سلام عليكم
احدثكم الان من سايبر
اضطرتني الظروف اني انزل السايبر اللي على ناصية شارعنا اقعد فيه نص ساعة منتظر
انا اللي عندي النت اربعة وعشرين ساعة في البيت
لكن دوام الحال من المحال
عموما
قلت اسلي نفسي اني اوصفلكم الجو اللي انا قاعد فيه
يمكن عشان افتكره
السايبر في اربع اجهزة في الدور الارضي
المساحة اللي محطوطين فيها لا تكفي لجهاز واحد اصلا
الدور التاني بقي
اول ما طلعته راسي خبطت في السقف
وده راجع لان السقف قصير شوية مش راجع لان انا اللي طويل
ولو اني طويل برده
الدور اللي فوق بقي اللي انا قاعد فيه دلوقتي ده فيه جهازين
مع ان المساحة تستوعب خمس اجهزة
ده بالاستيعاب الطبيعي
لكن لو مشينا على المعدل اللي هو عامله تحت يبقي ممكن تستوعب اربعتاشر جهاز
دلوقتي في سؤالين
السؤال الاول ازاي مساحة الدور التاني اكبر من مساحه الدور الارضي
ده راجع لان الدور الارضي اساسا عبارة عن محل اجهزة كهربية
فده شاغل المساحة الاكبر من الدور الارضي
وغالبا الدور اللي فوق ده كان مخزن في المحل
السؤال التاني بقي
ليه سوء التوزيع ده؟
ده راجع لان الدور التاني ارضيته خشب وتقريبا ابلاكاش
الراجل اللي قاعد جنبي وبيشات مع راجل على الام اس ان بالفيديو قاعد بيهز رجليه وبالتالي بيهز الدور كله
بجد الكرسي والترابيزة اللي عليها الكيبورد والماوس والحامل اللي في الحيطة اللي عليه الشاشة والسي بي يو والمروحة اللي جنبي كل ده بيتهز
هذا وبالله التوفيق
محدثكم لؤي صقر من الدور التاني الايل للسقوط
هناك 4 تعليقات:
بسم الله الرحمن الرحيم
من حامل الدرع (البحر) هشام كيف حالك
مش لاقى حاجة أكتبه
من شميس الساكن فوق السجرة (شجرة)
الى لؤى فى الدور التانى القابل للسقوط:
لقد وصل لنا تقريركم الاخبارى وكنا نريد أن نستفسر عن اذا كان صاحب المحل يريد ان يريد فى عدد أجهزة المحل الدور التانى وما حال الموقف لاحداث الجارية للدور الاول
ونلتقى بعد الفاصل
تم أفتتاح العدد الأول من مجلة نفسنا
نتمنى منكم زيارتنا
إيه يا عم ده
إيه القرف إللى إنت كاتبه ده
مش هعلق ولا أعبرك
يعنى خلاص مفيش غيره
إرسال تعليق