفكري والعقلي
انا انضحك عليا يا جدعان
شايف واحد بيضحك وبيقول هو انت في المدرسة يا حبيبي عايز الامتحان من جوه كتاب النماذج
دانت بوست جرادويد
اقوله معترف تماما اني مطلوب اني ادور في مراجع وانا اللي ابحث عن المعلومة
بس قولي ايه هي المعلومة اللي مطلوبة مني
لان ده اللي حصل فعلا
كنا بنعرف ان مطلوب منك مثلا انك تعرف تكامل تكامل محدود
مطلوب من الدكتور انه يفهمك يعني ايه اساسا تكامل محدود
مطلوب منك انك تعرف تكامله
تتمرن عليه
ازاي
تتصرف
مطلوب منك يابني انك تعرف التطبيقات الفلانية للتفاضل
تروح انت تدور وتبحث عن التطبيقات دي
لكن ماتدورش على تطبيقات التفاضل في حاجات مش مطلوبة منك
لو كان قالنا مطلوب منكم كذا كذا كذا وانا مش هاشرحه
والله كنت احترمته اكتر من اللي حصل ده
املي الوحيد انه يراعي النقط اللي هو ماقالش انها مطلوبة
بل بالاحرى اللي قال انها مش مطلوبة
كنت بقول اني لما لقيت كده حسيت بالانتهاك الفكري
ولما اشوف حد من قسم تاني-في الامتحان ممكن نقعد كل الاقسام في نفس اللجنه -بيجاوب وعارف
كنت بحس باحساس بلية اللي كان ممكن يبقي احمد زويل بس لو كان راح المدرسة وعرف مطلوب منه ايه عشان يبقي احمد زويل
كنت بحس احساس بلية ده وهو شايف ولد تاني لابس لبس المدرسة وشايل الشنطه على كتفه
هنا حسيت بالقهر الفكري
ولما لقيت ان في ناس بتغش وللعجب مراقبين اللجان كانو سايبنهم مش عارف عن عمد ولا عن معدومية ضمير
كنت بحس بالتعذيب والتنكيل الفكري
معقولة ؟
دانا بتعلم وبمتحن عشان ابقي استاذ دكتور
معقولة اخد الشهادة دي بالغش؟
اقبلها على نفسي؟
هو مش المفروض ان الارتقاء علميا يتبعه الارتقاء خلقيا ؟؟؟
بقت مشكلتي معقدة محتاجه فرويد عشان يحللها تحليل يعتمد على الكبت الجنسي زي عادته
اولا في حاجات راحت مني يعني في درجات راحت يعني في تقدير راح
ثانيا انا مقصرتش من ناحيتي لان مافيش حاجه اطلبت مني وماذكرتهاش لكن دانا اضحك عليا
ثالثا في غيري في نفس ظروفي وبيغشوا من ناس عارفين -من الاقسام التانية- يعني حتى مش هابقي متفوق بالنسبة لشعبتي على الاقل لان في ناس خدت معلومة مش من حقها
قلت اجي اكتب الكلمتين يمكن اطهر عقليتي شوية من الاعتداء اللي حصل عليها
عشان اعرف افكر في الامتحان اللي جاي ربنا يستر

الثلاثاء، ديسمبر 19، 2006

حمار في المزرعة

منقول من ايميلي
دخل حمار مزرعة رجل

وبدأ يأكل من زرعه الذي تعب في حرثه وبذره وسقيه

كيف يخرج الحمار؟؟

سؤال محير ؟؟؟

أسرع الرجل إلى البيت

جاء بعدَّةِ الشغل

القضية لا تحتمل التأخير

أحضر عصا طويلة ومطرقة ومسامير وقطعة كبيرة من الكرتون المقوى

كتب على الكرتون

(يا حمار أخرج من مزرعتي)
ثبت الكرتون بالعصا الطويلة

بالمطرقة والمسمار

ذهب إلى حيث الحمار يرعى في المزرعة

رفع اللوحة عالياً

وقف رافعًا اللوحة منذ الصباح الباكر حتى غروب الشمس

ولكن الحمار لم يخرج

حار الرجل

"ربما لم يفهم الحمار ما كتبتُ على اللوحة"

رجع إلى البيت ونام

في الصباح التالي

صنع عددًا كبيرًا من اللوحات

ونادى أولاده وجيرانه

واستنفر أهل القرية

"يعنى عمل مؤتمر قمة"

صف الناس في طوابير

يحملون لوحات كثيرة

(أخرج يا حمار من المزرعة)

(الموت للحمير)

(يا ويلك يا حمار من راعي الدار)

وتحلقوا حول الحقل الذي فيه الحمار
وبدئوا يهتفون

أخرج يا حمار. أخرج أحسن لك

والحمار حمار

يأكل ولا يهتم بما يحدث حوله

غربت شمس اليوم الثاني

وقد تعب الناس من الصراخ والهتاف وبحت أصواتهم

فلما رأوا الحمار غير مبالي بهم رجعوا إلى بيوتهم

يفكرون في طريقة أخرى

في صباح اليوم الثالث

جلس الرجل في بيته يصنع شيئاً آخر

خطة جديدة لإخراج الحمار

فالزرع أوشك على النهاية

خرج الرجل باختراعه الجديد

نموذج مجسم لحمار

يشبه إلى حد بعيد الحمار الأصلي

ولما جاء إلى حيث الحمار يأكل في المزرعة

وأمام نظر الحمار

وحشود القرية المنادية بخروج الحمار

سكب البنزين على النموذج

وأحرقه فكبر الحشد

نظر الحمار إلى حيث النار

ثم رجع يأكل في المزرعة بلا مبالاة

يا له من حمار عنيد

لا يفهم

أرسلوا وفدًا ليتفاوض مع الحمار

قالوا له: صاحب المزرعة يريدك أن تخرج

وهو صاحب الحق

وعليك أن تخرج

الحمار ينظر إليهم

ثم يعود للأكل

لا يكترث بهم

بعد عدة محاولات

أرسل الرجل وسيط آخر

قال للحمار

صاحب المزرعة مستعد للتنازل لك عن بعض من مساحته

الحمار يأكل ولا يرد

ثلثه الحمار لا يرد

نصفه

الحمار لا يرد

طيب

حدد المساحة التي تريدها ولكن لا تتجاوزه

رفع الحمار رأسه

وقد شبع من الأكل

ومشى قليلاً إلى طرف الحقل

وهو ينظر إلى الجمع ويفكر

(لم أرَ في حياتي أطيب من أهل هذه القرية يدعوني آكل من مزارعهم ولا يطردوني ولا يضربوني كما يفعل الناس في القرى الأخرى)

فرح الناس

لقد وافق الحمار أخيرًا

أحضر صاحب المزرعة الأخشاب

وسيَّج المزرعة وقسمها نصفين

وترك للحمار النصف الذي هو واقف فيه

في صباح اليوم التالي

كانت المفاجأة لصاحب المزرعة
لقد ترك الحمار نصيبه ودخل في نصيب صاحب المزرعة

وأخذ يأكل

رجع أخونا مرة أخرى إلى اللوحات

والمظاهرات

يبدوا أن لا فائدة

هذا الحمار لا يفهم

إنه ليس من حمير المنطقة

لقد جاء من قرية أخرى

بدأ الرجل يفكر في ترك المزرعة بكاملها للحمار

والذهاب إلى قرية أخرى لتأسيس مزرعة أخرى

وأمام دهشة جميع الحاضرين وفي مشهد من الحشد العظيم

حيث لم يبقَ أحد من القرية إلا وقد حضر ليشارك في المحاولات اليائسة لإخراج الحمار المحتل العنيد المتكبر المتسلط المؤذي

جاء طفل صغير

خرج من بين الصفوف

دخل إلى الحقل

تقدم إلى الحمار

وضرب الحمار بعصا صغيرة على قفاه

فإذا به يركض خارج الحقل

الجمعة، ديسمبر 15، 2006

البهائية سياسة ام دين(البهائية بين التبشير والتفنيد)

البهائية سياسة ام دين(البهائية بين التبشير والتفنيد)
بسم الله الواحد الأحد الفرد الصمد
والصلاة والسلام على نبينا ورسولنا ومعلمنا وحبيبنا وخام الانبياء والمرسلين سيدنا محمد بن عبد الله وعلى اله وصحبه ومن تبعهم بإحسان الى يوم الدين
وسلام الله على من اتبع الهدى
والبلغة لمن اتبع الهوى
بعد بعث النبي "ص" ظهر كثير من مدعين النبوة على رأسهم مسيلمة الكذاب بالطبع(والفيل وما ادراك ما الفيل له ذنب طويل وخرطوم وذيل )
وتتابع مدعين النبوة حتى القرن التاسع عشر الميلادي
حين كان في مسجد كربلاء بإيران شيخ يدعى احمد الاحسائي يمنى مريديه وتلاميذه بقرب ظهور المهدي المنتظر
ولما مات الاحسائي خلفه في دعوته كاظم الرشتي
وفي تلك الفتره ولد الميرزا على محمد نما وترعرع في ظل هذه الافكار
في مدينة شيراز –مسقط راسه- كان يقف على سطح البيت عاري الرأس يتمتم بالاوراد الصوفية والطلاسم السيريانية ويحملق في الشمس حتى يسقط مغشيا عليه واذا جن الليل عكف على كتب السحر والتنجيم(ومع ذلك لم يأتي بمعجزة ما )
وكان يظن فيه اصحابه –وعلى رأسهم جواد الطباطبائي- انه هو المهدي المتنظر
ولازم الميرزا على محمد الشيخ الرشتي سنتين كاملتين
واعتكف الميرزا على في المسجد فرخج منه معلنا انه الباب الموصل الى حضرة الامام الموعود وانه وكيله وسفيره بين الخلق
ثم اعلن لزميله الملا حسين البشروئي بغته انه المهدي القائم وكان عاش من العمر خمسه وعشرين عاما وانعم الميرزا على على البشروئي بلقب باب الباب
واجتمع حول الباب ثمانية عشر من اصحابه سماهم بحرف الحي
وانتشرت الدعوة البابية فأمر حاكم شيراز بأعتقال الباب وجذب من مجلسه وضرب بعض الطمات فإذا به يتراجع عن دعواه ويعلن البراءة من كل ما نسب اليه من الامامية والمهدويه

