كيف تحقق ما تريد

ماشي من شوية انا ومحمد ماجد صاحبي

وواحنا ماشيين قررنا اننا نعدي الطريق

وعدينا الطريق

بعد ما عدينا

اكتشفنا اكتشاف غااااااااااااااااااااااااااااااااااااية في الاهمية

ايه هو؟؟

ازاي عدينا الطريق؟؟

الاجابة كانت عبارة عن خطوتين

الاولى

اننا قررنا اننا نعدي الطريق

التانية

اننا حاولنا نعدي الطريق

النتيجة

اننا فعلا عدينا الطريق

بس خلاص

بدون تعليق

من ايميلي

هالة غير مفيدة

اول امبارح مش عارف ليه قعدت قدام التلفزيون بتاع عشر دقايق

تقريبا كنت باكل

ولقيت التلفزيون مفتوح على المحور برنامج تسعين دقيقة

مش مهم انا مالي كلام فارغ وبعدين سمعت واحد بيكلمهم في التلفيون بيقول ما معناه ان هاله سرحان ماعهاش دكتوراه والنيابة وجهتلها تلات تهم امبارح

ايه ده هو في ايه؟

سالت

قالولي انها عملت حلقة عن فتيات الليل وكان مأجرة بنات تعمل نفسها فتيات ليل

المهم البنات تقريبا اهلهم عرفوهم من صوتهم فحصلهم مشاكل فقالو بقي انهم كانو واخدين فلوس

يابنت الذين

-خلفية تاريخية-

في يوم من الايام كنت ضمن الجماهير اللي في برامج هاله سرحان كان ساعتها على ما اذكر كانت بتعمل يا هلا وبرنامج تاني اسمه الليلة

كنت ماعرفش اساسا مين هاله سرحان دي كنت صغير بريء ماعرفش الحاجات الوحشة

المهم واحد صاحبي خدني معاه

كانو بياخدونا في باصات مخصوص تاخدنا وتجيبنا وبيدونا عصير سمعت بعد كده ان في ناس بتاخد فلوس

وبمنتى الصراحة انا اتعاملت مع الشباب اللي بيحضرو دول معامله مباشرة

منتهى الهيافة

نسيت اقول انهم واحنا ماشيين كانو بيحملونا باربع خمس اعداد على الاقل من مجلة سيداتي سادتي

مجلة في منتهى الهيافة

بس الانطباع العام اللي خدته في الاول ان هاله سرحان دي مهمة اوي

بتعمل برنامج مصروف عليه ده كله ورئيسة تحرير مجله

ومجلة الوان كمان مش ابيض واسود

يعني حاجه كبيرة

اول حلقة وتاني حلقة كانو عن التطبيع باسرائيل وكانت جايبة ناس محترمة الحقيقة

بصراحة عجبني الحوارده كلام كبير اوي اوي اوي ومهم بقيت اروح عشان انا ماعنديش دش اتابع فيه الكلام المحترم ده

تالت حلقة بقي كانت مفجأة

كانت عن التخسيس

مستضيفة واحد بتاع طب صيني وناس بتوع طب عادي جايباهم يهزقوا الراجل بتاع الطب الصيني

وبعدين بقي جايبة واحدة صاحبتها بجوزها وواحدة صاحبتها من غير جوزها

الزوج اللي موجود ده كان تخين جدا ومراته كمان كانت تخينة اوي بس كانت خاست ايام الحلقة جابولهم صورة زمان وهما الاتنين تخان والراجل يقول كانت عجلة والست تزغرله بالظبط زي الافلام العربي القديمة

ياديني

ده ايه الهبل ده

انا ماشي

ومشيت ومن ساعتها وانا مابطقش الست دي وكل ما اشوفلها برنامج بعد ما ربنا فتح علينا وجيبنا الدش - ماطيقهاش اكتر



نرجع بقي لموضوعنا

المهم اول امبارح في تسعين دقيقة كان في ضيوف طبعا بيغلطو هاله سرحان

بصراحه تغليطها مش محتاج ضيوف

لكن اللي خنقني بقي

مفيد فوزي لما اتصل

بالمناسبة الراجل ده برده انا مابطقيهوش

-ملحوظة على جنب-

مرة كان مفيد ده عامل حلقة عن المصرين في الخارج وكان مصور في الامارات باين المهم قابل واحد في مول اقل ما يقال عنه -ساعتها- انه انضف من انضف مول -دلوقتي

بعد الحوار

ساله هاترجع مصر؟؟؟وهز راسه لتحت كده يعني ايوة الراجل قاله لا

عاد عليه السؤال يعني بعد ما تعمل فلوسك هنا هاترجع بلدك مصر وقاله بهمس كانه بيأمره انه يقول طبعا

