محافظة الوادي الجديد
تخيلوا في محافظة في مصر بالاسم ده
افتكر ان عندي معلومة قديييييييييييييييييييمة عن الموضوع ده من ايام اعدادي
بس للاسف كانت المعلومة تتلخص في ان في محافظة بالاسم ده
ابن خالي راح هناك اليومين اللي فاتوا لسبب ما
المهم لما جه بيحكلنا
عرفت منه ان المحافظة دي مساحتها تلت مساحة مصر
وعدد سكانها مية خمسة وتمنانين الف نسمة بس
يعني واحد لكل اتنين كيلو متر مربع تقريبا
فيها مية وعشرين موقع سياحي
تحفر عشرة متر في الارض تلاقي نافورة مياه جوفيه طلعتلك
المحافظة بتقولك تعالى خد ارض وازرعها واحنا هانيسرلك كل حاجه
هانديك فلوس كمان
كان راكب تاكس
والشارع فاضي
ولقا السواق وقف
ليه يا اسطى؟؟
اصل الاشارة حمرا
تخيلوا
سواق تاكس
بيقف في الاشارة الحمرا
ومافيش عسكري ولا امين ولا عربية غيره
مافيش حتى واحد ماشي في الشارع
اللي عايز يعرف اكتر عن المحافظة دي
الموقع اهو
http://www.geocities.com/egyptalwady/index1.htm
هناك تعليق واحد:
أشكرك على كلامك الطيب عن محافظة الوادى الجديد....أنا من أبناء المحافظة
وأحب أعرفك إن فيه ناس عايش فى الوادى بس يمكن إبن خالك كان ماشى فى عز الحر .....أتمنى زيارتك للخارجة مرة أخرى عاصمة الوادى الجديد وأسعد بإستضافتك وشكراً لحضرتك مرة اخرى
almagraby2005@hotmail.com
almagraby2008@gmail.com
إرسال تعليق