ولكن ما لبث ان عاود نشاطه بل وادعى الربوبيه
وقال إنه النقطه (اي اول هيكل يتجسد فيه الله ويظهر في زعم الباطنين)
فأمر الحاكم بسجنه في شيراز
وقامت في البابيين خطيبة في ذلك الوقت تقولما مضمونه
إقتباس:
--------------------------------------------------------------------------------انهم في زمن الفتره اي ان الشريعه المحمديه قد نسخت بظهور النبي الجديد
وفي نفس الوقت لم يصلهم من الدين الجديد الا القليل
لذا فلا حرج عليهم في ما حرمت عليهم شريعة محمد
ولا فائده من الصلاة والصوم والزكاة
بل ودعتهم للزنا وخلع الحجاب وتقديم الزوجات للضيوف وما الى ذلك --------------------------------------------------------------------------------
فلما بلغ الباب ذلك القول اقره
وهذه المرأة هي قرة عين زرين تاج
ولكم بيتين من شعرها لتتعرفوا اكثر على مفتيه الديار الايرانية ان ذاك
إقتباس:
--------------------------------------------------------------------------------ان جسمى بجميع اعضاءه صار يحكي كالناي هجركياليت تضع قدمك على فراشي ذات ليله بكرمك --------------------------------------------------------------------------------
فأطير فرحا وسرورا بدون اجنحه
وشحاذة الزنا والتي تملك الواحا مضادة للجاذبية تلك افتت بزواج المرأة من تسعه
بل وادعت انها مظهر فاطمة بنت النبي "ص" وقالت حكم عيني حكم عينها وكل شيء القي عليه نظرتي يطهر ويصير حلالا
بل وادعت انها الصور الذي ورد ذكره في القرآن الكريم وانها من علامات الساعه
اي والله تلك من علامات الساعة ولكن ليست الصور طبعا

هنا مات الملك محمد شاه وتولى عرشه ناصر الدين شاه
فقام البابيين بانقلاب على الحكم وزودوا بالاسلحه من قبل الحكومة القيصريه وكان قنصل روسيا يتدخل شخصيا كل مره يقبض فيها على الباب
(كتاب مفتاح باب الابواب)
(الكواكب الدريه)
ثم قامت بينهم وبين المسلمين حرب لا اذكر تفاصيلها ولكن ما اذكره منها هو ان البابيين استسلموا وحرقوا بعد ما لعن كل منهم تلك المله وبصق في وجه اخيه وسب حضرة النقطه
اما حضرة النقطه فكان اشدهم جبنا (وزيتونا) :انجغة: بل وسجد مرتجفا بين ايدي جلاديه وشهد شهاده الاسلام وتبراء من كل ما قاله
ولكنه اعدم ايضا

هذه كانت نبذه تاريخية عن نشأة البابية
ولنا الان موعد مع تفنيد كتاب البابية المقدس وهو البيان

للأختصار
سوف اورد لكم مقتطفات من ذلك الكتاب والكتب البابية ولكم الحكم
إقتباس:
--------------------------------------------------------------------------------قال الباب:انا افضل من محمد كما ان قرآني افضل من قرآ’ن محمد واذا كان محمد يقول بعجز البشر عن الاتيان بسورة من سور القرآن فانا اقول بعجز البشر عن الاتيان بحرف من حروف قرآني(مفتاح باب الابواب) --------------------------------------------------------------------------------

إقتباس:
--------------------------------------------------------------------------------انني انا الله الاسلط الاسلط والاثبت الاثبت والاغيث الاغيث تبارك الله من سلط متسلط رفيع تبارك الله من وزر متزر وزير تبارك الله من جمل مجتمل جميل تبارك الله من شمخ مشمخ شميخ تبارك الله من بذخ مبذخ بذيخ تبارك الله من بدء مبدتدئ بديء تبارك الله من فخر مفتخر فخير تبارك الله من ظهر مظهر ظهير تبارك الله من قهر مقهر قهير تبارك الله من غلب مغتلب غليب تبارك الله من علم معتلك عليم --------------------------------------------------------------------------------

إقتباس:
--------------------------------------------------------------------------------انا قد جعلناك جليلا للجالين وانا قد جعلناك عظيما للعاظمين وانا قد جعلناك نورا للناورين وانا قد جعلناك رحيما للراحمين وانا قد جعلناك تماما تميما للتامين .........الخ (هناك اكثر من اربعة اسطر او خمسة تحكي بنفس الوتيرة)(مفتاح باب الابواب )

الخميس، ديسمبر 14، 2006

عبد الرحمن

استيقظ من النوم
طقوس ما قبل صلاة الجمعة
صلاة الجمعة
طقوس ما بعد صلاة الجمعة
اقف مع بعض الشباب الجيران نناقش بعض القضايا
ياتي الينا وليد- من يا جماعة فصيلة دمة او؟؟- انا (شخص اخر) انا
خير محتاجين تبرع- مافيش مشكله لمين؟؟- لابن تامر -طفل اقل من شهرين-هو تامر خلف من امتي؟؟
فين طيب؟ في معهد ناصرطب يلا بينا ذهب ثلاثتنا للمعهد انا والاب وصاحب الفصيلة الاخرلاول مرة اشوف عبد الرحمن ابن تامرمنذ عام او اقل حضرت بناء -زواجه-تامر وهو شخص احبه جدا واحترمه جدالاول مرة ارى طفله
في حضانة
صغير يحتاج رعاية العاااااالم كله
ضعيف يحتاج حماية العاااااالم كله
جميل يستحق انبهار العااااالم كله
يحتاج ستين سمتي متر مربع دماء فقط
ولكنه يحتاج دم طازج
لذا كان من المفترض ان تؤخذ عينات دمائنا ثم يتم التحليل لها والتبرع بالدم في اليوم التالي رفضت الممرضه ان تاخذ عينتين قالت ان واحده تكفي قلت بفرض ان الاخر لا يصلح هل ناتي يوم اخر وننتظر التحاليل يوم اخر ؟؟ صممت على رايها خرجنا انا والمتبرع الاخرمن غرفة العينات نبحث عن الاب فلم نجده بحثنا حولنا فوجدناه عند طفله رايناه من بعيد يداعبة يلاعبه فهو اكثر من يهتم به في العالم الان
بعد رجاء الممرضه تم الاتفاق على الانتهاء من تحليل العينه في نفس اليوم ومن ثم التبرع ليلا
خرج الاب من عند الطفل متجهم الوجه
مالك يابني
مافيش ان شاء الله يخف ويبقي كويس وخففنا عليه وانصرفنا
ثم عدت لمنزلي
امارس طقوسي اليوميةخرجت ليلا-فانا لم تؤخذ مني عينه حتى انتظر نتيجة التحليل ليلاعدت قابلت المتبرع الاخراخبرني ان امر الله قد نفذ
عبد الرحمن مات
لم اشعر بنفسي الا وانا اكتب تلك السطورلماذا؟لا ادري
ماذا بعد؟لا ادري ان تجربة الموت او الدنو من الموت-بمعناها المجازي وليس الاصطلاح العلمي تجربة مؤثرة للغاية

