شهادة المشير امام المحكمة

المقالة دي منقولة من جبهة التهييس الشعبية
بنشرها عشان ابقي ضامن ان في منها اكتر من نسخة
احتمال تكون صح واحتمال تكون متفبركة
ممكن الجيش يطلع ينفيها ويطلع ميتينا مع ان ده مش من حقه
وممكن يسكت
ممكن يسكت عشان الكلام ده صح او يسكت عشان الكلام الصح ماينفعش يتقال
ماينفعش يتقال لانه انيل من ده او ماينفعش يتقال عشان اسرار دولة
ولهذا انا بأعلن اهو عشان لو الجيش قرر انه يحبسنا
الكلام ده انا - كلؤي - مش متأكد من صحته
لكن كاتبه هنا عشان كلام قريته وحبيت احتفظ بنسخة لنفسي
واللي يقراه وعايز يصدق انه حقيقي هو حر
واللي شايف انه كلام فارغ برده هو حر

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟ 
ج1 : الاجتماع كان برئاسة رئيس الوزراء واعتقد أننه بلغ 

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟ 
ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس 

س3: ما الذي أبداه رئيس الجمهورية في هذه اللقاءءات ؟ 
ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث 

س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين؟ استعمال قوات الشرطة القوة ضد المتزاهرين بما فيها استخدام الاسلحة الخرطوش والنارية من 25 يناير حتي 28 يناير ؟ 
ج4 : ليس لدي معلومات عن هذا واعتقد ان هذا لم يحدث 

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟ 
ج5 : ليس لدي معلومات 

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟ 
ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران 

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟ 
ج7 : ليس لدي معلومات 

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟ 
ج8: إنا معنديش معلومات بكده.. الاحتمالات كتير لكن مفيش معلومة عندي 

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟ 
ج9 : إنا معرفش ايه اللي حصل 

س10 : هل تستطيع سيادتك تحديد هل كانت هناك عناصر أخري تدخلت ؟ 
ج10 : هيا معلومات غير مؤكدة بس اعتقد ان هناك عناصر تدخلت 

س11 : وما هي تلك العناصر ؟ 
ج11 : ممكن تكون عناصر خارجة عن القانون 

س12 : هل ورد لمعلومات سيادتك ان هناك عناصر اجنبية قد تدخلت ؟ 
ج12 : ليس لدي معلومات مؤكدة ولكن ده احتمال موجود 

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟ 
ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه 

س14 : ولمن يصدر رئيس الجمهورية علي وجه العموم هذه الأوامر ؟ 
ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك 

س15 : وهل يجب قطعا علي من تلقي أمر تنفيذه مهما كانت العواقب ؟ 
ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه 

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا 
ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا 

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟ 
ج17: يسأل في ذلك مساعديه الذين ابلغوه هل هو علي علم أم لا 

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟ 
ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات 

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟ 
ج19 : هذه مسئولية جهات التحقيق 

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض علي رئيس الجمهورية؟ 
ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه ولكن التظاهر وفضه هي خطة وتدريب موجود في وزارة الداخلية 

س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة وذلك من منظور ما وصل لعلم سيادتك ؟ 
ج 21 : معنديش علم بذلك 

س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس سيارات لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟ 
ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها 

س23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟ 
ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش 

س24 : هل هناك اصابات أو وفيات لضباط الجيش ؟ 
ج 24 : نعم هناك شهداء 

س25 : هل تعاون وزير الداخلية مع القوات المسلحة لتأمين المظاهرات ؟ 
ج 25 : لأ 

س26 : هل أبلغت بفقد ذخائر خاصة بالقوات المسلحة؟ 
ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة 

س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟ 
ج27: هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات 

س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟ 
ج28: لا ..لم يتم القاء القبض على أى أحد 

س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟ 
ج29 : لم يحدث 

س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟ 
ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب  

