عنوة

كنت من قبل كتبت موضوع خلسة  اقترح عليك مراجعته

بالامس وقفت سائقا في اشارة طلعت ميدان طلعت حرب

طلفة صغيرة في السابعة من عمرها اتت الى سيارتي سائلة لله شيئا من اجل ان تأكل به

محلوظة جانبية: قاومت نفسي مرارا حتى لا اصف المشهد بشكل كامل ولكني اعتقد ان على من سوف يقراء عن هذا الموقف ان يكون متفهم  المشهد بشكل كبير لذا اعذروني على وصفي السخيف

طفلة في السابعة

برد لا بأس به

طفلة شوارع بكل معنى الكلمة ..طفلة الشارع بيتها

مصابة بحرق ما في ثلثي الرأس تسبب في ازالة الشعر منه

حرق للاسف حقيقي وللاسف ايضا مسيطر عليه..لم يتسرب لوجهها على الرغم من حجمه الكبير

باختصار هذا حرق حقيقي للاسف ومفتعل للاسف الشديد

تعتصر في يديها علبة عصير

بالطبع لا تملك رفاهية شراءه ولكنه غالبا عطية من سيارة سابقة

حين سالتني

خذلتها 

كان زجاج السيارة مغلقا فاشرت لها ان يسهل  لك الله

فقامت بفتح باب السيارة المجاور لي

قامت بفتحه فعلا

في رد فعل طبيعي جذبت الباب ثانيا وعيني على اصابع يديها الصغيرة خوفا من ان تصاب باذي اثناء غلقي الباب 

فقامت بفتحه ثانيا 

فجذبته وظللت ممسك به

فحاولت فتحه بكل قوتها

كل قوتها بالمعنى الحرفي للكلمة

اي انها امسكت الباب بكلتا يديها وقامت باستخدام وزنها كله كالة جذب

لا تعبير على وجهها 

لا نظرة استعطاف ولا نظرة كراهية حتى

نظرة مختلفة

في الواقع كانت لا تنظر لي بالقدر الذي تنظر به للباب نفسه

ظللت مشدوها ومدهوشا ومشوشا وعاجز عن التفكير طوال فترة وقوفي في الاشارة

كل ما استطعت ان اجبر عقلي على فعله هو استيعاب المشهد قدر المستطاع وبالطبع المحافظة على الباب مغلقا

حين تحركت بالسيارة

فكرت وتذكرت

تذكرت دنيا الطفلة التي قابلتها في اعتصام يوليو 

الطفلة ذات الاثنى عشر خريفا التي تعمل بائعة مناديل وتعيش مع جدتها المعتمده في حياتها على المعاش واخوها ذو العشرين عاما ولا يعمل

الطفلة التي تجبر على هذا العمل والا تضرب من اخوها الاكبر قبل جدتها

الطفلة التي حين سالتها كم تكسب يوميا قالت 

عشرين خمسة وعشرين جنيه

ثم سالتني ونظره استشهاد في عينيها 

وحشين دول؟؟؟

لن تحتاج لتكون عبقري رياضيات لتعلم انها تكسب مع يعادل ضغف مرتب موظف خريج جامعة يعمل في قطاع خاص في بداية حياته

فكرت لماذا كانت طفلة طلعت حرب..ويا لسخرية القدر.. تنظر للباب بهذا الاصرار

كانت تنظر للباب لان هذا هو الباب الذي اذا فتحته سيرتفع معدل انتاجها اليوم الى من ربع جنيه الى جنيه 

خطوة في سبيل تجنب العقاب الذي ستناله اخر الليل بعد يوم عمل متعب للغاية

تذكرت حوار سمعته بين ثلاث نسوة متسولين صدفة

تحكي في احداهن عن حلمها ليلة امس بان شخصا ما اعطاها خمسين جنيها

فكرت في اهمية ووجوب ايجاد حل ما لهؤلاء الاطفال حتى يتسنى لهم الحياه اصلا بغض النظر عن مدى ودرجة كرامة هذه الحياة

