الساعة دلوقتي اتنين بالليل
مش عارف ليه دايما بيجيلي احساس غريب اول ماعرف ان الساعة اتنين بالليل
الوقت ده ليه رهبة معينة عندي
بحاول افتكر سببها مش عارف
الغريب اني مش بحس بشعور معين
يعني مثلا مش بخاف او افرح او انام او اضايق او حتى اهرش
لكن بحس اني عايز اعمل كباية شاي اشربها بروقان كده
لحظة واحده هاقوم اعمل شاي
انا جيت
على فكره سبب الشعور ده مش ان اول كباية شاي شربتها كانت الساعة اتنين بالليل
ببساطة لاني مش دايما بعمل شاي
بس بحس انها لحظة خاصة جدا لتجربة ما فقد معناه من كثرة تكراره يوميا في مواعيد اخرى
يعني ممكن مثلا اكل شكولاتاية
بغض النظر عن اني بموت في الشيكولاته الا ان اكل الشكولاته الساعة اتنين له مذاق مختلف
اشرب كاكاو اقوم اتعشي
اكتب في المدونة
لكن اخر حاجه ممكن تخطر على بالي هي اني انام بقي عشان الساعة بقت اتنين بالليل
طيب انا عملت الشاي
هاعمل ايه تاني؟
هاكمل كتابة في المدونة طبعا
لامتى؟
مش عارف بس ممكن لحد ما تبقي الساعة مش اتنين بالليل
طيب هاكتب عن ايه؟
طبعا عن كل حاجه
طيب ابتدي منين؟
اممممممممممممممممممم
ابتدي بشعور الخنقة اللي جاييلي
انت مخنوق يا لؤي؟؟؟
مش اوي يعني
طيب مخنوق من ايه؟
مانتو عارفين
مخنوق من التصرفات الغريبة
الغريبة ان اكتر الناس بقت تصرفتها غريبة
واغرب تصرف الناس بتعمله هي انها بتستغرب لما تقولهم ان تصرفاتهم غريبة
وانك مش مرتاح للتصرفات دي
مش فاهمين حاجه؟؟
طيب خلاص خلاص
نقفل على السيرة النكد دي
تعالو نتكلم في حاجه تانية
سمعت النهارده من واحد صاحبي ان ال ايه روبي وقفوها
قلتله يعني ايه؟
قالي يعني شطبوها من النقابة
ياسلام وهي روبي كانت في النقابة؟
طبعا يابني امال بتغني ازاي
يا سلام وهما كل اللي بيغنوا دول اعضاء في النقابة؟
طبعا
طيب لامؤاخذة يعني هما بياخدو في النقابة دي شهاده معينة ولا اي حد بيغني بيدخل في النقابة
لو بياخدو شهاده معينة يبقي ماكنش كل الناس دي غنت حتى لو بياخدو خريجي تجارة
ولو بياخدو اللي بيغنو يبقي ازاي دي غنت قبل ما تدخل النقابة اللي مش هاتاخدهم قبل ما يغني وهما مش هايعرفو يغنوا عشان ماعهمش كارنية النقابة
ما علينا
وقفوها ليه طيب
قالي انهم قالو انها بتأثر على فتيات مصر
فتيات؟
وعهد الله؟
هما الحريم خدو حقهم للدرجة دي؟
المحكمة بقت توقف مطربة مايعة لكونها تؤثر على الفتيات
ده على اساس ان مافيش شبان ولا على اساس ان الفتيات في مصر بيتأثرو اكتر بالفتيات؟؟؟؟
في الحالتين تبقي قلة ادب
وبعدين تعالو ناخد بحكم المحكمة
هل روبي لوحدها هي اللي بتأثر على فتيات مصر؟؟؟
طبعا مش معنى كلامي اني بدافع عن روبي
بالعكس
اللي بيأثر على فتيات مصر ياخد فوق دماغه
بس هي روبي تيجي ايه في تأثيرها من بعض بقية المطربات؟
طبعا مطربات هنا بنقولها على سبيل التشريح النقابي ليس الا
انما على التشريح الانتاجي والتسويقي والاستهلاكي كمان ممكن يبقي عندنا تصنيفات تانية
ما علينا
قالي برده ان هاله سرحان موقفها حرج لان الطب الشرعي اثبت ان البنات اللي جابتهم طلعو فرجن
طيب بسيطة ممكن تقول انهم كانو بيكدبو وهي يا عيني ماكنتش تعرف
وقالي ان الريجيسير اعترف عليها انها قالتله هات اي بنات
الله يرحمه الريجيسير ده كان راجل طيب
المهم المحصلة ايه؟
هاله سرحان هاتتوقف لانها تسوء لسمعة ريجيسيرات مصر؟
ولا هايطالبو اي صحفي او اعلامي انه يقدم مستندات رسمية تثبت ما يقدمه للجمهور بدون رفع دعوة قضائية علية؟