دي اقوال طنطاوي.. لو سمحتوا كل واحد ياخد كوبي بيست وينشرها على مدونته او صفحة الفيس بوك، لان اللي محمد الجارحي كده ممكن يتحبس وكل ما ننشر اكتر ما يقدروش يحبسونا كلنا او بقى يحبسونا كلنا، لو الف مدون واكاونت فيس بوك نشرها ما يقدروش يحبسونا كلنا، او يحبسونا كلنا ويتفضحوا يالا.. المهم ان شهادة طنطاوي دي حقنا نعرفها، لان اصلا القضية دي كلها تحصيل حاصل.. احنا عارفين مين اللي قتل ولادنا، وعارفين المتهم، ووعارفين الحكم، والشهادات دي مالهاش اي لازمة غير تبين لنا مين معانا ومين علينا... احنا صابرين على المحاكمات دي واحنا عارفين الحق والعدل فين عشان ما ننتهكش القانون بس وهم مش من حقهم يطلعوا قانون يمنعونا نعرف ايه اللي بيحصل في بلدنا سيبنا لهم البلد مش عارفين عنها حاجة 30 سنة بحجة الامن القومي وادي النتيجة... لا.. من هنا ورايح يكلمونا زي ما بنكلمهم ومافيش اسرار البلد بلدنا واحنا احرار فيها

مفهم دوال الكائنات في بايثون

مفهوم دوال الكائنات في بايثون

انا مش موظف

على الرغم من ان الشغل اللي انا فيه دلوقتي
شغل ممتاز-من الناحية النظرية والاجتماعية والمادية- الحمد لله
والناس اللي بشتغل معاهم -على الاقل اللي بشتغل تحتهم- ناس محترمين اخر حاجه
محترمين دبابة وولاد ناس تحرير
لكن في حاجه غلط
الا وهي اني مش موظف
ماعرفش ابقي عسكري يتقاله اضرب يضرب
ماعرفش اشتغل في وقت الشغل وابطل شغل في وقت تبطيل الشغل
لاحظوا اني ماقلتش اني كسلي
انا بس مش موظف
في يوم من الايام - كان - حلمي اشتغل في جوجل
عشان ساعتها مش هابقي موظف
هابقي فناااااان
بس كنت بخاف اوي اني لو رحت ومالاقتهاش زي مانا عايز ممكن يحصلي ايه
جوجل المكان الوحيد في المجرة اللي هايعاملني كفنان
لكن دخول جوجل زي ما هو واضح مش سهل
وبالتالي
قررت الاتي
اولا ان اعمل كموظف
هارحلهم في مواعيد الشغل وامشي بعدها
ممكن جدعنة مني -مش خوف على الشغل-اسهر شوية بالرغم من اني مش انا اللي اديت معاد التسليم
هاروح الشغل مش هافتح النت غير للشغل
ميلي مش فاتحه
ولا فيس بوكي
ولا توتري
ولا حتى هاسمع اغاني ولا اي فيديو وانا قاعد في الشغل
حتى السماعات روحتها معايا النهارده
بيتي اولى بيها
على الاقل هنا -لاني بدون من البيت- هاستخدمها الاستخدام اللي انا عايزة
ياكش حتى اكون عايز ادفي وداني
هالبسها وقت مانا عايز واشيلها وقت مانا عايز
هابقي موظف واستنى مرتبي اول كل شهر
واظبط عليه حياتي واقسط وادخل جمعيات وحاجات كده بقي
هاحاول على اد ماقدر ارمي الشغل اللي مش المفروض اشتغله على غيري
لاحظوا برده اني ماقتلش هارمي اي شغل
لكن الشغل اللي مش شغلي مش هاعمله تطوعا
انا مالي
انا باخد مرتبي- بتاع اول كل شهر ده- عشان شغلانة معينة ومحددة
اعمل شغل تاني ليه
خصوصا اني بتقيم على شغلي الاولاني اصلا
وبزيد في مرتبي على شغلي الاولاني
ولو قصرت فيه-لان شغلي الاولاني مرتبط اصلا بوقتي الطبيعي في الشغل- شغلي الاضافي ده مش هاينفعني

ماشي يا عم المدير
انا موظف
ليك عليا حتى ماعلقش ولا اقول وجهه نظري
في الاول والاخر برده انتوا ناس خبره وليكم وجهه نظر
ومادام الشغل بيتباع يبقي انتوا صح
على الاقل بتحققوا اهدافكم
وانا مش هاقف قصادها ولا اعطلها
متفهم تماما وجهه نظرك ومحترمه وموافق عليها
بس مش مقتنع بيها
وده حقي الطبيعي