يعني ايه بي ال سي؟؟؟؟؟ يمكن بامية لوبيا كوسه؟؟؟؟

إهداء : الى استاذي العزيز د/ محمد مصطفى
سلام عليكم
النهارده احنا بصدد التكلم عن
ولا بلاش الكلام التقيل ده
احنا النهارده هانحكي حكاية البي ال سي
وهو زي ما وضحنا فوق بامية لوبيا كوسه
يعني ايه
هانقول في الاخرلكن تعالو نفرض مثلا ان عند حد مننا ورشه صغيرة
او حتى في نظام بيته العادي
لو انا عايز اعمل لمبه(مصباح كهربي ) في اوضه(حجرة) معينه
اللمبة بتتوصل ازاي؟
اللمبة تركب في الدواية والدوايه فيها سلكتين السلكتين في الكهربا مكان الفيشه
اللمبة تنوريعني نقدر نقول ان اللمبة سلكتين في دواية
طيب بالشكل ده عشان اتحكم في اللمبة اعمل ايه
اشيل السلكتين من الفيشه اللمبة تطفي احطهم اللمبة تنور
بس ده مش حل
مين يا شطار يقول حل
ايوة القصير اللي هناك
برافونعمل مفتاح
ونحطه في النص بين اللمبة والفيشه
ويبقي بالمفتاح(زرار او سويتش) ده ممكن نشغل اللمبة ونطفيها
طيب ده حل ممتاز وعلى فكره الحل ده مستخدم منذ الاف السنين
دي مش مشكلتنا وانا هنا مش عشان اشرح سلزسيون(توصيل كهربة المنازل)
انا هنا عشان اتكلم عن البي ال سي
تعالوا بقي نفكر في حاجه تانية
نفس اللمبة دي انا عايزها تنور بس من مكانين مختلفين
يعني ايه؟
يعني مثلا عندي اللمبة دي هاتنور ممر والممر ده طويل نوعا ما
فعايز مثلا وانا داخل من اول الممر ادوس على زرار ينور اللمبة
ولما اوصل اخر الممر ادوس على زرار يطفي اللمبة
وبعدين وانا راجع من اخر الممر ادوس على نفس الزرار اللي طفا اللمبة من شوية اخليه ينورها
وفي اول الممر ادوس على نفس الزرار اللي نور اللمبة وانا داخل اخليه يطفيها وانا خارج
فيلم كبير حبتين
بس بيتعمل وبسهوله جدا على فكره
ازاي مش مشكلتنا دلوقتي
بس اكيد السيستم(النظام) بتاع السلكتين اللي في الدواية وفيهم لمبة وزرار ماينفعنيش
يبقي هافور(اشيل) النظام ده كله واعمل نظام جديد على نفس اللمبة
واحد يقولي ماتجيب لمبة تانية وتريح دماغك
اقوله افرض ان اللمبة دي مش لمبة مثلا ماكينة في مصنع
او حتى لمبة بس غالية حبتين
المهم هاغير النظام واجيب نظام فيه زرارين ينفعوا للحالة بتاعتي واسلاك وكلام من ده
طيب تعالوا نغير الطلب
يعني عايز اللمبة ماتنورش غير لما انا ادوس على زار وواحد تاني يدوس على زرار تانيي
عني احنا الاتنين نكون عايزين اللمبة تنوربايخ حبتين النظام ده
تعالوا اضربلكم مثل تاني عشان نفهمة
فرضا ان اللمبة دي مقص كهربا(ماكينة وظيفتها انها تقص اسياخ الحديد)
ودي طبعا ماكينه من الحده ان لو في دراع بني ادم تحتها ممكن تشيله من غير ما يحس ولا ياخد باله وممكن يروح وهو مش عارف اساسا
انا عايز احمي العامل اللي عليها
يعني مايبقاش ساند على الماكنه بالغلط ويدوس على الزرار ودراعه تحت المقص بتاعها(في عمال حمير وماعندهمش اي سينس خالص)
اقوم اعمل ايه
اقوم اعمل الماكنه دي ماتشتغلش غير بزرارين بعيد عن بعض
بحيث ان العامل عشان يشغل الماكنه لازم يكون دايس على الزرارين مع بعض
واحط الزرارين دول في مكانين بعيد عن سن الماكنه عشان ابقي ضامن ان ايد الراجل ما تتقطعش
فاهاعمل ايه
اكيد نظام غير النظامين اللي فاتوا
طيب تعالوا نتخيل اني دايما دايما بغير نظامي باستمرارليه؟
هو ايه اللي ليه
افرضوا مثلا اني مصنع شبسي مش كل فترة بحب اغير الغلاف بتاعي والغلاف ده مش بيطبع ببمكن
علمت حجم جديد في مصنع البان(كليوا الا ربع مثلا)
او مصنع سمنه(من اللي مغرقين البلد) عامل عرض اللي هو عشرة في المية زياده مثلا
مش هاغير نظام المكن
المكنه اللي بتعمل العلبة بتاعة السمنه هاتغير مقاساتها
المكنه اللي بتصب السمنه في العلبه هاتغير الكمية
كل دي تغيرات
اكبر مثل واوضح مثل للموضوع ده
مصانع العربيات
لانها بتغير موديلاتها كل اربع خمس سنين بالكتير
وعلى فكره اصل ظهور البي ال سي هو مصنع فورد عشان السبب ده بالذات
بس انا لسه ماتكلمتش وقلت يعني ايه بي ال سي
خلونا في موضوعنا
انا قلت اني ممكن اغير النظام بتاعي كل فترهيبقي ايه الحل
ايوة الاخ اللي بياكل ورا ده
بالظبط
اجيب صندوق كبير قوي واحط فيه شوية زراير واسلاك ومكونات كهربية من اللي بحتاجها في التوصيل بتاع النظام
وكل ما احب اغير النظام اجيب حاجاتي اللي انا عايزها من الصندوق واحط الحاجات القديمة فيه تاني يمكن احتجلها لما اغير النظام تاني
صح كدا
تمام
ركزوا بقي معايا في الحته اللي جاية دي عشان مهمة قوي وتقيله حبتينحد فيكم سمه عن الاي سيهات
IC الدوائر المتكاملة
اللي مايعرفش دي عبارة عن ايه
اقوله لو مسكت اي لوحه بتاعة جهاز الكتروني
هاتلاقي مستطيل اسود كدا ليه رجول غريبه مخلياه عامل زي العنكبوت ولا الصرصار
دي بقي الدوائر المتكامله(معلومة تحرق دم الاخوات يستخدم في صناعة تلك الايسيهات الذهب وهناك طرق
معروفه لاستخلاص الذهب منها يعني ممكن تروحي لاي بتاع روبابيكيا تشتريهم منه بالكيلوا وتقعدي تطلعي منهم ذهب)
المهم خلينا في موضوعنا
الايسيهات دي بتعمل ايه في الدنيا
الاي سيهات دي بتعمل حاجات كتير قوي
بس اللي يخصنا في الموضوع هنا هو عيله اربعه وسبعين
يعني اي ايسي يبتدي برقم اربعه وسبعين
7401
7402
7403
7404
الخ الخ الخ
طبعا كل واحد منهم ليه شغلانه بس العيله تبع عيلة اربعه وسبعين
طبعا في عيلات تانية
ممكن تكون بتعمل وظائف مشابهه بس دي اكثر العائلات شهرة في المجال ده
ايه بقي العيله دي
احنا لازم نتفق على شوية حاجات
فاكرين الماكنه بتاعة المقص؟؟؟
دي كان الشرط بتاعنا ايه ؟؟؟
كان الشرط يا الزرارين شغالين يا بلاشالشرط ده في الكهربا اسمه
AND
في شرط تاني ممكن
نسمية (الموجود يسد)
يعني اي زرار من الاتنين يشغل الماكنه
(طبعا ده تطبيق تاني مثلا النور اللي في سلم العمارة)الشرط ده في الكهربا اسمه
OR
وفي شرط تاني
ممكن نسمية خالف تعرف
يعني ايه
يعني يديني عكس اللي موجود
ازاي
يعني لو انا دايس على الزرار اللمبة ماتنورش ولو شلت ايدي من على الزرار اللمبة تنور
واحد يقولي اديني مثل
حد شاف زرار التلاجه
زرار كدا الباب بتاع التلاجه لما يقفل بيدوس عليه
اول ما يدوس عليه لمبة التلاجه تنطفي
لكن اول ما يسيبه اللمبة تنورده بالظبط تطبيق مباشر للشرط دهالشرط ده ممكن نسمية في الكهربا
NOT
دي الشروط الاساسية
ممكن نشكل منها اي تشكيلة انا عايزها
المهم
نرجع لموضوع الايسيهات
كل اي سي من دول بيبقي في جيت (او بوابه ) من دول
ممكن انا اعمل ايه اوفر الاسلاك الكتير قوي واحط في الصندوق بتاعي شوية ايسيهات من دي
واوصل بينها
ويبقي الصندوق اصغر ومادام الحاجه اصغر يبقي توصيلاتها اقل ونقلها اسهل
تمام لحد هنا وبرده كل ماحتاج حاجه من الصندوق هاخدها وارجع القديم في الصندوق يمكن احتاجه بعد كدا
جه شوية علماء بقي وقالك طيب مانا اعملك حاجه ظريفه
بدل ما تقعد تلحم وتفك واسلاك وشوية توصيلات مقرفه (مع انها قليله) مانا احطلك الايسيهات دي في الصندوق بترتيب معينواطلعلك من الصندوق شوية نقط توصيل(اماكن تركب فيها سلك) حبه منهم يبقوا دخل للصندوق وشوية يبقوا خرج للصندوق
وانت تعمل برنامج معين تقول فيه انك عايز الخرج الفلاني ما يشتغلش غير لما الدخل الفلاني يشتغل
او تحط في البرنامج بتاعك اي شروط
وبناء على الشروط دي ممكن تعمل اي نظام انت عايزة وتوفر حاجات كتير جدا مكونات
تعقيد في التوصيل
امكانية التجربة للبرنامج عل يكون فيه حاجه غلط انت مش واخد بالك منها سهوله التعديل
ومش هايكلفك حاجه
ده برنامج
تقدر تسيف البرامج بتاعتك على ديسكات بحيث تحط اي برنامج في اي وقت
حاجات كتير قوي
يعني زي ما يكون عندك طباخ في البيت وانت تقوله اعملي النهارده بامية يعملها
او اعملي لوبيا يعملها
او اعملي كوسه يعملها
وهو هو نفس الطباخ
ونسمي الطباخ ده
PROGRAMMABLE LOGIC CONTROL
يعني بي ال سي
وتوته توته فرغت الحدوته
بقي بس اني اقولكم ان اغلب الصناعات دلوقتي شغاله بالبتاع ده
بس بتفرق في الماركه والامكانيات وعدد الدخل والخرج الليي ممكن استخدمه
مستني اي تساؤلات

