صلاح جاهين

يقول صلاح جاهين

أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

وعجبي

Show me the meaning of being lonely

Show me the meaning of being lonely
So many words for the broken heart
It's hard to see in a crimson love
So hard to breathe
Walk with me, and maybe...

Nights of light so soon become
Wild and free, I could feel the sun.
Your every wish
Will be done.
Its tell me...

Refrain :
Show me the meaning of being lonely
Is this the feeling I need to walk with?
Tell me why
I can't be there where you are
There's something missing in my heart

Life goes on as it never ends
Eyes of stone observe the trends
They never say forever gaze if only
Guilty roads to an endless love
There's no control
Are you with me now?
Your every wish will be done
Its tell me

Refrain

There's nowhere to run
I have no place to go
Surrender my heart, body and soul
How can it be you're asking me to feel
The things you never show?

You are missing in my heart
Tell me why
I cannot be there where you are

يوم زحمة جدا

يوم زحمة زيادة عن اللازم ضغطي فيه كان ساين ويف
حتى مش قادر اكتب

الشرطة والشعب ايد واحده بتضرب في اتجاه واحد

بيقولوا الناس مش نازلة الجمعة الي جاية بتاعة الشرطة
ليه ياولاد؟؟؟
عشان الشرطة دي ال ايه بتحمينا
ولو شيلناها يبقي ال ايه بندافع عن البلطجية

وشوية كلام فارغ كده
فوق يابني منك له
وان كنت ناسي افكرك
تعالى معايا نشوف ونقرى في تاريخك الشخصي المتواضع
بلاش افترض انك راجل غلبان من السريحة او الاؤرزقية
الناس دي اللي مش متعلمة في الغالب ودخلهم اقل من خمسة دولار في اليوم
يعني مايتغدوا بيه كشري

مش هاكلمك عن الناس اللي بتشحت لحسن تكون متبني نظرية انهم نصابين وعاله على المجتمع
ومش هاكلمك عن الناس اللي بتبيع مناديل
عمرك فكرت اللي بيبع لك كيس المناديل اللي بنص جنيه ده بيكسب فيه كام؟؟؟؟
متخيل هايبيع كام منديل في وقت اد ايه عشان يروح يقف في طابور عيش وقت اد ايه عشان يجيب بجنيه بس عيش ياكل بيه؟؟؟؟
مش هاكلمك عن اللي بيمسحوا جزم ولا اللي بيبيعوا جرجير وبقدونس
ولا عن اللي بيبيعوا بسكون ولا نعناع في الاوتوبيسات

ايه
نكدت عليك؟؟؟
على فكره الناس دي موجوده وانت عارف بس عامل نفسك مش واخد بالك
ولا بقي هاكلمك عن الطبقة اللي اعلى سنة
اللي بيتصفوا بنفس الصفات بس قدروا يطوروا مهارتهم بشكل او بآخر او قدراتهم الجسدية سمحتلهم بشكل ما انهم يكسبوا اكتر
عارف التباع اللي بينده على الميكروباص ده بياخد كام؟؟؟
بياخد عشرة في المية من اجرتك
ركز معايا كده
يعني لو الميكروباص اربعتاشر راكب
واجرته جنيه
وبياخد حوالي ساعة في الفردة يعني المسافة بتاعة خط سيره

يبقي تباع الميكروباص ده بياخد مية واربعين قرش في الساعة
يعني لو اشتغل اتناشر ساعة هايكسب اقل من سبعتاشر جنية

عارف دول بياخدوا وقت اد ايه يحوشوا تمن بنطلون؟؟؟
عارف ده لو كان طموح شوية وفكر يعلم ابنه هايضطر يشتغل كام ساعة؟؟؟؟

نطلع للدرجة اللي اعلى شوية

كفاية عليك كده
بلاش اكلمك عن السواقين والصنايعية والفلاحين والعمال
هاكلمك انت
واحد داخل على النت
غالبا الحج على اقل تقدير موظف
غالبا لو انت طالب ليك مصروف
مش بعيد يكون مصروفك ده بيسمحلك تجيب سجاير
غالبا لما احتجت تاخد دروس عرفت تاخد
يمكن خدتها بصعوبة شوية او بسهوله
بس خدت درس
بتتحرك في البلد عن طريق الميكروباص ابو جنيه ده

تعالى اكلمك عن تاريخ انت يا شاب يا لطيف يا متعلم يا مستحمي يابن الناس
قولي احتكيت بالشرطة دي كام مره؟؟؟
ماوقفتش في لجنة لما كنت راجع من سفر او نازل شرم او حتى راكب انت وصحابك عربية وماشيين بعد الساعة اتناشر بالليل؟؟؟؟
كام واحد فيهم سألك على رخصك او بطاقتك؟؟؟؟
كام مرة اتخانقت في الشارع لسبب او لاخر وكنت خايف ان الشرطة تيجي حتى لو كنت انت اللي على حق

عارف الشرطة بتعمل محاضر التصالح ازاي؟؟؟؟
بيقولك لو ماتصالحتوش هاتباتوا انتوا الاتنين في الحجز عشان تروحوا بكره النيابة
انا مافهمش في القانون
بس ماظنش ان الكلام ده صح
ولو صح يبقي ادي اللي خدناه من المشرع اللي هو عضو مجلس الشعب المنتخب بالقائمة الفردية يعني اللي دفعله قرشين ودخل المجلس