الصوت كان واضح ساعتها اللذيذ بقي ان الراجل برده قاله لا

فضل وراه لحد ما خلاه يقول هارجع بس مش قريب

نرجع لموضوعنا بقي

مفيد فوزي اتصل

وقعد يهزقهم ازاي يدبُحو في هاله بالمنظر ده والوسط بقي بيتصيد الاخطاء لبعضه

وان البنات اللي جم دول عملو كده بكامل ارادتهم ماحدش سقاهم حاجه اصفرة والمذيع والمذيع والضيوف يحاولو يردو عليه وهو رافض ويعقد يقولهم سيبوني اكمل كلامي

يا عم الحج انت مش محاور ازاي ترفض ان حد يحاورك

صحفي وبيمنعهم من الكلام

سبحان الله

للأسف كنت عايز اتصل بيهم ارد انا عليه بس ماكانوش كاتبين نمرة التليفون

ولذلك انا حاكتلكم كل الحكاية دي عشان ارد عليه هنا

مفيد يا فاوزي

الرجل العاقل يرد عليك ويقولك المشكلة مش في البنات عملو كده بمزاجهم ولا غصب عنهم المشكلة في ان الكلام اللي اتقال ده ماحصلش فعلا وان هاله بتشتغلنا

والرجل الوطني يرد عليك يقولك هالة سرحان تروج لشائعات او على الاقل( لا حقائق) تسئ لسمعة مصر

والرجل الشريف يرد عليك عيب لما تدخلو الحاجات دي بيتونا اساسا فما بالك بقي لما تكونو بتكدبو

والرجل الديوث يقولك مادام الحكاية كدب وتمثيل كنتو صورلنا بقي كانو بيعملو ايه في الليالي الحمرا يمكن الفيلم ده يضرب

والرجل الرجل يقول يا ولاد ال######

- تم التشفير عشان الانسات اللي بيدخلو -

والليمبي يقولك يلا ياه

وانا بقولك

####### #### ##### ###### ######### ######### ####### ######### #### ## ### ### ##### ## # ## # ##### ####### ####### #### ###### #### ### # #### ####### #### #### ###

اصنع من الليمون شراباً حلواً - لا تحزن

الذكي الأريب يحول الخسائر إلى أرباح، والجاهل الرعديد يجعل المصيبة مصيبتين.

طُرد الرسول عليه الصلاة والسلام من مكة فأقام في المدينة دولة.

سُجن الإمام أحمد فصار إمام السنة، وحُبس ابن تيمية فصار علم الأمة، وُضع السرخسي في قعر بئر معطلة فأخرج ثلاثين مجلداً في الفقه، أقعد ابن الأثير فصنف أربعين مصنفاً، نُفي ابن الجوزي فتعلم القراءات، أصابت الحمى مالك بن الريب فصار شاعر الدنيا، ومات أبناء أبي ذؤيب الهذلي فرثاهم بإلياذة أنصت لها الدهر، وذهُل منها الجمهور، وصفق لها التاريخ.

إذا داهمتك داهية فانظر في الجانب المشرق منها، وإذا ناولك أحدهم كوب ليمون، فأضف إليه حفنة من سكر، وإذا أهدى لك أحدهم ثعباناً فخذ جلده الثمين واترك باقيه، وإذا لدغتك عقرب فاعلم أنه مصل واقٍ ومناعة حصينة ضد سم الحيات.

تكيف في ظرفك القاسي لتخرج لنا منه زهراً وورداً وياسميناً: وَعَسَى أَنْ تَكْرَهُوا شَيْئاً وَهُوَ خَيْرٌ [البقرة:216].

سجنت فرنسا قبل ثورتها العارمة شاعرَين مجَيدَين، متفائلاً ومتشائماً، فأخرجا رأسيهما من نافذة السجن. فأما المتفائل فنظر نظرة في النجوم فضحك، وأما المتشائم فنظر في الطين فبكى.

انظر إلى الوجه الآخر للمأساة؛ لأن الشر المحض ليس موجوداً أصلاً، بل هناك خير ومكسب وفتح وأجر.

لقيت الدنياا فاضية

لقيت الدنيا فاضية قلت اجي ارغي معاكم

موقف ظريف حصلي النهارده هاحكيهلكم واروح على طول

لسبب ما كنت في سنتر من اللي بيدو كورسات كمبيوتر وانجليزي وكلام من ده

وسمعت الحوار ده بين محاضر وصاحب السنتر

المحاضر يعني مش كفاية ما اتصلتوش بالناس عشان تقولولهم على المعاد بتاع الكورس

افرض ماكنتش انا اتصلت بيهم؟؟؟ كنت هابقي دبيت المشوار على الفاضي

كمان مافيش قاعات فاضية ادي فيها الكورس؟؟؟

اتصرف ازاي انا دلوقتي؟؟؟

صاحب السنتر مانا قلتلك خليك حرك هاتهم واديهم الكورس هنا

المحاضر هنا ايه بس؟؟ ده هنا ده البوفيه

ملحوظة مني

البوفيه ده عبارة عن اوده اتنين متر في تلاته فيها ترابيزة كبيرة -كانت مكتب في يوم من الايام- وبوتجاز وتلاجه ودولابين كبار وشيشة وحوالي تمن كارسي خارجين من الحرب