وعشان حقي الطبيعي ده انا قررت ثانيا

ثانيا
زي مانا وقت الشغل بتاع الشغل
وقتي اللي مش شغل انا بتاعي انا بس
دماغي بتاعتي انا بس
زي مانا مش هاقرا في وقت الشغل عن طرق الشغل الجديدة وهاقرا عنها في وقتي الشخصي
هاستفيد بيها في وقتي الشخصي بس
مش هانفسكم حتى في وقتي الخاص
بس هافن
هاشتغل عشان اتبسط
هاقول رأيي هنا زي مانا عايز
لان دي مدونتي انا
والوقت ده وقتي انا

هاحلم بشركتي انا
شركتي اللي مافيهاش وان مان شو
شركتي اللي كل اللي فيها مهم وليه رأي
صح غلط مش مهم
عمره ما هايطلع رأي صح على طول حتى لو كان اهم واحد في الشركة

شركتي اللي هايتاخد فيها القرار بناء على مبدأ اللامركزية قبل مبدأ المشاركة
عشان المشاركة ممكن تكون مشاركة الموظفين اللي في اودة واحده
مش هاتفرق بقي انهي اوده
اودة البياعين ولا اودة الصانعين
لكن اللا مركزية هي ان مايبقاش في اوده واحده
شركتي اللي قاعد بكتب عنها دلوقتي بالرغم من اني عندي شغل كتير في مذاكرتي لازم اخلصه في الوقت ده لان ماعنديش غيره
والوقت اللي بيضيع مني في الكتابة عنها ده غالي عليا اوي


شركتي اللي انا هابقي مقتنع فيها تماما ان لو عندي موظف ممكن يحط الوقت اللي زي ده عشان يكتب عنها ويعلق على طريقتي في الشغل معاه بالرغم ان ده مش وقت الشغل اللي بدفعله عليه فلوس وبالرغم من انه حاطط السماعة على ودنه وبالرغم من انه هو اللي دافع تمن النت ده وبالرغم من انه ممكن يبقي واخد اجازة تاني يوم عشان محتاج وقت خاص- الموظف ده انا وهو والشركة اولى بالوقت ده في انه يشتغل فيه حتى ولو راح بالشورت والصندل وسايب دقنه ومتشقلب على الكرسي وحاطط كاسرولة على دماغه

ازاي تثور ومامعكش انترنت.... الحقيبة الكاملة للثوار التكنولوجيين

لو اقتنعت باهمية الكلام ده ماتوقفوش عندك

اهداء لجمع الاخوة العرب اللي لم يمروا بعد بتجربة قطع الانترنت

في شوية طرق جربناها في مصر وقت الثورة

وزي ما الاخوة التوانسة ربنا يباركلهم نصحونا بالاسبراي الاسود على ازاز عربيات الامن المركزي وكان للنصيحة دي مفعول مؤثر جدا
احب ان مصر تشارك اخواتها العرب في بعض النصائح الثورية
خصوصا اني مالحقتش ليبيا قبل الفيس ما يتقفل
ياريت اللي يعرف حد هناك ينقله المقال ده

اولا
الحلول البسيطة جدا لمعرفة الاحداث من غير فيس بوك ولا تويتر وبرده تعرفها من فيس بوك وتويتر

الحل ببساطة هو جوجل ريال تايم

خد اللينك ده
http://www.google.com.eg/realtime?hl=en&tab=wY

او خش على جوجل عادي جدا ودوس الوقت الفعلي او ريال تايم من فوق
واكتب مثلا اسم بلدك
ده هايجيبلك كل التويتس والستاتس اللي بتتكتب في فيس بوك وتويتر وليها علاقة باسم بلدك بمجرد ما تتكتب
يعني هاتبقي عارف الاخبار اول باول


طبعا الطريقة دي تنفع في اي وقت ودي مفيدة جدا

الطريقة التانية للناس اللي فاهمين شوية في النت
طبعا البروكسيهات
لو مش عارف يعني ايه بروكسي
هو عبارة عن زي ماتقول كده
موقع
الموقع ده بلده الاصلية- المكان اللي موجود فيه سطرين الكود اللي معمول بيهم الموقع- بلد تانية
مش مقطوع عنها الفيس بوك
والموقع ده مش مقطوع في بلدك
فالموقع بيشتغل حاجه كده زي الكوبري