مذكرات نص كم

التاريخ
الواحده صباح الاثنين
المكان غرفتي
الحاله زهقان مش عارف ليه
احاول مرارا وتكرارا اني افهملي كلمتين في الماده اللي هامتحنها ومافيش فايده
والحجه هي حجه اي وغد يكره المذاكره
اصلي لامم الماده
ولكن كل مامسك فيها صفحه احس اني كنت مش فاهم حاجه قبل مامسكها
وبرده بعد مامسكتها
وشكلي هافضل على الحال ده لحد الامتحان نفسه كل شوية اقول اصلي لامم الماده
بعض الزملاء اقترحوا -بل الحوا- عليا اني اروح اذاكر معاهم
طبعا مش عشان عبقريتي-على الاقل في الماده دي- لكن عشان
القعده الحلوة ماتتعوضش
او "قعدتنا مع بعض بتوسع الافق"
او "عشان كل واحد يقول اللي عنده"
من الاخر جمعية
وانا ارفض الذهاب
والحجه
حجه اي وغد
اصلي شايف الماده مش مستاهله
مش عارف ليه افتكرت دلوقتي حكاية الارنب اللي دخل سباق مع السحلفة(السلحفاء لانصار الفصحى)الحكاية اللي عمر جدتي ماحكتهالي
صحيح
هي ماحكتهاليش ليه؟
اكيد عشان كنت صغير
لالا افتكرت
اصل جدتي ماتت قبل ماتولد اساسا
وجدتي التانية كانت عيانه قوي قوي وانا مولود
الله يرحمهم ويرحم ابي ويرحم موتانا وموتى المسلمين
لكن ايه الصوت ده
اه ده حد من الجيران الظراف اللطاف الخفاف مشغل التلفزيون ومعليه
هو مايعرفش ان في ناس بتذاكر ولا ايه
ايه؟
مالكم بتبصولي كده ليه؟
قصدي يعني مايعرفش ان في ناس المفروض تذاكر
واقعد اكدب قصدي اكتب الكلمتين دولمافيش فايده لسه زهقان
طيب اذاكر ماده تانية؟
يبقي عيب حتى
اولع سيجارة اقعد وارجع راسي لورا واتخيل نفسي بعد مالنتيجه تطلع
وانجح ان شاء الله
واعمل حفله للتخرج
واجيب كوووووووووووووووول الزملاء الاعزاء اللي كانوا معايا في مشروع التخرج
واقعدهم في دايرةواجيب كل الشباب-مفتولي العضلات- اللي في العيله
واقعدهم في دايرة حواليهم-حماية يعني-واقف في وسطيهم واقول لكل واحد فيهم رايي فيه بكل صراحه
وبعد المعركه
اقطع كل صلتي بالكليه وبالتعليم وبكل حاجه
الغريب اني كل ما قابل حد يقولي بس خلص انت واديني ميسد
وانت تشتغل تاني يوم
انت عندك جيش؟
اقوله ماظنش
يقول خلاص تبقي سهله
امال ياعم الناس اللي قاعده على القهاوي دي عندها جيش؟
المشكله ان عدد العروض دي كتر لدرجه اني مابقتش مقتنع
يعني حتى لو العروض دي حقيقية-مش مجاملات فارغه-الواحد هايقعد سنه عشان يحدد الشغلانه اللي هايشتغلها انهي في كل دول
يعني هاقعد عاطل
ومش هاحلها لوحدي طبعااكيد الشغلانات هاتروح مني واحده ورا التانيه لحد ماتفضل واحده بس
بس عالله الحقها
هما الجيران دول مش هايطفوا التلفزيون ولا ايه
عموما تحديد المستقبل ده حاجه مش هينه الحقيقه
ده حتى موضوع الجواز
امي عاملالي ليسته
واختى عاملالي لسته
ولسه بقية الليست مااعلنتش عن نفسها
والمفروض اني هاختار-هي نتيجه الاستفتا طلعت كام؟؟-ولما امي تقعد مع اختى يقعدوا يتناقشوا في الموضوع ده
ونظام بقي لازم واحده تقنع التانية
وكل واحده منهم تحاول تستقطبني لناحيتها
ياخونا انا مش هاتنيل اتجوز دلوقتي
دانا على ماتجوز تكون كل الليست دي بتلعن الجواز والخلفه
يقولولي بس خلص انت ومالكش دعوة
اقولهم
ماظنش ان ليا جيش
مش فاهم انا ايه المشكله في الجيش
يعني لو الجيش ميري وسلاح وطوابير وانتظام والله يبقي حاجه كويسة
لكن لو الجيش سواقه ومجايب طلبات للمدام واجيب الاولاد من النادي
تبقي مش جيش الحقيقه
وبعدين لو هايستافدوا من تخصصي في الجيش مافيش مشكله
لكن لو يشغلوا بتاع كهربا في الحسابات يبقي مش نظام الحقيقه
بالمناسبة نظام يعني سيستم بالانجليزي
اكتبوها يمكن تنفعكواهي تبقي جينرال نولدج
على راي فؤاد المهندس
الا هو محمود الجندي كان عايز-في المسرحية- يسافر اوربا
والله فكره
بس الغريب انه فكر في اوربا ومافكرش في امريكا
ولا امريكا ماكانتش ظهرت على ايامهم
تلاقيها جديده في الشغله
و عموما كل واحد جديد في اي (كار) بيبقي غشيم حبتين
ياه دي الساعه بقت واحده وتلتت
فتكروا هالحق اوربا
ولا هاتكون امريكا بقت رئيس مجلس ادارة
الا هو ايه الفرق بين هنا وهناك
مانا لو مالاقتش شغل هنا مش هالاقي هناك
ده انا حتى هابقي مواطن دارجه عاشرة
لا ياخونا برده عاطل هنا غير عاطل هناك
ده القهاوي هناك ترد الروح
كفاية انك تقعد على القهوة تلاقي القهوجي جايلك على طول
مش زي هنا اطلطع نص ساعة لحد ما المعلم ياسر يعبرني
بالمناسبة كل القهوجية اسمهم يا ياسر يا عماد يا صلاح مش عارف ده سيم زي ماكل السواقين اسمهم اشرف
ولا الطبقه الاجتماعية اللي بيطلع ولادها قهوجية بيسموا الاسامي دي غالبا
انا في اعدادي
كان معايا ولد في الفصل اسمه صلاح
كنت لما اتفرج على فيلم صلاح الدين افتكر صلاح زميلي دهواقول لنفسي صلاح ده اسم انتهت صلاحيته خلااااااااااص
اصل احنا عندنا في مصر الاسامي بتنتهي صلاحيتها زي مالفراخ بتنتهي صلاحيتها زي الدوا زي المية زي برامج التلفزيون زي الاخلاق زي الطبقات الاجتماعية
مافيش حاجه دلوقي اسمها طبقه متوسطه-والعهده على المحللين السياسين-ماحدش بقي بيحلم يلاقي اوتوبيس فاضي
كل بيحلم يركب عربية
وعربية اخر موديل
لان التمانية وعشرين بطلت خلاص
والاوتبيسات بقى حلم الكرسي الفاضي فيها درب من الخيال
مرة شفت في رمسيس قدام عماره النهضه
اوتوبيس كان الناس بتركبه من الشبابيك
اي والله
بينطوا من الشبابيك عشان يدخلوا الاوتوبيس
لان كل الاماكن المتاحه للقعاد والوقوف-متاحه عقليا طبعا بل ومتاحه مع بعض الخيال والمجاذفه-كانت اتملت
مافضلش مكان فاضي غير فوق دماغ الناس اللي قاعدين
وده كان المكان الوحيد اللي بيمد الاوتوبيس بالهواواهو اتملاطيب ده كان اوتوبيس من ابو ربع جنية
حتى الاوتوبيس ابو جنية -اللي له بديل بربع- بشوف فيه ناس واقفه على السلم
معقوله الناس كلها بقى عندها استعداد تدفع جنية في مواصله ليها بديل
ويقولك الشعب مش لاقي ياكل
لو مش لاقي ياكل كان ركب الاوتوبيس ابو ربع
ايه؟
ماهو ابو ربع مابيجيش.؟
يعني هايكون قاصدها يعني اكيد مشغول حبتين اول مايفضى-من مشغولياته مش من ركابه- هايجي على طول
وبعدين بلاش
يركبوا الميكروباص ابو نص جنيةايه؟
الميكروباصات غليت
بقت بخمسه وسبعين؟
لالا دي بقت بستين بس
بتقول ايه؟
يبقالي عشان مافيش فكه
طيب ياسيدي
وبعدين العمر واحد والرب واحد
مايركبوش ميكروباصات ليه انا عايز افهم
بلاش ده كله
يركبوا المترو
واهو حتى لا يلوص البيئه
صحيح السواق بيدوس فيه فرامل اكتر ما بيدوس بنزين
بس ده راجع لان المترو بيمشي بالكهربا يعني مافيهوش بنزين اساسا
صحيح انتوا شعب عير واعي سياسيا
الساعة بقت واحده ونص وخمسه
هاركب ايه طيب؟
يوووووووه قصدي هاعمل ايه؟
اذاكر ولا انا لامم الماده؟
اروح بكره ولا الماده ماتستهلش؟
اشرب سيجارة تانية ولا ابطل تدخين؟
اشتغل انهي شغلانه؟
ياترى ليه جدتي ماحتكتليش قصه الارنب والسحلفه(سلحفاء لانصار الفصحى)؟؟؟؟
طيب اذا كانت جدتي ماحكتهاليش
امال مين اللي حكاهالي؟
وحكهالي ليه؟؟؟
كان عايزني اقعد اجري اجري اجري ورا الاوتوبيس؟؟؟
طيب اتوبيس من ابو كام؟
الا صحيح اوتوبيس كام بيروح اوربا؟؟؟
وبيروح فين في اوربا؟
انا ماروحش غير فرنسا او المانياليه؟؟
طبعا عشان عندهم لحم مدبوح على الشريعه؟
انا ملتزم على فكره
وكمان -خصوصا فرنسا- عندهم لحم مش مدبوح خالص قصدي يعني مش مدبوح على الشريعه ماتفهمونيش غلط
لكن انا لسه ماحدش جاوبني على اسئلتي
هو صحيح الساعة كام دلوقتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ملحوظة: رحت تاني يوم اذاكر مع اصحابي وللعجب انا الوحيد فيهم اللي نجحت في الماده دي كلهم شالوها دور تاني بس الحمد لله نجحوا فيها

