الأربعاء، يناير 30، 2008

يوم التلات

يوم التلات


عنوان غريب مش كده؟


عموما اللي مايفهمش العنوان بعتذر جدا


وبقوله


الموضوع ده مش ليك


الموضوع ده للي فاهمهاقوله


للي عارف ان السايبر اللي انا واخد منه النت بيقطع يوم التلات


للي عارف اني عشان اكتب البوست ده بكتبه على تكست لحد ما النت يجيي وارفعه


الموضوع ده مش للي مايعرفش ظروفي


من الاخر الموضوع ده للناس اللي تعرفني بره انترنت


واحد يسالني ويقولي ايه اللي جابرك على السايبر


مالنت في كل حته دلوقتي وبخمستاشر قرش


اقوله


ظروف


واحد يقولي طيب انت بتخش انترنت ليه ؟ وليه موضوع التلات ده مضايقك اوي كده


اقوله


اصلك لما تعوز النت وماتلاقيهوش


مش النت بس


لما تعوز اي حاجه انت محتاجها وماتلاقيهاش هاتعرف


اقوله


في الغالب انت ماتعرفش يعني ايه انترنت


على الاقل بالنسبة ليا


مابقولش اني بتنفس انتر نت


بس بحتاجه كتير


وبحتاجه اوي


طيب بكتب الموضوع ده ليه؟


اصلي ماكتبتوش قبل كده


وبما ان المدونة نوع من انواع المذكرات


فحبيت اني افتكر يوم التلات ده


او يمكن العكس


حبيت اني مافتكروش


من وجهه نظري


كتابة المذكرات نوع من انواع الmove مش ال copy


الواحد مننا لما يبقي في دماغه حاجه ويكتبها ساعتها عقله الباطن بينساها وهو مطمن


والعكس صحيح


لما بتدخل معلومة في عقلك الباطن عن طريق الكتابة-تكتب محاضرة مثلا من الدكتور بتاعك- عقلك الباطن بيحاول يحافظ على المعلومة دي


لحد ما تدخل الامتحان


وتطلع المعلومة على الورق


ساعتها بتنسى الامتحان بالاسئلة كمان


ساعات حتى بتنسى المواد اللي انت درستها في التيرم اللي فات كان اسمها ايه


يبقي عرفنها انا بكتب الكلام ده ليه


بكتبه عشان انسى يوم التلات


كفايا كده


بس


خلاص