الاثنين، أبريل 25، 2011
الأحد، أبريل 24، 2011
Python Arabic: الدوال في بايثون Functions in Python
Python Arabic: الدوال في بايثون Functions in Python: "مرحبا بكم من جديد... عن الدوال سنتحدث اليوم الدوال رياضيا - باختصار مخل - هي معادلة رياضية ما نقوم بادخال مدخلاتها فتخرج لنا ناتجها والوص..."
الاثنين، أبريل 18، 2011
عن الثورة المصرية نتحدث: ما قبل الولادة
عن الثورة المصرية نتحدث: ما قبل الولادة: "يتكون جيل الثورة -من هم حول الثلاثين- من مجموعة من الشباب قبل ولادتهم كان اباءهم وامهاتهم في مثل سنهم هذه في مرحلة السبعينات والثمانينات ا..."
الأحد، أبريل 17، 2011
عن الثورة المصرية نتحدث: البداية
عن الثورة المصرية نتحدث: البداية: "هذه المدونة اهداء الى ارواح الشهداء اللذين قدموا حياتهم كي نعيش احرار تتحدث هذه المدونة عن الثورة المصرية من وجهه نظر معينة الا وهي اسباب ا..."
السبت، أبريل 16، 2011
الأحد، أبريل 10، 2011
انا مش موظف
على الرغم من ان الشغل اللي انا فيه دلوقتي
شغل ممتاز-من الناحية النظرية والاجتماعية والمادية- الحمد لله
والناس اللي بشتغل معاهم -على الاقل اللي بشتغل تحتهم- ناس محترمين اخر حاجه
محترمين دبابة وولاد ناس تحرير
لكن في حاجه غلط
الا وهي اني مش موظف
ماعرفش ابقي عسكري يتقاله اضرب يضرب
ماعرفش اشتغل في وقت الشغل وابطل شغل في وقت تبطيل الشغل
لاحظوا اني ماقلتش اني كسلي
انا بس مش موظف
في يوم من الايام - كان - حلمي اشتغل في جوجل
عشان ساعتها مش هابقي موظف
هابقي فناااااان
بس كنت بخاف اوي اني لو رحت ومالاقتهاش زي مانا عايز ممكن يحصلي ايه
جوجل المكان الوحيد في المجرة اللي هايعاملني كفنان
لكن دخول جوجل زي ما هو واضح مش سهل
وبالتالي
قررت الاتي
اولا ان اعمل كموظف
هارحلهم في مواعيد الشغل وامشي بعدها
ممكن جدعنة مني -مش خوف على الشغل-اسهر شوية بالرغم من اني مش انا اللي اديت معاد التسليم
هاروح الشغل مش هافتح النت غير للشغل
ميلي مش فاتحه
ولا فيس بوكي
ولا توتري
ولا حتى هاسمع اغاني ولا اي فيديو وانا قاعد في الشغل
حتى السماعات روحتها معايا النهارده
بيتي اولى بيها
على الاقل هنا -لاني بدون من البيت- هاستخدمها الاستخدام اللي انا عايزة
ياكش حتى اكون عايز ادفي وداني
هالبسها وقت مانا عايز واشيلها وقت مانا عايز
هابقي موظف واستنى مرتبي اول كل شهر
واظبط عليه حياتي واقسط وادخل جمعيات وحاجات كده بقي
هاحاول على اد ماقدر ارمي الشغل اللي مش المفروض اشتغله على غيري
لاحظوا برده اني ماقتلش هارمي اي شغل
لكن الشغل اللي مش شغلي مش هاعمله تطوعا
انا مالي
انا باخد مرتبي- بتاع اول كل شهر ده- عشان شغلانة معينة ومحددة
اعمل شغل تاني ليه
خصوصا اني بتقيم على شغلي الاولاني اصلا
وبزيد في مرتبي على شغلي الاولاني
ولو قصرت فيه-لان شغلي الاولاني مرتبط اصلا بوقتي الطبيعي في الشغل- شغلي الاضافي ده مش هاينفعني
ماشي يا عم المدير
انا موظف
ليك عليا حتى ماعلقش ولا اقول وجهه نظري
في الاول والاخر برده انتوا ناس خبره وليكم وجهه نظر
ومادام الشغل بيتباع يبقي انتوا صح
على الاقل بتحققوا اهدافكم
وانا مش هاقف قصادها ولا اعطلها
متفهم تماما وجهه نظرك ومحترمه وموافق عليها
بس مش مقتنع بيها
وده حقي الطبيعي
وعشان حقي الطبيعي ده انا قررت ثانيا
ثانيا
زي مانا وقت الشغل بتاع الشغل
وقتي اللي مش شغل انا بتاعي انا بس
دماغي بتاعتي انا بس
زي مانا مش هاقرا في وقت الشغل عن طرق الشغل الجديدة وهاقرا عنها في وقتي الشخصي