عضلجيتي الاولي


المنظرقهوة بلدي في حاره شعبية مكتوب عليها "قهوة النزاهه"
على طول المسرح يوجد اكثر من عامود نور مظلم
في جانب المسرح الايمن يوجد محل مكتوب عليه يافطه "عم مرتضى العطار"يوجد كراسي خشبية متناثرة على المسرح وتكون القهوة على يسار المسرح
يجلس رجلان بكامل هندامهما بجوار القهوة يلعبان الطاولة
يجلس عم احمد العطار امام المحل بتاعه وهو شاب يرتدي لحية وشارب مستاعرين للايحاء انه كبير في السن
يجلس بعض الناس يتحدثون ويشربون الشاي والقهوة دون أي دخان حتى الان
يوجد راديو قديم في مكان ظاهر خارج القهوةالشخصيات :
ياسر : القهوجي
مرتضى: عم مرتضى العطار
بعض الناس الذين سيظهرون في وقتهم
الخواجه
يفتح الستار على هذا المنظرياسر : ايوا جاااي (يوصل بعض الطلبات للزبائن)مرتضى: (يدخل المسرح ويفتح دكانه)(المسرح مظلم نسبيا)يدخل الخواجه ويقف بجوار اول عامود نور فيضيء العامودزبون واحد : انتوا مش جبتوا راديوا يا ياسر ماتشغلهولنا يابني
ياسر يشغل الراديوا على اغنية وطني حبيبي
يقف الخواجه بجوار احد اثنين من الزبائن ويرسم ابتسامه صفراء على وجهه ويقول وهو يمد يده متحسسا ذقن احدهماالخواجه : مساء الخير يا حضرات
الرجل 1 : (يزيل يده في حنق) ساء الخير يا سيدي
الخواجه : انا واخد صخفي ممكن اعمل مأكم واخد خوار ؟؟
الرجل 2 : قوي قوي
الخواجه : ممكن اتأرف على اساميكم؟؟
الرجل واحد : انا عادل
الرجل اتنين : وانا حسن
الخواجه : نفسكم في ايه دلوقتي ؟؟
حسن : نفسي انسى المشاكل بتاعتي يا خواجه
عادل : نفسي يترفع عني الظلم ياناس
الخواجه : ثكرا ثكرا ان اذنكم
يذهب الخواجه الى داخل القهوة ثم يخرج ومن خلفه ياسر يحمل شيشتين للزبونين اللي بجوار القهوة يلعبان الطاوله
يخرج الخواجه من المسرح
مرتضى: هي الناس بطلت عطاره ولا ايه؟؟
محسن افندي : (يدخل المسرح ) سلام عليكم يا عم مرتضى
مرتضى: ازيك يا محسن يابني
محسن : الحمد لله ازيك انت
مرتضى: هانقول ايه يابني الحمد لله على كل حال
محسن : مالك يا عم مرتضى ؟مرتضى: الحال واقف يابني
محسن : طيب ماتغير النشاط
مرتضى: ازاي يعني
محسن : اقلبه دكان بقاله واهو تبيعلك شبسي على شوكلاته والحاله تمشي
مرتضى: والله فكره(يزيل اليافطه وياتي بيافطه اخرى مكتوب عليها " عم مرتضى البقال")يدخل الخواجه ويقف بجوار عامود النور الثاني فينير العامودياسر يغلق الراديو وياتي بتلفزيون صغير يضعه مكانه
زبون : قشطه عليك يابو ياسر شغلنا بقي التلفزيون خلينا نتسلى شويه
ياسر يشغل التلفزيون على اغنية وطني حبيبي بالصوت والصورة ويراعي ان التلفزيون ابيض واسودالخواجة يذهب الى الزبون الذي طلب تشغيل التلفزيون الخواجه : مساء الخير خبيبي
الزبون : ( وهو ينظر للتلفزيون ببلاهه ) مساء الفل يا خواجه اتفضل اقعد
الخواجه : ( يجلس) ممكن اتأرف عليك خبيبي؟؟
الزبون : قوي قوي انا راجل
الخواجه : هه هه هه مانا عارف خبيبي انا قصدي اسمك
الزبون : مانا كمان قصدي اسمي يا خواجه اسمي راجل
الخواجه : دي خاجه خلوة خالص
راجل : خير يا خواجه أي خدمه؟الخواجه : لا خبيبي انا صاخفي وكنت أيز أامل مأك خوار
راجل : صحفي فين لامؤاخذه
الخواجه : في جرنال
راجل : جرنال في بلدنا يعني؟
الخواجه : طبأا خبيبي
راجل : بس ماتأخذنيش يعني انت مابتعرفش تتكلم عربي اصلا
الخواجه : لا مانا بكتب بالانجليزي خبيبي
راجل : انجليزي في جرنال عربي؟
الخواجه : اه خبيبي انت بس ماتاخدش في بالك قولي
راجل : اقولك
الخواجه : ايه رايك في الاغنيه دي حبيبي (يشير للتلفزيون)
راجل : ( في ريبه) وانت مالك لامؤاخذه؟؟
الخواجه : انا صاخفي خبيبي
راجل : (بارتياح) آه دي اغنيه تمام التمام واخر السطه
الخواجه : يعني لو فيه واخده بترقص هاتسيب الاغنيه وتتفرج عليها خبيبي؟؟
راجل : (في تزمر) طبعا لا يا خواجه الوطنيه اهم
الخواجه : ثكرا خبيبي ان اذنك
الخواجه يقف بجوار عامود نور اخر فينيره
راجل: يا ياسر حولنا يابني وهات الفيلم بتاع نجوى فؤادياسر يحول القناه
ولكن التلفزيون لا ياتي بصوره معينه
مجرد صوت خروشه يدل على ان الارسال زباله
ياسر : باين الارسال بايظ
راجل : واديني قاعد لحد مايصلحوه
ياسر طيب هانقعد نسمع الخروشه دي خلينا نشوف الاغنيه على الاقل
الخواجه يدخل القهوة ويخرج منها
الزبون اللي جنب القهوة بيلعب طاوله : ولا يا ياسر ماتلغملنا الحجرين دول واهو ماحدش واخد باله
ياسر : عنيه (يغير الحجرين من داخل القهوة)
زبون واحد وقد اخذ نفسا من الحجر الجديد واصبح مسطولا : اهو كدا العب يابني وريني شطارتك
طفل صغير ياتي ويسال عم مرتضى : عندك حاجه ساقعه
مرتضى : لا يابني
الطفل : بقاله نص كم صحيح
يخرج الطفل
يدخل محسن
محسن : سلام عليكم يا عم مرتضى
مرتضى: ( في خنقه واضحه) وعليكم السلام يابني
محسن : مالك يا عم مرتضى؟ا
مرتضى : بعد ما قلبتها بقاله اشتغلنا شويه وبعدين رجعت ريمه لعادتها القديمه
محسن : يبقي طور نفسك وواكب العصر يا عم مرتضى
مرتضى : والله فكره (ياتي بيافطه مكتوب عليها " توجد حاجه ساقعه )
يخرج محسن
يدخل الخواجه ثم يقف بجوار عامود نور اخر فينيره
يدخل ياسر يحمل التلفزيون الابيض واسود ويبدله باخر كبير ملون
راجل : هات يابني القناة التانيه خلينا نشوف الفيلم الاجنبي
ياسر يحول القناة التانيه فيجد اغنيه وطني حبيبي
راجل : يادي النيله
ياسر يدخل القهوة فياتي بكراسي بلاستيكيه ويبدلها بالخشبيه وفي خلال ذلك يدور الاتي
شخص يدخل يوجه كلامه لعم مرتضى : عندك سجاير اجنبية ؟
عم مرتضى : لا يابني ماعنديش
الشخص : بقاله نص كم صحيح
يخرج الشخص ويدخل محسن
محسن : ازيك يا عم مرتضى
مرتضى: زي مانت شايف يابني
محسن يبقي واكب العصر يا عم مرتضى اقلبه سوبر ماركت
مرتضى: والله فكره
يزيل اليافطه بتاعه البقاله ويضع يافطه مكتوب عليها " سوبر ماركت عم مرتضى"ياسر وقد انتبه لما يفعله عم مرتضى يزيل يافطه القهوة ويضع بدلا منها يافطه تحمل "كوفي شوب النزاهه" يدخل الخواجه فينير ثلاثه مصابيح مره واحده
ياسر يدخل يحمل فيديو ويضعه فوق التلفزيون محسن يدخل ويعبر امام عم مرتضى
ويقوله طور نفسك يا عام مرتضى
مرتضى: والله فكره
يزيل يافطه السوبر ماركت ويضع لافته بعنوان " نادي فيديو عم مرتضى"
راجل: هات يابني الفيلم بتاع البت اياها
ياسر ياخذ فيلما من عم مرتضى ويضعه في الفيديو
مسطول 1: غير يابني الحجرين دول
ياسر يغير الحجرين وينزل شيش لاغلب الزبائن
الخواجه يدخل وينير عامودين اخرين ويخرج مباشرة ياسر يزيل الفيدو ويضع مكانه ريسيفر ويضع بجوارهما دش يبداء بعض الناس في الالتفاف حول الشاشه
راجل : هات يابني القناه اياها
عم مرتضى يخلع الشارب واللحيه البيضاء ليظهر كعجوز متصابي ويغير اللافته الي موبيلات عم مرتضى
يدخل الخواجه وينير عامود نور اخر ثم يخرج
مسطول 2 : هات يابني تذكرتين من عندك
ياسر ياتي بتذاكر هيروين وشفاطة صغيرة لاستخدامها في الشم
مسطول2 : اهو كده الشغل
اصوات موبيلات كثيرة وكل يرفع محموله ويتحدث به قليلا
زبون 1 : ايوه يا حبيبتي انا على القهوة
زبون 2 : عايزة عيش يا ماما وانا جاي؟؟ من عنيه
زبون 3 : لا لسه ماجبتش الموتوسيكل
الخواجه يدخل فينير عامود اخر يخرج الخواجه عم مرتضى يخلع ثيابة فيظهر بشورت وقميص مزركش ويغير اللافته باخرى مكتوب عليها "شبكة دعارة مرتضى بيه"
راجل: هاتلنا يابني القناة بتاعه العيال اللي مصورينهم طول اليوم دول
ياسر يحول القناة ويبداء بقية الزبائن في الالتفاف حول التلفزيون معلقين وجوهم نحوه
مسطول 1 : هات يابني ازازة بيرة كمان ياسر ياتي بزجاجه بيرةاحد الزبائن يقف منجذبا للتلفزيون ثم يفكر قليلا ثم يذهب الى عم مرتضى ويعطيه مالا في يده فيدخله عم مرتضى الدكان ثم يفعل باقي الزبائن نفس الشيء ويقفوا طابورا امام عم مرتضىيخرج الزبائن واحد تلو الاخر ويقع كل منهم على الارض من التعب
الا عم مرتضى والمسطوليين وياسريدخل الخواجه فينحني على كل شخص من الملقون على الارض وياخذ ماله من جيبه وعم مرتضى يخرج سجارا من جيبه ويشعله في استمتاع وياسر يلم الشيش والمسطولان يقولولان في نفس واحد مسطول 1 و2 : هات يابني خمره وحشيش وبدره يدخل محسن فيرى ما يحدث ثم ينظر لعم مرتضى فيقول له
مرتضى: ( في اسلوب من يفهم الامور)طور نفسك
محسن : والله فكره
ثم يذهب ويعانق الخواجه
تسدل الستار