مش محتاج اديك لينكات
اكتب على جوجل بروكسي
او
proxy
وجربهم كده وشوف مين شغال في بلدك ومين لا

الحل التالت للناس اصحاب الهوايات الخاصة
ممكن توصل صوتك للعالم عن طريق شفرة موريس
ايوة
حصلت عندنا في الثورة
وفي هواة شفرة مورس كتير حوالين العالم
لو تقدر تتصرف في جهاز تقدر تتواصل مع العالم عن طريقه

الحل الرابع بتاع جوجل
http://google-arabia.blogspot.com/2011/01/blog-post.html?utm_source=feedburner&utm_medium=feed&utm_campaign=Feed:+GoogleArabiaBlog+(Google+Arabia+Blog)
وده للي عندهم خط دولي


الحل الخامس للمحترفين في البرمجه

الحل مكتوب هنا
http://ta-kha-ref.blogspot.com/2011/02/how-to-create-your-countrys-internet.html


مرة تانية
لو اقتنعت باهمية الكلام ده ماتوقفوش عندك

انشره لو سمحت

How to create your country's Internet when it is unavailable

https://docs.google.com/document/d/1yphpTrj2Ty3qi6eo58MbW9eOexVN8BYXrvpQHh41HoM/edit?hl=en

By Luay Sakr, Software Engineer

LuaySakr@Gmail.Com

Contents

---

Introduction 2

Problem Statement 2

Previous Options 2

Proposed Solution 3

Implementation 4

Summary 4

Introduction

Communications nowadays is simply, directly and deeply like oxygen, it always standby to just use it, just whenever you need it.

Email boxes, newspaper, cell phones always standby, when it standby actually it works to inform you more and more information.

 

Problem Statement

In my country Egypt, internet connection was not available twice.

One of them in 2008 when internet cable was damaged (accidentally), and the second one was in 2011 (intentionally) and this one was synchronized with non-availability of cell phone calls and SMSs (intentionally also) all of these intentionally non availability of communications synchronized with illegal prisoners releasing (intentionally one more time :)).

So the problem is simply, directly and deeply "NO OXYGEN IN Intensive Care".

So we need some oxygen even some air, all Egyptians was under them homes with Improvised weapons with huge rumors  of hundreds of armed robbers, people in Egypt were need deeply kind of communication to share the information about the robbers.

on the other hand hundreds of thousands of protests people need to communicate to save them live -unfortunately some people was killed because of this - people were need any kind of communications

Previous Options

Most of people communicated through landlines, and some of them communicated with each other -even out countries - through Morse code

Proposed Solution

Concept

Pic 1-1

Internet in Egypt is networked as Pic 1-1

Assume that S1 is Vodafone network and S2 is TEDATA network and S3 is Link network.

And WAN is the outer networks over world

And Each LAN is home network (router with node or more)

Pic 1-2

Each network acting as domain in Pic 1-2

And switch acting as a physical switch

Connects all this domains to the main Internet cable or acting as logical switch like DNS

The global intention cutting of Internet can be through one of two ways,

One is disabling DNS

But this can overreach by using the IPs.

It did not work

The second one is switching off the switch

So these domains will be separated of each other but still each node in each domain is connected to other nodes in the same domain

By testing it worked

How

Each router in each LAN acting as node in domain network and it has IP

So node can ping any router within network.

So we can develop any small and simple social application and host it on any machine on network and simply create a port forward role through router that hosting machine connected to. So any other node can use this application by writing the hosting router IP in browser address bar.

(Tested from multi regions like Cairo and Alex and them all can use the same application also it worked over TEDATA and VODAFONE

Also I sow the application on Vodafone router though my cell phone by activating mobile network connection to internet)

Benefit 1

Creating local social network over domain

Benefit 2

We can use node or more to bridge between domains, and then more than one domain can see the same application

Benefit 3

Communicating through cell phones means that we can transfer files through cell phones without connecting to the same LAN or being beside each other    

Benefit 4

Also we can develop VOIP application that allows free calls and chats through same network and also we can use the concept of bridging.