صاحب العمل

مانت لو سحبتهم بشياكة كده مش هايعترضو

المحاضر

ماشي هاسحبهم بشياكه بس ادخلهم هنا بشياكة ازاي؟؟؟ على فكره احنا هانتعب مع بعض اوي

من هنا لهنا

صاحب العمل خرج محاضر من القاعة اللي هو فيها

وصدقو او لا

دخله هو والطلبة يكملو الكورس في البوفيه

والمحاضر بتاعنا دخل القاعة

السؤال دلوقتي؟؟؟

لو انا صاحب عمل ازاي هافكر اصلا بالاسلوب ده

قصدي يعني ازاي هابقي مابفكرش للدرجادي؟؟

لو انا محاضر ازاي هاسمح لنفسي ادي محاضرة في البوفيه

لو انا طالب

بغض النظر عن ازاي هاسمح لنفسي اني اخد محاضرة في بوفيه

هايبقي ايه رايي في السنتر ده وفي صاحبه وفي المحاضر بتاعي

ياريت تجاوبوني على اسئلتي

أسطورة دكتور لوسيفر

تم بحمد الله وضع أسطورة دكتور لوسيفر في مدونة بعد منتصف الليل

وهي قصة تستحق القراءة بالرغم من طولها

http://after-midel-night.blogspot.com/

لا تحزن - فكِّر واشكُر

المعنى: أن تذكر نعم الله عليك، فإذا هي تغمرك من فوقك، ومن تـحت قدميك: وَإِنْ تَعُدُّوا نِعْمَتَ اللَّهِ لا تُحْصُوهَا [إبراهيم:34] صحة في بدن، أمن في وطن، غذاء وكساء، هواء وماء، لديك الدنيا وأنت لا تشعر، تملك الحياة وأنت لا تعلم: وَأَسْبَغَ عَلَيْكُمْ نِعَمَهُ ظَاهِرَةً وَبَاطِنَةً [لقمان:20] عندك عينان، ولسان وشفتان، ويدان ورجلان، وأمن في أوطان: فَبِأَيِّ آلاءِ رَبِّكُمَا تُكَذِّبَانِ [الرحمن:13] هل هي مسألة سهلة أن تمشي على قدميك وقد بُتِرَت أقدام؟! وأن تعتمد على ساقيك وقد قطعت سوق؟! أحقير أن تنام ملء عينيك وقد أطار الألم نوم الكثير؟! وأن تملأ معدتك من الطعام الشهي وأن تكرع من الماء البارد وهناك من عُكِّر عليه الطعام، ونغِّص عليه المنام بأمراض وأسقام؟!
تفكر في سمعك، وقد عوفيت من الصمم، تأمل في نظرك وقد سلمت من العمى، انظر إلى جلدك وقد نجوت من البرص والجذام، المح عقلك وقد أُنعِم عليك بحضوره، ولم تُفْجَع بالجنون والذهول.
أتريد في بصرك وحده كـجبل أحد ذهباً؟! أتحب بيع سمعك بوزن ثهلان فضة؟! هل تشتري قصور الزهراء بلسانك فتكون أبكم؟! هل تقايض بيديك مقابل عقود اللؤلؤ والياقوت لتكون أقطع؟! إنك في نعم عميمة، وأفضال جسيمة، وآيات عظيمة؛ ولكنك لا تدري، تعيش مهموماً مغموماً حزيناً كئيباً، وعندك الخبز الدافئ، والماء البارد، والنوم الهانئ، والعافية الوارفة، تتفكر في المفقود ولا تشكر الموجود؟! تنزعج من خسارة مالية، وعندك مفتاح السعادة، وقناطير مقنطرة من الخير والمواهب والنعم والأشياء، فكِّر واشكُر! وَفِي أَنْفُسِكُمْ أَفَلا تُبْصِرُونَ [الذاريات:21].
فكِّر في نفسك، وأهلك، وبيتك، وعملك، وعافيتك، وأصدقائك، والدنيا من حولك، يَعْرِفُونَ نِعْمَتَ اللَّهِ ثُمَّ يُنْكِرُونَهَا [النحل:83].
صح عنه عليه الصلاة والسلام أنه قال: {من أصبح آمناً في سربه، معافىً في بدنه، عنده قوت يومه، فكأنما حيزت له الدنيا بحذافيرها }.
وصح عنه عليه الصلاة والسلام أنه قال: {ارضَ بما قسم الله لك تكن أغنى الناس }.
خذ القناعة من دنياك وارض بها لو لم يكن لك إلا راحة البدن
وانظر لمن ملك الدنيا بأجمعها هل سار منها بغير الطيب والكفنِ
ويقول أبو العتاهية :
رغيفُ خبز يابسٍ تأكله في زاويه
وكوز ماء بارد تشربه من صافيه
وغرفة خالية نفسك فيها راضيه
ومصحف تدرسه مستنداً لساريه
خير من السكنى بظـ ـلات القصور العاليه
من بعد هذا كله تُصلى بنار حام