هاستفيد بيها في وقتي الشخصي بس
مش هانفسكم حتى في وقتي الخاص
بس هافن
هاشتغل عشان اتبسط
هاقول رأيي هنا زي مانا عايز
لان دي مدونتي انا
والوقت ده وقتي انا
هاحلم بشركتي انا
شركتي اللي مافيهاش وان مان شو
شركتي اللي كل اللي فيها مهم وليه رأي
صح غلط مش مهم
عمره ما هايطلع رأي صح على طول حتى لو كان اهم واحد في الشركة
شركتي اللي هايتاخد فيها القرار بناء على مبدأ اللامركزية قبل مبدأ المشاركة
عشان المشاركة ممكن تكون مشاركة الموظفين اللي في اودة واحده
مش هاتفرق بقي انهي اوده
اودة البياعين ولا اودة الصانعين
لكن اللا مركزية هي ان مايبقاش في اوده واحده
شركتي اللي قاعد بكتب عنها دلوقتي بالرغم من اني عندي شغل كتير في مذاكرتي لازم اخلصه في الوقت ده لان ماعنديش غيره
والوقت اللي بيضيع مني في الكتابة عنها ده غالي عليا اوي
شركتي اللي انا هابقي مقتنع فيها تماما ان لو عندي موظف ممكن يحط الوقت اللي زي ده عشان يكتب عنها ويعلق على طريقتي في الشغل معاه بالرغم ان ده مش وقت الشغل اللي بدفعله عليه فلوس وبالرغم من انه حاطط السماعة على ودنه وبالرغم من انه هو اللي دافع تمن النت ده وبالرغم من انه ممكن يبقي واخد اجازة تاني يوم عشان محتاج وقت خاص- الموظف ده انا وهو والشركة اولى بالوقت ده في انه يشتغل فيه حتى ولو راح بالشورت والصندل وسايب دقنه ومتشقلب على الكرسي وحاطط كاسرولة على دماغه
شغل ممتاز-من الناحية النظرية والاجتماعية والمادية- الحمد لله
والناس اللي بشتغل معاهم -على الاقل اللي بشتغل تحتهم- ناس محترمين اخر حاجه
محترمين دبابة وولاد ناس تحرير
لكن في حاجه غلط
الا وهي اني مش موظف
ماعرفش ابقي عسكري يتقاله اضرب يضرب
ماعرفش اشتغل في وقت الشغل وابطل شغل في وقت تبطيل الشغل
لاحظوا اني ماقلتش اني كسلي
انا بس مش موظف
في يوم من الايام - كان - حلمي اشتغل في جوجل
عشان ساعتها مش هابقي موظف
هابقي فناااااان
بس كنت بخاف اوي اني لو رحت ومالاقتهاش زي مانا عايز ممكن يحصلي ايه
جوجل المكان الوحيد في المجرة اللي هايعاملني كفنان
لكن دخول جوجل زي ما هو واضح مش سهل
وبالتالي
قررت الاتي
اولا ان اعمل كموظف
هارحلهم في مواعيد الشغل وامشي بعدها
ممكن جدعنة مني -مش خوف على الشغل-اسهر شوية بالرغم من اني مش انا اللي اديت معاد التسليم
هاروح الشغل مش هافتح النت غير للشغل
ميلي مش فاتحه
ولا فيس بوكي
ولا توتري
ولا حتى هاسمع اغاني ولا اي فيديو وانا قاعد في الشغل
حتى السماعات روحتها معايا النهارده
بيتي اولى بيها
على الاقل هنا -لاني بدون من البيت- هاستخدمها الاستخدام اللي انا عايزة
ياكش حتى اكون عايز ادفي وداني
هالبسها وقت مانا عايز واشيلها وقت مانا عايز
هابقي موظف واستنى مرتبي اول كل شهر
واظبط عليه حياتي واقسط وادخل جمعيات وحاجات كده بقي
هاحاول على اد ماقدر ارمي الشغل اللي مش المفروض اشتغله على غيري
لاحظوا برده اني ماقتلش هارمي اي شغل
لكن الشغل اللي مش شغلي مش هاعمله تطوعا
انا مالي
انا باخد مرتبي- بتاع اول كل شهر ده- عشان شغلانة معينة ومحددة
اعمل شغل تاني ليه
خصوصا اني بتقيم على شغلي الاولاني اصلا
وبزيد في مرتبي على شغلي الاولاني
ولو قصرت فيه-لان شغلي الاولاني مرتبط اصلا بوقتي الطبيعي في الشغل- شغلي الاضافي ده مش هاينفعني
ماشي يا عم المدير
انا موظف
ليك عليا حتى ماعلقش ولا اقول وجهه نظري
في الاول والاخر برده انتوا ناس خبره وليكم وجهه نظر
ومادام الشغل بيتباع يبقي انتوا صح
على الاقل بتحققوا اهدافكم