الجاثوم

بسم الله الرحمن الرحيم المكان:غرفتي الزمان:الخامس عشر من نوفمبر الفان وست الساعة الثانية والثلث صباحا اسطر هذه الكلمات وحيدا امام حاسبي الآلي بعد عدة تسكعات في الشبكة العنكبوتية بدأت تسكعي في الشبكة بعد مشاهدة برنامج البيت بيتك والذي استضاف فتاتين من المدونين المصريين اعرف احداها-اسما فقط- من احد المنتديات وهذا سبب مشاهدتي للفقرة فانا بصفة عامة لا اشاهد التلفاز ليس عن تدين قدر ما هو عن عدم اقتناع بما يقدم من موضوعات قليلة هي البرامج التي تبدو جيدة وتكون جيدة في الآن ذاته في حديثهم عن المدونين ذكروا اسما اعرفه –شخصا- من نفس المنتدى وكان قد تركه من فتره واتجه للتدوين ولم اراه من زمن بعيد عله يقراء هذه الكلمات الان منير افتقدك كثيرا فأنت حقا مثل لشاب يبحث عن حقيقة ولو اختلفنا في منهجية البحث ولكني احترمك اكثر مما احبك وللعلم انا احبك كثيرا نعود لموضوعنا حين ذكرت اسمه تذكرت اني منذ زمن لم اقرأ له شيئا لذا بدأت بحثي بمدونته الخاصه والمدونه –لمن لا يعرف- هي مساحه على الشبكة العنكبوتيه مجانية غالبا تقوم بمعالجه النصوص والصور والأفلام وما الى ذلك تقوم فيها بكتابة ما يحلو لك دون ادنى رقابة من رئيس تحرير جريده او مديريتور او ادمن في منتدى لك مطلق الحرية فيما تكتب ولمن له الحق في اعتقالك مطلق الحرية ايضا في ذلك طبعا تبعا للقانون والدستور والطوارئ والـ(طوارق) وجدت فيما وجدت على الشبكه تقرير من برنامج العاشرة مساء –وهو برنامج احترمه حقا- فيه بعض الشهود على حادثة وسط البلد-كان منير احدهم- وحين يبدأ تسكعك في الشبكه هذه البداية فعليك ان تعد نفسك لساعات عصيبة عليك ان تتذكر انه من العلم ما قتل وعليك ان تحسد الأغبياء والجهلاء على جهلهم وعليك ان تلعن من علمك القراءة وعليك ان تسقط لعناتك ايضا على التقدم التكنولجي الذي اتاح لك معرفة هذه المعلومات برومثيوس بطل من الأبطال الذين تعج هم الاساطير الاغريقية حاول سرقة النار من الاوليمب-والنار ترمز للمعرفة- ومنحها للبشر-اسطورة اغريقة تضع تصورا لأكتشاف الانسان للنار- ولكن حين علم زيوس- كبير الهة الاوليمب – قرر عقابه عقابا خاصا فعلقه بين جبلين متدليا في السماء وسلط عليه رخ عملاق ياتي كل يوم ليأكل كبده وفي الليل ينبت له كبد جديد حتى تتكر المأساة للأبد رباه كم هو عقاب عادل حين تبدأ هذه البداية تعلم انه من الأفضل لك الا تعلم من الأفضل الا تبدأ هذه البداية من الأفضل الا تبدأ مطلقا الطريف في الاسطورة ان زيوس علق بجوار برومثيوس شعلة من النيران لتحميه من التجمد عجبت لإله يستطيع انبات كبد كل يوم ولا يستطيع تدفئته والأغرب انه استخدم نفس الاداه التي كانت سببا في العقاب النار المعرفة ربااااااااه كم يوجد تقارب فالمعرفة نار موقدة حين تمرض مرض عضال لا دواء له ويخبرك الطبيب بذلك تعلم ان الصم اللذين لا يسمعون في نعمة من الله حيث ان احدهم لو كان مكانك لما عرف ولعاش بالامل ينبض قلبه حين تعلم ان ايامك في الدنيا محدوده فهذا كاف بزهدك وهذا كل البشر تعلمه فكلنا ايام معدوده ولكن حين تعلم ان عدك التنازلي قد بداء وانك قد اقتربت من نهايته فهذا كفيل بنهايته حين تكون في سفينه وتعلم انها تغرق وانه لا يوجد قوارب نجاه تقدم على الانتحار بسبب هذه المعرفه واغلب غرقى السفن يكونوا قد القوا بانفسهم قبل غرق السفينة حين تسمع صراخ نساء مُنتَهكات ولا تستطيع الدفاع عنهم تتمنى ان تسقط اذنيك دون ان تشعر بهما حين ترى مئات من الشباب – وشباب هنا للوصف التشريحي فقط لا غير- فهم ذئاب بل كلاب كلاب طريق جوعى وضالة وجربة تصاب بالسعار عندما تشم لحما وتصيب بالجرب من تلمسه فتلك النساء اصبن بجرح لا اظنه يلتئم كنت اقول حين ترى مئات الكلاب تلهث فهذا مؤذ للعين وحين تراى الكلام تعوي فهذا مؤذ للسمع وحين تراها تنهش فهذا مؤذ للحس حين تنهش في لحمك حينها تشعر بالعفن حينها تفقد كل حس جميل حين يسيل لعاب سحلية على يديك لا اظنك تحب يديك ثانية وحين ينهش كلب ضال يديك ستحاول ان تخلصها ولكن ان خلصتها فوجدت جزء منها قد اخذه الكلب اترى يجدي البكا؟؟؟ هل حينها تستطيع عمل (تراجع) او undo ؟؟؟؟؟؟؟ ماقرأته جعلني اسأل نفسي كثيرا ما شعور تلك الفتيات؟؟؟ ما شعورهن حين وبعد الحادثة؟ ترى حينها هل شعرن بضعفهن؟ كغزالة في قطيع طاردها نمر فسقطت بين انيابه لانها لا تسطيع الركض بالسرعة الكافية؟ بل لا- قلت لنفسي- بل هي غزالة وحيدة طاردها قطيع من النمور فلم تجد لها مفر تشعر بالحصار اللهم انصر المسلمين المحاصرين في كل مكان حين تفكر الفتاه في ذلك تعلم لماذا يحارب الرجال ويقتلوا من اجل ارض انها تؤخذ عنوة بالقوة حين تشعر بما في ذلك من ذل حين تسمع ما في ذلك من صراخ حين ترى ما لذلك من دنائة حين تشم ما لذلك من عفن حين تذق ما لذلك من مرارة حينها تسقط اللعنات على المعرفة وتحمد الله على حرمانك من الحاسة السادسة والا تضاعفت مأساتك بل ا نك حين تفكر ان تلك المرأة لو كانت اختك او زوجتك او امك او ابنتك حين تفكري ان تلك المرأة هي انت حينها تعلم معنى الظلم حين تعجز عن وضع حلول او خطط بديلة او حتى خطط وحيده تعرف معنى العجز حين تفكر انك يمكن ان تكون هذا الشاب الملقى على الارض يتلقى ضربا من خمسين اخرين بينما ضعف هذا العدد يتكأكأ على زوجتك على مرأى ومسمع منك فحينا تفضل الموت لك ولها فان لم تمت حينها فانك ستموت بطيئا قال الشاعر اترى حين افقأ عينيك ثم اثبت جوهرتين مكانهما هل ترى؟؟هي اشياء لا تشترى فما بالك بمن يفقأ عينيك ثم لا يثبت مكانهما جهورتين بل صورتين احداهما لعجزك والاخرى لظلم وقع عليك تقول لنفسك فلتجلس النساء في بيوتهن اقول لك ومن تنفق على بيوتهن؟ ومن تعول استرها بل افرض معك انهم التزمن بيوتهن هل تظن ان حالة السعار هذه التي تجرد فتاه من ملابسها في الظريق العام عنوة بل وتهشم سيارات مغلقة للوصول لمن بداخلها من نساء هل تظن حالة السعار هذه ستموت؟ حين يجوع الكلب يسرق طعامك وحين لا يجد طعامك ليسرقة يقتلك ليأكلك وهم بالفعل مجموعة من الكلاب سيقتحمون المنازل حتى وان اشتريت مسدسا خاصا لك في منزلك بغض النظر عن ان وصولك لهذه المرحلة سيؤدي الى ان يكون منزلك فوق شجرة خوفا من النمور فنحن سنكون في غابة حقيقية هل تظن ست طلقات كافية لقتل مئاتين او ثلاث مائة او يزيد؟؟؟ فوالله ان الاحتلال ارحم من ذلك على الاقل فانك سوف تعلم عدوك من صديقك ولكن هؤلاء الكلاب لا يرتدون زي الكلاب ولو كانوا يرتدون لتجمعنا عليهم وقتلناهم فهم يستحقون الشنق في ميدان عام بل اني بدأت اتفهم لماذا تم اختراع ما يسمى بالخوازيق بالتأكيد كان يوجد مثل هؤلاء الكلاب ولكن المصيبة انك لا تعرفهم فهم لونك وطولك وصوتك وعينيك حتى شاربك ولحيتك وملابسك وحذاءك وساعة يدك كيف تميزهم بالله عليك قبل المصيبة والمصيبة الاعظم ان ذلك يتم عنوة وبشكل جماعي حتى وان كانت النساء اللذين اصيبن في الحادث متبرجات بل اني اقفز لما ابعد من ذلك لنفرض انهن عاريات هل معنى ذلك ان يتم ذلك عنوة؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!! غصبا؟؟؟؟؟؟ قهرا؟؟؟؟؟؟؟؟ ظلما وعدوانا.؟.؟.؟.؟.؟ ان العلاقة الجنسية-كما قرأت واقتنعت- علاقة بين طرفين ذكر وانثى تقوم برضا الطرفين هذا هو الطبيعي واي اختلال في هذه المعادله يصبح شذوذا وان كان الاختلاف في الرضا بين الطرفين يصبح اغتصابا وان كان الاختلاف في عدد الاطراف اي اكثر من طرفين في نفس اللحظه فهذا تبجح فضلا عن الشذوذ وان اجتمع الثلاثة اختلافات فهذا ما لا اجد له اسما بل ان ما حدث لا يفرغ شحنه بل انه مجرد عبث فمن قطع ثياب انثى لم يقم علاقة جنسية وهذا بالتأكيد لم يشبع رغبته الجامحه التي ادت به لهذا الفعل الشاذ-على حد قول البعض- اذن فهو الافتراس بدون جوع كما اي حيوان مسعور انه السعار وانه وباء معدي ينتشر-كما اٌثبت – كما النار في الهشيم فبعد حادثة وسط المدينة توجد حادثة الاستاد وتوجد حادثة الهرم وحادثه هنا مفرده على سبيل تعداد الاماكن ولكن في كل حادثه لا يصاب اقل من خمس فتيات على الاقل وزارة الداخلية تقول انها لم تتلق اي بلاغ والسؤال هنا كم هو عدد البلاغات التي تتلقاها اقسام الشرطه في العيد؟؟؟ وكم هو عدد المحاضر التي يتم تحريرها في العيد اعتقد على الاقل انه لا توجد محاضر في العيد والا كف الشباب عن شرب البانجو والاطفال عن ضرب البمب والمراهقين عن اشعال الصواريخ والحبيبة عن افعالهم في الطريق العام والقوارب النيلية عن انقلابها لملاهي ليلية والكافتريات عن تحولها لبارات لن اتحدث هنا عن المحركات التي يتم قيادتها بدون رخص والعاهرات اللواتي يقفن بالسبيل فضلا عن الراقصات اللواتي يرقصن في الشوارع والسينيمات اللواتي يروجن لأفلامهن بما يتناسب مع اي قواد يحترم نفسه اخيرا اعتذر عن الاطاله ولكن اتمنى ان يشعر من يقراء هذا المقال –ان جاز تسميته بالمقال- بما يمكن ان يصيب روحك من جرح عميق حين يتحول العيد الى ذكرى اليمة اللهم استر نسائنا ونساء المسلمين اللهم ارحم موتانا اللهم انا لا نملك ما نفعل الا الدعاء فارفع غضبك عنا واهدنا الى صراطك المستقيم اللهم اني كتبت ما كتبت ليكون معذرة لك فتقبله مني يا ارحم الراحمين واخر دعوانا ان الحمد لله رب العالمين وصلى اللهم وسلم على سيدنا محمد