منقول

كان نفسي

كان نفسي بعد الغيبة الطويلة اجي الاقي المدونة مليانة اسئلة عني

كان نفسي اعمل زي كل المدونين اللي بيغيبو فتره واقولكم

اعتذر عن الانقطاع ولكني كنت مريض او مسافر او بقص ضوافري

كان نفسي اجي بعد المدة دي بخبر يكسر الدنيا اكون من اهم اللي اتكلموا عليه ورأيي فيه يكون من اهم الاراء

مثلا اقولكم ان مجمع التحرير وقع وكان واحد صباعه اتكسر وكان واحد ضفره طار

كان نفسي حتى اجيبلكم خبر على سبيل الفانتازيا واقولكم ان الريس بنفسه نزل يطيب خاطر الواد الصغير اللي كان مربي ضفره وعز عليه اوي انه اتكسر في وقعان المجمع

بس للأسف سمعت -والله اعلم- ان المجمع هايأجروه مفروش

وهايشتريه حد يعمله فندق

كان نفسي في حاجات كتير

كان نفسي افرح لما عدد زوار مدونتي جاب اول الف

بس للأسف انا عامل نصهم على الاقل لاني اكتر واحد بيدخلها

السر في اني كنت منقطع الفتره اللي فاتت- ان كنتوا خدتو بالكم يعني- اني ببساطة

ماكنش عندي حاجه اقولها

مش ماكنتش في المود

لا

كان نفسي اكتب

بس ماكنتش لاقي حاجه اكتبها

مش معنى كده اني كنت ميت الفترة اللي فاتت

لا

كنت عايش وبتحرك بس في حاجات ما تتكتبش

حاجات خاصة زي مثلا رحت الشغل جيت من الشغل قابلت في الشغل حصل في الشغل

ممكن تشيلو كلمة شغل وتحطو مكانها اي حاجه تخصني لوحدي

البيت

الحمام

عند خالتي

وفي حاجات ماتتكتبش عشان هايفة ماتستحقش انكم تقروها

مثلا حلقت دقني

جبت شراب

قعدت على القهوة

الخلاصة

اني الفترة اللي فاتت كنت واحد من خمسة وسبعين مليون

فماحبتش اكون مصدر للمل

طيب رجعت تاني ليه؟؟؟

شايف السؤال في عين واحد فيكم مش طايقني

بس كتر خيره انه دخل اساسا

رجعت لاني لقيت حاجه تستاهل اني اقولكم عليها

لقيت كتاب

لقيته من عند واحد صاحبي

بصراحة

عنوانه ماشدنيش

اسمه لا تحزن

اكيد كتاب من الكتب اللي بيقولوا فيها بكره اجمل من النهارده

والدنيا ربيع والجو بديع

والكلام ده كله

كتاب فيه كلام فارغ

بالرغم من انه كتاب قديم نوعا

يعني الكتاب ده موجود في السوق من زمان

بس ماشدنيش

كان صاحبي ده قراه

وقالي انه كتاب رائع

يا راجل؟؟؟؟؟

طيب هاته كده

قريت مقدمة الطبعة التانية ومقدمة الطبعة الاولى وقلتله انا هاخده اقراه في بيتنا

واضح ان الكتاب مش بيهزر

وقريت فيه

ساعتها ابتديت احس اني واحد بس مش من خمسة وسبعين مليون

ابتدى العدد يقل

يقل

يقل

والابتسامة على وشي تزيد

تزيد

تزيد

قلت اجي اديكم خبر عن الكتاب

الكتاب عبارة عن مجموعة مقالات صغيرة

هانقلكم منها اكثرها تأثيرا فيا

طبعا مع ذكر المصدر الرئيسي وهو الشيخ عائض القرني

ومع ذكر المصدر الثانوي وهو الموقع اللي هاخد منه المقالات كنسخة الكترونية

بقي ان اهدي هذا العمل -ان كان هذا الانتقاء للمقالات عملا- لشخص ما

اهدي هذه المقالات الرائعة لمن طلبت منه قراءة الكتاب ورفض

عز علي رفضك

ولكن لمعزتك في قلبي

سانشره لك

عله يغير في تفكيرك شيئا ما