وانا مش هاقف قصادها ولا اعطلها
متفهم تماما وجهه نظرك ومحترمه وموافق عليها
بس مش مقتنع بيها
وده حقي الطبيعي
وعشان حقي الطبيعي ده انا قررت ثانيا
ثانيا
زي مانا وقت الشغل بتاع الشغل
وقتي اللي مش شغل انا بتاعي انا بس
دماغي بتاعتي انا بس
زي مانا مش هاقرا في وقت الشغل عن طرق الشغل الجديدة وهاقرا عنها في وقتي الشخصي
هاستفيد بيها في وقتي الشخصي بس
مش هانفسكم حتى في وقتي الخاص
بس هافن
هاشتغل عشان اتبسط
هاقول رأيي هنا زي مانا عايز
لان دي مدونتي انا
والوقت ده وقتي انا
هاحلم بشركتي انا
شركتي اللي مافيهاش وان مان شو
شركتي اللي كل اللي فيها مهم وليه رأي
صح غلط مش مهم
عمره ما هايطلع رأي صح على طول حتى لو كان اهم واحد في الشركة
شركتي اللي هايتاخد فيها القرار بناء على مبدأ اللامركزية قبل مبدأ المشاركة
عشان المشاركة ممكن تكون مشاركة الموظفين اللي في اودة واحده
مش هاتفرق بقي انهي اوده
اودة البياعين ولا اودة الصانعين
لكن اللا مركزية هي ان مايبقاش في اوده واحده
شركتي اللي قاعد بكتب عنها دلوقتي بالرغم من اني عندي شغل كتير في مذاكرتي لازم اخلصه في الوقت ده لان ماعنديش غيره
والوقت اللي بيضيع مني في الكتابة عنها ده غالي عليا اوي
شركتي اللي انا هابقي مقتنع فيها تماما ان لو عندي موظف ممكن يحط الوقت اللي زي ده عشان يكتب عنها ويعلق على طريقتي في الشغل معاه بالرغم ان ده مش وقت الشغل اللي بدفعله عليه فلوس وبالرغم من انه حاطط السماعة على ودنه وبالرغم من انه هو اللي دافع تمن النت ده وبالرغم من انه ممكن يبقي واخد اجازة تاني يوم عشان محتاج وقت خاص- الموظف ده انا وهو والشركة اولى بالوقت ده في انه يشتغل فيه حتى ولو راح بالشورت والصندل وسايب دقنه ومتشقلب على الكرسي وحاطط كاسرولة على دماغه
الجمعة، أبريل 01، 2011
الثأر
ولو انه مش وقته خالص بس مش قادر ما سجلش اللحظة التاريخية دي
من حوالي تمن او تسع سنين كده
حد اتهمني
تهمه مخله
تهمة زور
وقال عليا زور قدامي
وفي بيتي
ساعتها الصدمة ماخلتنيش اعرف حتى ازعل او استغرب
كنت بحاول استوعب ان ممكن حد يقول زور بالطريقة دي
وبالطلاقة دي
وبالجبروت والبجاحة دي
ماكنتش متخيل ان ممكن حد يشهر بسمعته -زور او غير زور- بهدف انه يأذي حد تاني مش ياخد حقه
عمري ما قدرت استوعب
النهارده
نفس الشخص ده
جه طلب مني اشهد في المحكمة معاه
بغض النظر هو عايزني اشهد بأيه
وبغض النظر انا فاضي في اليوم ده ولا لأ
وبغض النظر عن رأيي فيه او في خصمه
وبغض النظر شهادتي دي هاتأثر ولا ماتأثرش
انا قلتله وفكرته
قلت
انا اتشهد عليا زور في بيتي وقدام عيني
لحظة قلبي فيها دق وحسيت باحساس غريب
ربنا مابيسبش حق حد
من حوالي تمن او تسع سنين كده
حد اتهمني
تهمه مخله
تهمة زور
وقال عليا زور قدامي
وفي بيتي
ساعتها الصدمة ماخلتنيش اعرف حتى ازعل او استغرب
كنت بحاول استوعب ان ممكن حد يقول زور بالطريقة دي
وبالطلاقة دي
وبالجبروت والبجاحة دي
ماكنتش متخيل ان ممكن حد يشهر بسمعته -زور او غير زور- بهدف انه يأذي حد تاني مش ياخد حقه
عمري ما قدرت استوعب
النهارده
نفس الشخص ده
جه طلب مني اشهد في المحكمة معاه
بغض النظر هو عايزني اشهد بأيه
وبغض النظر انا فاضي في اليوم ده ولا لأ
وبغض النظر عن رأيي فيه او في خصمه
وبغض النظر شهادتي دي هاتأثر ولا ماتأثرش
انا قلتله وفكرته
قلت
انا اتشهد عليا زور في بيتي وقدام عيني
لحظة قلبي فيها دق وحسيت باحساس غريب
ربنا مابيسبش حق حد
الاشتراك في:
الرسائل (Atom)