الاهلي يهز وسط البلد

بعد خروجنا من المحاضرة النهارده وبمجرد خروجي من مترو الانفاق في المحطه اللي عند بيتنا فوجئت بمهرجان الحاجة الساقعة رايحه جاية قدامي كل الناس في اديها حاجه ساقعة وكل ما اعدي جنب واحد ماسك موبايله الاقيه بيقول مبروك الف الف مبروك وضرب نار والعاب نارية وطبل وزمر من بعيد بس واضح اوي وكلاكسات العربيا كانها في فرح انا الاول افتكرته فرح بس لقيت ان الموضوع اوسع من كده حبتين الناس كلها فرحانه وبتبارك لبعض في التليفونات ويعدين مافيش فرح يعني مافيش صوان او قاعة او نور او اي حاجه تقول ان في فرح قلت يمكن حد وحش اوي في البلد مات لا يا جماعة برده لا قلت يبقي مصر هجمت على اسرائيل وضربتها علقة محترمة وحررنا فلسطين ولبنان وبعتنا فرقة قوات خاصة للعراق عشان تطارد اخر جندي امريكي الى خارج الحدود العراقية وما اكد فكرتي ان الطبل والزمر اللي كان بعيد ده قرب شوية ولقتهم بيهتفوا باسم مصر واضح يا جماعة ان الحرب قامت وخلصت واحنا انتصرنا وانا في المترو كنت هاطير من الفرحه وكنت هانط ادخل جوه الهيصة واهتف باسم مصر من فرحتي بس لما الهيصة قربت لقيت اللي متزعمنا -اللي ماسكين الطبله الكبيرة اوي دي - شباب واضح يعني انهم مش اساتذة جامعة ولا مهتمين اساسا باي نوع من الثقافة السياسية والله كويس ده واضح ان احنا انتصرنا لدرجة ان الناس اللي مالهاش في اي حاجه غير الكورة تحمست الحماس الشديد ده ولكن اول الغيث قطرة وكانت اول قطراتي في الفهم اني لاحظت ان اغلب اللي في المظاهرة لابسين تيشرت احمر مش ممكن تكون الصدفة للدرجة دي ثاني القطرات انهم ماكانوش بيهتفوا باسم مصر دانا كنت سامع غلط دول كانوا بيقولواا دب دب دب دب-ده صوت الطبلة- اهلي-دب دب دب دب اهلي الله الله الله ده الموضوع مالوش علاقة بالحرب واسرائيل وامريكا والكلام ده كله وبعد تحليل سريع للموضوع فهمت ان البلد عاملة مظاهرة على اللي حصل في وسط البلد وان كل واحد خايف على اهله انه يحصلهم كده فكانوا بيهتفوا باسم اهلهم وحركة ظريفة فعلا انهم يلبسوا فانلة النادي الاهلي للأسقاط الصامت يعني والله البلد لسه بخير ياخونا تحليل جميل بس فيه من الثغرات ما يجعله من افضل غرابيل-مش غرابيل دي جمع غربال برده؟؟؟- يجعله من افضل غرابيل العالم اولا التنظيم ده تم امتى وازاي يوصل لكل فئات الشعب دي وانا ماعندي خبر -كمواطن مصري من فئات الشعب يعني ثانيا مظاهرة ايه دي اللي بالطبل والزمر فكروني بالدعوة اللي كانت عايزة تكنس السيده على ائمة الفساد في البلد ثالثا ليه الناس مبسوطه وعلى رائي هاني رمزي عمر الناس ماكانت مبسوطه والناس عمرها ماكانت مبسوطه وعلى رائي محمد صحبي مبسوطه الناس عمرها ماكانت رابعا ايه سر كلمة مبروك دي اللي عمال بسمعها عمال على بطال بااااااااااااااااااس اكيد هايشنقوا اللي عملوا حادثة في دوران شبرا وتم الاعلان عن الموضوع ده في التلفزيون والقنوات الفضائية فالناس خرجت وهي مبسوطه والله البلد لسه بخير قلت اسال هايشنوقوهم في انهي حته بالظبط عشان اروح اتفرج وبعدين قلت استنى يا وله يمكن تكون فاهم غلط رفعت التلفيون وسالت واحد صاحبي ايوة يا بني هما هايشنوقوهم في انهي حته؟؟؟ هايشنقوا مين؟؟؟ العيال بتوع وسط البلد؟؟ مالهم بتوع وسط البلد؟ هايشنوقوهم فين؟ هما مين؟ يووووووووه ايه الهيصه اللي في الشارع دي اااااااااااااااااااااااه انت تلاقيك ماتعرفش ايوة ماعرفش عرفني بقي الله يخليك اصل الاهلي كسب واحد صفر اهلي مين؟؟ النادي الاهلي ماله؟ كسب كسب ايه؟ كسب ماتش النهائي انهي نهائي؟ نهائي كاس اندية افريقا هو مين ده النادي الاهلي يابني ودي حاجه كويسه بالنسبه ليك انت ماظنش انها تفرق معاك اساسا بالنسبة لبقية الناس الطبيعيين كويسة اوي طيب الف شكر يا باشا في امان الله وهكذا ايها الزملا الافاضل اكتفت سر هذه الهيصة وهي ان الاهلي كسب وانا عمري ماكان ليا في الكورة ولا السياسة ولا السباكة وهما ثلاثة اوجه لعملة واحده على رائ البحبحاني الناس كلها خرجت في الشارع وموقفين العربيات وطبل وزمر وهيصة وحاجه ساقعة ومبروك والبلد كلها فرحانه ووسط البلد -واسمحولي في التعبير- عريانة ايه ياخونا فجأة كده نسيتوا المصيبة اللي حصلت مع تعدد الروايات والتفاصيل لكن في مصيبة حصلت وماحدش سمع عن حاجه حصلت تجاه المصيبة اللي حصلت ودي في حدها مصيبة حصلت وبتحصل وهاتحصل طول ماحنا بنتلهي بالمنظر ده وفي النهارية اوجه خطابي لمن يشعر انه يستحقه ياطير يا طاير في السما طظ فيك ماتفتكرش ان ربنا مصطفيك اصلك من التراب وللتراب تعود تعض فيه يا حلو ويعض فيك وحسبي الله ونعم الوكيل

الثانــــــويه العـــامه.....هل أصبحت بطعم وريحة البلدي فقط؟

شهـــــــــادة الثــــــــــانويه الأجنبيه ( الخاصة بأولاد الزوات ) أنا لن أسرد كيف تدار هذه المـــدارس........... أو أناقش مناهج هذه المدارس........ أو مدة الدراسه ............مع أن كل جزئيه مما سبق كارثه في حد ذاتها ولكن الكارثه الكبري في.......... الــ 5% .........المخصصة لخريجي هذه المدارس الأجنبيه ( مدارس أولاد الزوات) في الجامعات المصريه الحكوميه ( المجانيه ) مكان الغلابه أرجو التركيز من........الـ 5% ......... من مجموع من سيلتحق بالجامعات الحكوميه وليس ...........5% .........( مـــــــــن ) من خريجي هذه المدارس 1ــــــــ علي أساس هذه النسبه فكل ( أقول كل ) خريجي هذه المدارس ستستوعبهم هذه النسبه الضخمه ( وفي كليات القمه فقط) حتي لو تضاعفت هذه المدارس ( مع كثرتها حاليا ) ستة أضعاف أو أكثر ......... ولو أصبح عندنا المدرسة الصومالية المصريه 2ـــــــ وبما أن كل كلية من كليات القمه بها نسبة الـ 5% لأولاد الزوات ( المحظوظين ) نجد مثلا........ كليات الطب ( بجامعات القاهرة والأسكندرية فقط )........ ألتحق بها 12% من خريجي هذه المدارس بينما ألتحق ( في نفس الجامعات ) ......... 2% من خريجي الثانويه العامه الحكوميه ( الغلابة أصحاب الحظ التعس ) 12%...........و.........2% ............... مش حرام ؟ 3ـــــــ وبما أن كل كليه بها نسبة الـــ 5% ( المريحه جدا بالنسبه لهم )أصبحت مشكلة المشاكل لهم لماذا طب اسيوط او طنطا...........( ولكن وياحرام )المشكله أنه لابد أن يلتحق بطب القاهره أو أسكندرية.................... لأنها علي بعد أمتار من بابي ومامي......... حتي أن أحد الأمهات كانت تشكوا للوزير في أحد القنوات التلفزيونيه وكيف صرفت علي أبنها لكي يكون بجانبها.........!!!!!!! ألف علامة تعجب متي يكون هناك أستثناء أفهم أن يكون هناك نسبه للمعاقيين ( فهذا جائز ) أفهم أن يكون هناك نسبه لأولاد شهداء حرب أكتوبر ( فهذا جائز ولكنه لم يحدث ) ..ولو أن النظام ألغي نسبه العشر درجات لأولادهم.........؟ قد يكون خوفا من أن يعود الشهداء لأنجاب أبناء جدد......وللأسف كان معظم أولاد الشهداء من الفقراء........ولكن زمن ومضي وأخيرا.........أفهم أن تخصص نسبه من.......( أقول من ........ وليس لــ )...... نسبه 5% من خريجي المدارس الأجنبيه فقد يفلس رجل غني أو رجل أعمال وتضيع ثروته فلا نحرم أولاده من التعليم الجامعي أو قد تصادر ثروة مشبوه لولي أمر فاسد فلا نحرم أبنائه من التعليم الجامعي أما أن يستولي أولاد الزوات علي كليات القمه في جامعات الفقراء .......... فهذا غير جائز......... وأيضا غير دستوري قد يقول وزير التربية والتعليم هذا الموضوع يخص وزير التعليم العالي والمجلس الأعلي للجامعات ولكني أهمس في أذن وزير التعليم ياوزير التعليم درجة خريج المدارس الأجنبيه تنقسم الي 60% من الدرجه توضع من قبل المدرسه(!!!!!!!!) ........و 40% فقط من الدرجه لأمتحان أخر العام(!!!!!!!!!) بالمقابل أبن الغلابه ( خريج المدارس الحكوميه ) 100 % لأمتحان أخر العام (!!!!!!!!) وعليه يكفي أبن الزوات أن يبذل ثلث مجهود وحظ وشقي أبن الغلابه ........ ليلتحق بأحدي كليات القمه ( وأرجوك ياسيادة الوزير لا تقول أن هذه المدارس أسلوب أدارتها بعيد عن الشبهات أو أن تقول أنها تحت أشراف رقابه صارمه من قبل الوزاره ........ والا سيكون دفاعك مزحه خاصة وأني أتوسم فيك الخير لأصلاح التعليم في بلدي ) والسؤال ....... هل أصبحت الثانويه العامه الحكوميه هي الأخري بطعم السمن البلدي والحديث لن ينتهي في مسألة التعـــــــــــــــــليم منقول http://www.haridy.com/ib/showthread.php?t=76806