حل لا يعتمد على العطايا والهبات  والحسنات

حل يقوم بايجاد حلول

حل يشبه فكرة الجاموسة العشر

حل منتج

حل كمصنع يتكفل ربحه بالصرف على هؤلاء

ان وجدت حلا فاخبرني به ويدي في يديك حتى نحققه

و

صورتي في حداشر فبراير الفين وحداشر ...زي النهارده بالظبط من سنة...ايام

متى تنضم للثورة؟؟؟؟

خمسة اخوات

ابوهم مات...وورثوا هما وامهم شقة غير اللي هما ساكنين فيها 

كانوا صغيرين..وامهم اجرت الشقة عشان تصرف عليهم

طبعا اشترطت انه يبقي ايجار جديد يتجدد كل سنة او سنتين بالكتير عشان تزود الايجار بما يتناسب مع سعر السوق في كل وقت

جالها مستأجر كويس..عريس جديد عايز يتجوز

هو صحيح بياع سريح على باب الله لكن شكله محترم

وبعدين كلنا على باب الله 

والشقة كمان ماكانتش في الزمالك يعني

المستأجر كان ماشي على السطر فعلا

بيدفع الايجار في وقته 

مش بيتأخر خالص

وبيتعامل كويس في وسط الجيران

جددتله مره واتنين وتلاته

بس في نص اخر عقد للمستأجر ده

في شقة فضيت جنب حماه

وحماه عنده محل وعرض عليه يجيي يشتغل معاه بدل ماهو بياع سريح

بس بيت حماه ده كان بعيد اوي عن الشقة اللي هو ماجرها

وفي نفس الوقت الواد بقى ليه زبونه اللي في المنطقة اللي فيها الشقة اللي هو بيسرح فيها

هداه تفكيره ان ابوه وامه يجيوا يسكنوا في الشقة دي

ابوه كمان بياع سريح

منها يستفيد بالزبون اللي الولد رباه

والشقة كويسة

وقريبه من شقة ابوه اللي عقدها خلص وصاحب الشقة عايز يعلي الايجار اوي

فجه قعد معاه شوية

ولما الام عرفت  ان البياع السريح ماشي

قالت ان العقد هايتلغي

اقنعوها ان الاب يكمل العقد بتاع الولد

وفعلا كمله 

وبقى يدفع الايجار في ميعاده برده

كان في شوية كلام متنتور كده عن ان الاب ده مكروه من الجيران عشان معاملته معاهم وحشه

بس الام شافت انه مادام بيدفع الايجار مظبوط يبقي تمام

ولما العقد خلص

جددتله

صحيح قعد يفاصل حبه كتير في الزياده

بس المهم في الاخر اتفقوا

وسمعة الراجل بقت زي الزفت في العمارة

ماحدش طايقة 

الام حست بالذنب فقررت ماتجددلوش تاني

ولما قالتله انها مش هاتجددله تاني

بلطج

مارديش يمشي لما العقد خلص

ومارضيش يدفع الفلوس

ومباقاش يدفع الكهربا والمية اللي هو بيستهلكهم

الام وقعت في مشكلة 

وولادها الرجالة اكيد هما اللي هايحلولها المشكلة دي

اتصرفوا ازاي؟؟؟

الاولاني

هو من الاول ضد تجديد العقد للاب

بس كان شايف ان الزيادة في الايجار معقوله وافق

قرر يتفاوض مع الراجل تاني

عشان العقد الجديد يبقي فيه زياده حتى لو كان ده هايضايق الجيران

حتى لو كانت الزياده عشرة ولا عشرين جنيه

كان هايثور لحد ما الحل اللي هو عايزه ده يتحل

ممكن في الوقت ده عشان يقنع الراجل يهدده 

يتخانق معاه 

يضربه

يتفاوض معاه حتى

اي حاجه ممكن يعملها لحد ما يوصل للحل ده 

التاني

كان شايف ان مجرد ان الاب يكمل العقد بتاع ابنه حاجه غلط 

وماكانش موافق على التجديد للاب حتى لو هايزود الفلوس

لانه اتفرض على الام صاحبة الشقة 

كان المفروض العقد يخلص ويشوف بقي المتسأجر ده وغيره من المستأجرين ويختار ما بينهم مش يتفرض عليه