يعني الجرايد الصفرا دي هاتبطل تطلع ؟
ساعات بحس ان حرية التعبير دي حاجه وحشة
يعني مثلا المدونات
اكبر مثل لقبح حرية التعبر
من اول استخدام الفاظ خارجه - سامحني يا منير بس بجد مش قادر ادي مدونتك لاختي الصغيرة - مرورا بالحكايات الزبالة اللي مالهاش اي فايده في الدنيا اضافة الى عناوينها الابيحة
نهاية بمدونات الشواذ
المشكلة تتلخص في نقطتين
الاولى ان حرية التعبير دي ساعات تستخدم لتخريج الزبالة اللي جوة البني ادم
فساعتها مايبقاش بني ادم
يا اما تستخدم في تحويل الزبالة بدل ما تبقي زبالة في بني ادمين تبقي بني ادمين زبالة
لما اتكعبلت للأسف في مدونات الشواذ دي
وبقول مدونات لانها مش مدونة واحده
تصفحت المدونات دي
متوقع اني هالاقي مواضيع ساخنه عن علاقاتهم
الا اني فوجئت بان المواضيع دافئة وليست ساخنه
بمعنى اخر
لاحطت ان الهدف المشترك في كل المدونات اللي شفتها دي هو التطبيع بالشذوذ
ان تقبل كبني ادم طبيعي البني ادم الشاذ
لما تشوف واحده كانت بتحب المدرسة بتاعتها
لما تقرا لواحد مضايق جدا ان عشيقه زعق فيه
لما تكتشف انهم بيصلو ويصومو ويقرو قران ويتكلموا في الدين كمان
بل وانهم مش شايفين اي تعارض بين الدين وبين شذوذهم الجنسي
ببساطة لان ربنا خلقهم كده
ماهو ياروح امك انت وهي-اسف على التعبير- ربنا عارف قبل ما يحرم اللي انتو بتهببوه ده هو هايخلقكم ازاي
عايزني اقبلك كبني ادم لك حقوقي وعليك واجباتي زيي زيك يبقي قدملي نفسك على انك بني ادم
لو زميلي في الشغل شاذ
بس في شغله محترم وكفء
على عيني وراسي
وشذذوذه ربنا هايحاسبه عليه
انا هاعمله على انه بني ادم
ببساطه لان المفروض اني ماعرفش عنه غير انه بني ادم
لكن عايزني اقبله على انه شاذ يبقي اسف جدا
ماقدرش
مثلا مايجليش متأخر ويقولي اصلي كنت طول الليل بدور على حد عشان الموضوع ده
مايبقاش مايص في شغله عشان هو مايص خلقة وربنا خلقه كده
عيان يا نغه روح اتعالج
انما المرقعة وشغل الشذوذ ده ماينفعش معايا
مالنا احنا ومال حكايتهم العاطفية
عايزين يتعرفو على بعض ؟؟
ماهم بيعرفو بعض من قديم الازل
يعمللهم موقع ويتعرفو على بعض فيه
ويبقو يكتبو فيه اعلانات على غرار
شابه طويلة بيضاء مرحة شعرها طويل عندها شقه فاضية تطلب فتاه قصيرة سمينة سمراء - عشان ماجربتش النوع ده قبل كده- تجيد
اعمال التهيئة وتقدس الحياة المثلية
او رجل في منتصف العمر يطلب مجند امن مركزي غبي جاي بخيره من ورا الجاموسة
لكن تنشرو افكاركم الزبالة دي بينا يبقي سلامات يا حرية تعبير
كريم زفت خد حكم
على ما سمعت تلاته ازدراء اديان وسنه اهانة رئيس
الحمد لله محاكمنا لسه فيها خير
كفاية انه خد حكم على ازدراء الاديان فضلا عن ان الحكم ده اشد من حكم اهانة الرئيس
واحده كاتبه في مدونتها ربنا معاك يا كريم
يابنتي لما هو شخصيا مش مع ربنا
هو معتمد على نفسه اعتماد تاااااااااااااااااااااااااااااااااااااااااام
خلاص منه لنفسه بقي
لو الملحدين شايفين ان التدين عبارة عن اختراع بشري للهروب من المشاكل
فكونهم لا يلجأو لهذا الاختراع - الذي اخترع بالتأكيد بسبب حاجه الانسان اليه بفرض انه اختراع يعني- فده يدل على غبائهم المفرط حيث انهم لم يلبو حاجه بشرية مهمة
وهذا الغباء يدل على فساد فرضيتهم اساسا بان الدين اختراع
عموما
الساعة دلوقتي بقت تلاته الا ربع
يعني مابقتش اتنين
وانا رغيت اوي الصراحة
كفاية كده ونكمل بعدين