تدوينتي الاولى

بسم الله الرحمن الرحيم
اجلس امام جهازي الشخصي اداعب لوحة المفاتيح لأسطر تلك الكلمات التي اتمنى ان تكون ذات جدوى
تلك تدوينتي الأولى واتمنى الا تكون الاخيرة
اعلم انها لن تقراء لفترة لا بأس بها وذلك لاني لم اعلن عن المدونة حتى الان
والسبب بسيط وواضح هو اني لم البث ان اكون صاحب مدونة الا الان
اعتقد ان الطريق طويل حتى يصل زائرو مدونتي لرقم يشغل اربع او خمس خانات يوميا
ولكني اتفائل خيرا
لماذا امتلك مدونة؟؟؟؟
سؤال كثيرا ما راودني وجعلني متردد قبل اتخاذ خطوة جدية عملية لانشاء مدونة مع العلم انها ليست بالصعوبة التي تحتاج لهذا السؤال
فالمدونات(ببلاش)ولا بأس من امتلاك واحدة
ولكن في ماذا تختلف المدونة حينها عن بريدي الاكتروني؟؟
ان لا احد يقراءها سواي
بل على الاقل انا اقراء بريدي الاكتروني لان هناك من يبعث لي بما اقراءه
ولكن هل اكتب في المدونة ما اقراءه بعد ذلك؟
لعله معنى قريب للمعنى الحرفي لكلمة مدونة ولكن ليس هذا هو المعنى المتعارف عليه
اعتقد اني احتاج للكتابة من وقت لآخر
واعتقد ايضا اني احتاج لمن يقراء ما اكتبه حتى وان كان كلام فارغ
على الاقل كي يقول لي انه كلام فارغ
ان تكتب لنفسك فهو تنفيس فكري
وان تكتب للاخرين فهو تبادل فكري
والاخير يتميز عن الاول في انه يحتويه ويحسن من كفائته ويطوره
ولعل هذه اجابة سؤال قد جال ببال احدكم وهو لماذا اكتب اساسا؟؟؟
لكن السؤال الان اصبح لماذا اكتب في مدونة
هناك من الحلول الكثير والسهل
بداية من المجموعات البريديه وانتهاء بالمنتديات
الاخيرة اكثر تفاعلية ولكنها اقل تنوعية وايضا توجد عليك فروض معينة عليك ان تقبلها
فانت تنضم لموقع له مبادئه وقواعده التي عليك ان تحترمها
بل وتعمل بها ايضا
انني لا اعترض على مبادئ المواقع وقواعدها فانا احترمها للغاية
ولكن هل يشترط احترامها اتباعها؟؟؟؟
لا اظن
اذن فهي تفتقر للحرية التي لا تؤذي احدا
واما المجموعات البريدية فهمي تفتقر ايضا للقمع الفكري الذي يقبله الجميع
فحين يشاركك عضو في مجموعة بريدية ويقوم بارسال فايرس او في افضل الاحوال صورة مخلة او كلمة بذيئة فهو حر لدرجة انه ينتقص من حريتك
حين تدرك ذلك تعلم لماذا هذا الاقبال الشره على التدوين خاصة من الشباب
حين كنت صغيرا كان -العالم يغني-اما الان وانا اداعب الرابعة والعشرين -فالعالم يدون-وهو تطور طبيعي يثبت فشل نظرية دارون حين انه لم يكن العالم يغني ثم اصبح يغني بشكل اكثر تطورا بل انه حتى لم يصبح العالم يرقص
ها وقد ناقشنا سبب الكتابة وسبب كتابة هذه الكتابة في مدونة
حان ان نتسائل عن ماهية الكتابة نفسها
فماذا سوف اكتب؟
سؤال جيد وانا احيي من ساله
هناك مدونات دينية وانا لست اهل لمثل ذلك
وهناك مدونات سياسية وانا ايضا لست اهل لها
وهناك مدونات شبابية وغنائية وفلكورية وانا لا تستهويني مثل هذة الاشياء
هناك مدونة رائعة عن النجاح فهي تحكي قصص الناجحين وتلخص كتب تنمية الموارد البشرية وسوف اضيف رابط لها باذن الله هنا
اعجبتني كثيرا لكني اعرف قدر نفسي فلن استطيع منافستها
اذن لم يبقي لنا الا مواضيع محدودة
كالكرة والكمياء ومكانيكا السيارات وهنسة السفن والطب البديل والعلاج بالاوكسوجين والتريض صباحا والنكت والاحاجي والتزحلق على الجليد وحياة زكي جمعة وانواع الاخشاب الصناعية ووصفات الطعام وانواع اجهزة الكمبيوتر المختلفة اضافة الى الوان الطيف وافضل اوقات لزراعة الشيح والحديث عن عواصم العالم وعدد سكانها واحدث انواع الجوالات مرورا بعدد الاكواب الفارغة في منزلي وانتهاء بعدد زجاجاة المياة الغازية في مبرد عم شوقي البقال الذي اسكن امامه
علي نسيت بعض المواضيع كاحدث الافلام العربية والاجنبية ولقائات وحوارات النجوم وجدولة مواعيد البرامج التلفزيونية وما الى ذلك من مواضيع هامة وحيوية في حياتنا اليومية
ولكن ثقوا يا سادة اني لم اكن انوي ان اخصص مدونتي في اي من هذة الاشياء
ان اسمها تخاريف
وبالتالي فهي تخاريف
تا - خا - ريف
ان منها ما سوف يكون باذن الله مذكرات شخصية او ملخصات لافضل ما قراءت او روابط لمواضيع اعجبتني على الشبكة او معلومة امتلكها واستطيع شرحها او معلومة اسأل عنها او حادثة شاهدتهااو قراءت عنها ساحاول بقدر الامكان التنسيق فيما بين التدوينات بما هو مترابط مع بعضه البعض
بقي سؤال اخير
من انا اصلا؟
وهو سؤال وجيه فانتم سوف تقرأون ما اكتب ولذلك وجب علي تعريفكم من تقرأون له
اسمي لؤي صقر
ولدت في اوائل شتاء العام الثاني والثمانين -ام لعله الثمانون؟؟؟- فانا ضعيف في اللغة ومع ذلك احاول استخدامها فانا لن اتحسن الا بالممارسه والتصحيح
اعتقد اني افهم في علم الكهرباء بعض الشيء خاصة علم التحكم الالي الاوتوماتيكي
او التحكم المنطقي المبرمج
اعتقد ايضا اني على درايئة متواضعة في بعض لغات البرمجه الخاصة بالحاسب
هذا ما حصلت عليه في شهاداتي الدراسية
اما في الحياة العامة
فلا اعتقد اني اعلم شيئا في اي شيئ
اللهم الا بعض ميكانيكا السيارات التي تعلمتها مرغما لما تفعله معي سيارتي
ولا اخفيكم سرا
لم اكن مرغما جدا بل كنت مغرما اولا
لا اعتقد اني افهم شيئا من السياسةواظن انه يمكنني استيعاب من يحدثني في الدين ولكن بالقطع لن استطيع ان احدث احدا فيه وانا متأكد اني لم ولن اتحدث او استوعب كرة القدم
انا مغرم بما يسمى علم البرمجه اللغوية العصبية
بصفة عامة انا مغرم بكل ما هو مبرمج
وان كانت البرمجة اللغوية العصبية مخهتلفة نوعا ما ولكنها اولا واخيرا برمجة
لن اتحدث بثقة الا عن ما اعلمه
وان تحدثت عن ما لا اعلمه فسيكون ذلك مشبوبا بالحذر والتنويه عن ذلك
اتمنى في يوم من الايام ان يصل عدد زائري مدونتي يوميا ما يتخطى الاربعة او خمسة ارقام
ليس طلبا في شهرة قدر ما هو طلبا في زيادة كفاءة سبب تدويني اصلا
والان
فليذكر التاريخ ان المدونين قد زادو عددا لعله يذكر انهم قد زادو قيمة

الفاتحة

نبذة عن سورة الفاتحة : سورة مكية ، آياتها 7قال رسول الله صلى الله عليه وسلم :( قال الله تعالى : قسمت الصلاة بيني وبين عبدي نصفين ، ولعبدي ما سأل ، فإذا قال العبد : {الحمد لله رب العالمين} ، قال الله : حمدني عبدي . فإذا قال : {الرحمن الرحيم} ، قال : اثنى علي عبدي . فإذا قال : {مالك يوم الدين} ، قال مجدني عبدي.وإذا قال:{إياك نعبد وإياك نستعين} ، قال : هذا بيني وبين عبدي ، ولعبدي ما سأل . فإذا قال : {اهدنا الصراط المستقيم . صراط الذين أنعمت عليهم غير المغضوب عليهم ولا الضالين} ، قال : هذا لعبدي . ولعبدي ما سأل ) ..[ رواه مسلم وصححه الألباني في صحيح الترغيب والترهيب / 1455 ]