ده كان عمال يحاول يقنع اخواته انهم يقفوا مع بعض قصاد الراجل 

بس ماكانش عنده استعداد يتخانق

اخواته ممكن يتخانقوا

لكن هو شايف انهم لو مع بعض كلهم فرصتهم في انهم يكسبوا الخناقة دي هاتبقي اكبر

التالت 

هو اللي اقنع الام في الاول ان الراجل يكمل مكان ابنه

في الحقيقة الراجل كان قراه من الاول وغمزه بقرشين عشان يقنع امه

وده مصر ان الام تجدد العقد مادام هو بياخد من الراجل فلوس من تحت الترابيزة

الرابع 

كان ضد ان الراجل يقعد مكان ابنه

وانهم يجددوله

راح القسم ورفع قضية واتنين 

واستأنف ونقض

وفين وفين لما خد حكم وبعدين تنفيذ الاحكام مانفذوهوش

فقرر يروح يضرب الراجل ويخرجه بره الشقة ويبقي هو اللي جواها وساعتها لما يبقي الحال على ماهو عليه يبقي هو اللي جوه

للاسف ده مات

الخامس

برطه

مالوش دعوة

المهم يبقي في مستأجر بيدفع ايجار عشان امه تصرف عليه

لما الجيران اتكلموا وقالوا ان معامله الراجل وحشه 

قال ان الجيران متغاظين من امه عشان ماجرة الشقة وعندها شقة تانية وهما لا

ولما قعد مكان ابنه قال وماله اللي نعرفه احسن من اللي مانعرفوش

ولما بطل يدفع الايجار قال ماتجددوله وماتزودوش الايجار

ولما عرف ان الدنيا غليت قال وماله..امي تشتغل في البيوت عشان نعوض الفرق

ولما بطل يدفع المية والكهربا قال مش مشكلة..امي تشتغل في البيوت اكتر شوية

ولما بطل يدفع الايجار نفسه قال خلاص ما امي بقت بتجيب فلوس من حتة تانية 

صحيح فلوسنا هاتقل عن اللي محتاجينه

صحيح هانخرج من مدارسنا ونروح مدارس ارخص

صحيح هاناكل اقل من ما كنا بناكل

بس خلاص

هانعمل ايه يعني

وفضل كده لحد ما مات من الجوع

في الحقيقة

اخر واحد بس ماكانش حاسس ان المشكلة دي مشكلته

ولا الشقة دي شقته

ولا مطلوب منه حاجه عشان يحل الموضوع ده

اهدي هذه القصة لحزب الكنبة

نصحية اخيرة

لما تبقي كل يوم الصبح بتشرب شاي

وبعدين تجيلك فترة يجيلك فيها صداع نصفي

لازم تعمل حاجه غير اللي بتعملها كل يوم الصبح

ممكن تبطل تشرب شاي

او تشرب شاي وقهوة

او تشرب نسكافيه

اي حاجه غير اللي بتعمله طول عمرك

عشان المشكلة تتحل

ولما تبقي طول عمرك بتشتغل وبتلف عجلة الانتاج

ويجيلك اقتصاد واقع

لازم تعمل حاجه غير انك تشتغل وتلف عجلة الانتاج

ممكن انك تشتغل اكتر

تشتغل اقل

تشتغل وتذاكر

تشتغل شغلانة تانية

تعمل عصيان مدني

اي حاجه غير اللي بتعمله طول عمرك 

بمجرد انك تحس ان البلد دي بلدك وانك مسؤول عن ازمة البوتجاز لمجرد انك ماعملتش حاجه تحل الازمة

ولما تحس بالاحساس ده فتبتدي تدور على حل فيه حاجه مختلفه عن اللي بتعمله طول عمرك

ساعتها هاتبقي انضميت للثورة

عن الوين وين ستيوشن ..او كما يقول المعربون موقف المكسب مكسب

لدي بعض القناعات الشخصية

هناك ما يكفي للجميع

نعم هناك من النجاح ما يكفي لي ولزملائي جميعا

هناك ما يكفي من الطعام للناس جميعا

هناك ما يكفي من المساكن للناس جميعا

هناك ما يكفي ويزيد في الواقع

الاتفاق او الصفقة التي يكون احد الطرفين فيها خاسر يجب الا تتم ...حتى وان كانت صفقة لا تحتاج لبناء علاقة دائمة