ازاي ابقي متخانق معاك بره القسم
ولما ندخل القسم يرمونا في اوده واحده ويقفلوا علينا

سيبك من بقية المحتجزين

نرجع لموضوعنا
كام مرة رحت تجدد الرخص
كام مرة رحت تطلع بطاقة
بلاش يا عم
كام مرة رحت تشوف نتيجة القرعة عشان والدك يسافر يحج

كام مرة رحت تعمل فيش
او باسبور
او حتى محضر سرقة

قولي بقي كام مرة ظابط من دول قالك لو سمحت

بلاش يا عم لو سمحت
كلمك وهو بيبصلك؟؟؟؟
بلاش دي كمان
كلمك بصوت واضح عشان ماتضرش تقوله نعم او حضرتك قلت ايه او يا فندم ماسمعتش

كام مرة عملت ناصح وقلتله يا حضرة النقيب كذا كذا كذا
حد فيكم جرب الحكاية دي
بتنرفزهم جدا
على فكره بيبقي نقيب فعلا
بس مجرد انك تنده للظابط برتبته دي حاجه بتنرفزه
وتربكه
ساعتها بيحس بشكل ما انه ظابط شغلته يخدمك

كام مرة معاملة الظابط دي اتغيرت بعد ما شاف بطاقتك
سواء كانت اتغيرت للأحسن او الاوحش
انا كل ده بكلمك على الناس المحترمه على فكره
ماكلمتكش بقي عن اللي بياخدوا رشاوي ولا بيلفقوا قضايا
ولا كلمتك عن الظابط اللي يديلك مخالفة انتظار صف تاني ولما تدفعها وتقراها تلاقيها مصاريف استخدام ونش بالرغم من  انك اصلا مانزلتش من عربيتك وكنت واقف على جنب عشان تتكلم في التليفون

كل ده انا بكلمك عن الظابط المحترم
تعرف كام حد اتسرق ورجعتله مسروقاته
او حتى شوية منها
اي كان نوع المسروقات دي
تعرف كام واحد احتاج الشرطة في مشكلة ما
حرامي او هجام او بلطجي هجم عليه
او حتى خناقة
والشرطة جابتله حقه
او حتى جابت حق الطرف التاني
يمكن انت تكون بتعرف البلطجي بس

تعرف تقولي اي انجاز للشرطة؟؟؟
بلاش
تعرف تقولي اي حاجه الشرطة بتعملها وهي اصلا من مهام وظيفتها الاساسية؟؟؟؟؟
طب بلاش

تعرف تقولي اخر ضابط شفته عدى عليه اكتر من تلات سنين متخرج ولسه لائق طبيا كظابط؟؟؟

تعرف تشاورلي على طابظ او امين يقدر يجري ورا حرامي عشر دقايق؟؟

طيب تقدر تقولي ليه الشرطة كل اعمالها كتابية ومكتبيه؟؟؟
يعني مثلا ايه علاقة الشرطة بتاعة الامن والامان واطمن دي بالمرور؟؟؟؟؟؟؟؟
ايه لازمة ان الظابط او الامين اللي لما دخلوا الكلية كانوا بيتعملوا فنون قتالية بانهم هم اللي يكتبوا المحضر؟؟؟؟

هي الشغلانة دي محتاجة حد لائق طبيا يعني؟؟


حاجه على جنب كده
الرجالة عاملين عليها عبط برده
لو انتي بنت
واي كان مستوى جمالك

عمرك رحتي قسم وخرجتي من غير ما حد من القسم يغلس عليكي؟
من القسم واخدين بالكم
ظابط يعني

الظابط السيس اللي كان واقف قدام بيت حبيب العادلي كان بيعاكس البنات اللي بتمشي قدامه في الشارع

ده الظابط اللي واقف قدام بيت وزير الداخلية

وبما اننا ابتدينا نتكلم عن انتهاكات حقوقك كمواطن
كام مرة دخلت القسم اي كان الغرض حتى لو غرض مدني زي انك تعمل بطاقة مثلا
ولقيتهم عايزينك تسيب موبايلك بره
بالرغم من ان في حكم قضائي بعدم دستورية الموضوع ده
الا انك كنت بتلاقي ورقة على باب القسم
مش مستخبية يعني
بتقول انه بناء على تعليمات السيد وزير الداخلية
لازم تسيب موبايل بره يا روح امك
عارفين الموضوع ده ليه صحيح؟؟؟
عشان الشباب السيس
كان بيسلي وقته وهو في السجل المدني
او وهو مستني الدور بتاعه اي كان الغرض يعني
بانه يهاك على بلوتوث الامناء ويسحب منهم الفيديوهات
وهي دي اصلا الطريقة اللي كانت بتتسرب بيها فيديوهات التعذيب في الاقسام

ومش هاحاول افكرك بان الامين ابو موبايل ببلوتوث ده بياخد تلتميت جنيه
وماتسالنيش جاب العدة اللي معاه دي منين

لو سمحت ماتحرجنيش اكتر من كده

خلاصة الكلام
اللي يعرف حسنة واحده للشرطة يقولي عليها
اللي يعرف حاجه واحده الشرطة بتعملها من اللي المفروض تعمله اصلا يقولي عليها
وبعدين نبقي نتكلم في موضوع نسيب الشرطة ده

انا نازل الجمعة اللي جاية ياكش انزل لوحدي