Implementation

To implement these ideas for large scale we need

• Consistence server
• Static router IP
• Piece of code
• Advertising

Summary

In this white paper we proposed some ideas to create special kind of communications at special situations.

Also some ideas for free voice calls and chats between cell phones and computers proposed.

Team Work

Nader Abd El Hameed

Mohamed Sayed

Amr Gubr

Luay Sakr

Images from Data Communications and Networking fourth Edition

More than seven other testers over Egypt

g-egypt اول مرة يحصل في مصر
اول مرة احتك بجووجلرز Googlers (موظفين جووجل) بشكل مباشر
اول مرة اسمع واشم والمس وادوق جوجل
نتكلم عن واحده واحده
اسمع
اسمع الجوجلرز نفسهم
من اللحظة الاولى هاتكتشف ان جوجل شركة متعددة الجنسيات
مالتي ناشونالز مالتي ناشونالز يعني مش اي كلام
كل كام واحد من حته
الصفة السائدة
ناس لطاف جدا
جدا جدا
جدا الى ابعد الحدود
ماعدا اتنين
خلينا للصراحة يعني
واحد ونص
ولا اقولكم
صراحة بصراحة بقي
واحده ونص
النص ده مصري
مالقتش منه حاجه مش لطيفة
بس في نفس الوقت هو واثق في نفسه زيادة شوية
اه هو راجل جوجلر على عيني وراسي
ومصري امريكاني ماقلناش حاجه
بس مش هو لوحده يعني لامؤاخة

هو انا عموما ماحتكتش بيه غير وهو بيقول السيشن
وبالتالي مش هاقدر احكم عليه اوي
الواحده بقي
مصرية برده
شوفو الصدف
حاجه غريبة يا اخي
دي بقي شايفة انها خيرة مبرمجين البلد
ماشي
على عيني وراسي
بس في كام واحد مصريين كمان ومافيهمش العرق ده
هو عموما اللي هي فيه ده مش وحش
حقها برده يا جماعة تحس بنفسها
ماهو مهما عملنا
تبقي الحقيقة
هي جوجلر واحنا لا
المشكلة اني ماكنتش متوقع الباترن ده اصلا
ممكن اتوقعه في مايكروسوفت
لكن جوجل لا يا جماعة

طيب
الناس اللطيفة بقي
تقريبا كلهم
بس الطفهم سبستيان
ده اللي منظم الايفينت اصلا
لطيف لطيف يعني
ماعندوش اي مانع يمسك الميك لعيل سيس من الحضور بس عشان العيل السيس ده بيديمو ابليكيشن سيس برده
ماعندوش اي مانع يشتغل نوبتجية(احنا نباتشية بس صنايعية) على مالعيل السيس ده يوصل جهازه بالبروجيكتور
طبعا كان مفحوت شغل

حد تاني كان فايس بريزيدينت بس انا مش فاكر اسمه
لفت نظري انه وااااااااااضح تماما
ولفت نظري برده انه لما اتكلم عن مايكروسوفت قال انهم اصحابنا
طبعا كل المجرة عارفه انهم مابيطقوش بعض
بس كلمة اوري فريندس دي مش هاتسمعها على الجانب الاخر
في حد ماسك الاوبن سورس
ده ماعجبنيش اوي
صوته -هو لوحده- ماكانش واضح
تقريبا كنت بقرا البريزينتيشن بس

لفت نظري برده انهم مش معقدين
صحيح بيشتغلوا على كروم على طول
بس ماعندهمش مشكلة يفتحوا فايرفوكس
وماعندهمش مشكلة يشتغلوا على ويندوز او ابل
في ناس كده وناس كده

طيب
ده على السمع
طبعا المكان كان جزء من جوجل زي مابنشوفها على السايت
الالوان والبلالين والكراسي اللي عبارة عن اكياس دي والبتوع اللي في كل حته فيهم شوكلاته وملبس ولبان

خرجت من الايفينت ده بشوية مفاهيم جديدة
في منها عن جوجل تكنولوجي
ومنها عن جوجل نفسها
لو لقيت وقت ان شاء الله ابقي اكتبلكم عنها تاني

بيس

جوجل

جوجل دي كبيرة اوي

لي عودة قريبا ان شاء الله