نعم انا لا اريد ان اشتري سيارة بسعر بخس لمجرد ان بائعها مضطر لبيعيها 

ولا اريد ان افرض على ابني ان يغيب عن تدريبه الاسبوعي لمجرد اني ساتنزه مع اصدقائي 

لا اريد ان اتفق مع شخص ما على ان يقدم كل منا بعض التنازلات لنصل لنقطة وسطى

يمكننا دائما الارتقاء بمستوى التفكير لنصل لنقطة تربحنا جميعا

وان لم يمكنني ذلك...فببساطة الافضل الا تكون هناك صفقة 

لن احدثك عن غيبيات مثل ان اشتري سيارة بسعر بخس وتنقلب بي

بل وقائع عملية منطقية حيث سيقوم البائع باتباع الاسلوب نفسه في صفقة اخرى 

وعندها 

ساجد نفسي مضرا لشراء قطعة غيار بسعر مبالغ فيه لمجرد ان هناك قلة في العرض

او ان اشتري علبة تبغ بسعر مبالغ فيه لمجرد اني داخل حديقة

لن اكون سعيدا حين يقرر ابني ان لا يزورني هذا الاسبوع لمجرد انه سيتنزه مع اصدقائه

بالطبع لا توجد نقطة ما تجعلني رابحا وتجعل قتلة الاطفال رابحين وفي نفس الوقت تسمح لي بالنوم ليلا

اترك قناعاتي الشخصية هنا بدون ان اقترح على شخص ما ان يتصرف بشكل ما

حملة كاذبون .. ملاحظات واقتراحات من وجهه نظري

يوم 30 ديسمبر 2011 حضرت حملة كاذبون في السيدة زينب ولاحظت بعض الحاجات وكتبت عنها مجموعة من التويتات ساعتها
حبيت احطها هنا في حته واحده يمكن حد يستفيد منها اكتر

طيب ابتدي بقي ابقي من الناس اللي بتنظر على ميتين ابونا شوية واتكلم عن مشاهداتي لعسكر كاذبون في السيدة زينب

بداية انا وصلت متأخر حوالي ستة ونص كان العرض لسه مابتداش عشان اللي كان المفروض انه يظبط البروجيكتور والسماعات اتأخر..ملحوظة واحد

ملحوظة واحد بتقول ان من المهم زي ما قال موقع مصرين لما تيجي تعمل ايفينت كاذبون روح بدري ساعتين عشان تظبط الدنيا

ملحوظة اخرى كما قال الموقع من المهم ان يبقي العدد بتاعك كبير عشان حماية الاجهزة

لما كان في مشكلة في السماعات الشباب اتصرفوا الحقيقة...اولا شغلوا من غير سماعات ثانيا ابتدوا يدوروا على فيديوهات مش محتاجه صوت

ملحوظة اخرى ..في اواخر العرض حصل شوية قلق ...بعض الناس جم عملوا هيصة..ماكنتش مركز اوي ساعتها..ماكنتش ناوي انظر على ميتين ابونا اصلي

بس الخلاصة ان العدد بتاع المنظمين بيفرق اوي

من متابعتي للكلام الجانبي...ماخدتش معلومات كافية للتعميم والتنظير عشان كده هاضرب امثلة لحد ما نجمع معلومات تكفي

اول حاجه كان اغلبية الحضور ستات معاهم اطفالهم او ابنائهم

كان في احمد - بياع سريح- هو مش فلول بس يائس..حاسس انه مش هايعرف يمشي الحكومة ولا يحاكم حسني بجد فمالوش لازمة اللي بنعمله ده

كاره امين الشرطة البلطجي اللي بياخد شقاه طول اليوم اخر الليل بس عنده تصور ان الانفلات الامني سببه غياب الشرطة

مش ان غياب الشرطة سببه الانفلات الامني

اخر العرض جت مسيرة من الناحية التانية من العرض وضمت على العرض...احمد خد موقف دفاعي هجومي عشان المسيرة ماتدخلش الشارع الجانبي بتاعه

المعلومة دي مهمه اوي الناس لازم يحسو انك جاي عشانهم مش عشان تقفلهم مكانهم...معلومة تريفيال اوي بس لازم تبقي من الاهداف

ناس كانت بيتجي تسأل..رأيها الشخصي ان الانتخابات هي الحل..وشايفة ان العسكر كلهم ولاد كلب..مجلس وجيش

ناس بسيطة-اقل في الفلوس والتعليم- كانت بتعمل حوارات جانبية .لما بتعترض على حوارتهم عشان الصوت بيسيبوا المكان ويمشوا وممكن يشتموك انت والثورة

