السبت، أكتوبر 08، 2011

ماما

الصورة اللي فوق دي لقيتها على الفيس بوك
التعليق عليها ان ده طفل يتيم في ملجأ ايتام افتقد امه فرسمها على الارض ونام في حضنها
انا حطيت الصورة دي هنا عشان ماحبتش انها تعدي عليا يادوب زي اي صورة بتعجبني بعملها لايك ولا حتى شير وانساها
الصورة دي انا حطتها هنا عشان انا عايز افتكرها
وعشان امبارح حوشت نفسي كتير اني اكتب بوست جديد كنوع من تنظيم البصاق الفكري اللي بعمله على المدونة
فلقيت ان ده بوست ممكن يهديني وينسيني اللي كنت عايز ابوست عليه امبارح