ناس تانية كانت بتتكلم على ان اهل الشهدا بياخدوا فلوس كل شهر واذا كانوا هما باعوا دم ابنهم انا اللي هادافع عنه..محتاجين نوضح وضع اهالي الشهدا

محتاجين نحط فيديوهات اكتر فيها صورة تعبر عن نفسها ونسيب الناس تتناقش عليها ...سيبهم يتكلموا

محتاجين نوصل رسالة بعد جملة العسكر كاذبون..ممكن تبقي مجلس مدني او تسليم السلطة لمجلس الشعب

محتاجين نفكرهم بالفديوهات الاولى للثورة..قصر النيل ومنظر الميدان

محتاجين توضيح اكتر عن كل فيديو...مكانه ووقته وسببه...لو في مايك وحد بيشرح ده او حتى يبقي الشرح في الفيديو..عشان مش كل الناس بتعرف تقرا

اختيار لمكان نفسه...اختار مكان واسع..ابعد عن عواميد النور عشان الصورة تبقي واضحه..وضح اسباب نزولك وخطتك والوقت اللي هاتقعده لكل اللي موجودين

لو الناس اللي معاك قعدوا في دايرة حوالين الشاشة هاتشجع الناس انها تقعد وهاتقلل كتير من الزخام والتشتت والمضايقات والحوارات الجانبية

بالنسبة للتكلفة...ممكن تأجر بورجيكتور من اي سنتر بتاع كورسات او تشتري واحد مستعمل من مصراوي مثلا وتبقي تبيعه بعد كده بخسارة بسيطة

بالنسبة للشاشة لو ماعكش تمنها ممكن تستفيد بحيطة عمارة او ملاية سرير او غطا عربية

بالنسبة للكمبيوتر ده مافيش اسهل منه دلوقتي

بالنسبة للسماعات يا تأجر يا تجيب السب بتاعك وبتاع صحابك اللي معاك كل واحد يجيب سماعاته وممكن بوصلة بسيطة تتكلم بكتيرها تلاته جنية كل سماعة

بالوصلة دي تقدر تشغل سماعات كتير عشان تغطي مساحة اكبر بتكلفة اقل

بالنسبة للكهربا...في حل الجينيريتور بس ده اصعب من البروجكتور..ولو وصلتله الدوشة بتاعته هاتأثر على الصوت اصلا

في الحل السهل طبعا بتاع انك تاخد كهربا من اي عامود او كشك بس انا مابفضلوش

اولا عشان السرقة سرقة في الاول والاخر ثانيا عشان تظبيط الحاجات الكتير اللي معاك هايحتاك فنيات كتير ومش من مصلحتك ان السلك مايبقاش راكب كويس

ممكن تجهز وصلاتك كلها من الاول في البيت وتجيب سلك طويل جدا للمشترك وتستأذن اي ساكن في اقرب شقة لمكان العرض انك تحط عنده الفيشة وتحاسبه

اعتقد ان عشرين جنية في تلات ساعات رقم كبير جدا بالنسبة للاستهلاك اللي هاتستهلكه اللي مش هايعدي جنية ونص اساسا

بالنكلفة دي انت هاتبقي وفرت كتير اوي...وتقدر تعمل العرض ده من غير تكلفة زيادة اكتر من مرة في شوارع جانبية كمان

الى هنا وانتهت فقرة النتظير على ميتين ابونا...وتبقي الفقرة الدائمة...يسقط يسقط حكم العسكر

حملة كاذبون .. ملاحظات واقتراحات من وجهه نظري

يوم 30 ديسمبر 2011 حضرت حملة كاذبون في السيدة زينب ولاحظت بعض الحاجات وكتبت عنها مجموعة من التويتات ساعتها
حبيت احطها هنا في حته واحده يمكن حد يستفيد منها اكتر

طيب ابتدي بقي ابقي من الناس اللي بتنظر على ميتين ابونا شوية واتكلم عن مشاهداتي لعسكر كاذبون في السيدة زينب

بداية انا وصلت متأخر حوالي ستة ونص كان العرض لسه مابتداش عشان اللي كان المفروض انه يظبط البروجيكتور والسماعات اتأخر..ملحوظة واحد

ملحوظة واحد بتقول ان من المهم زي ما قال موقع مصرين لما تيجي تعمل ايفينت كاذبون روح بدري ساعتين عشان تظبط الدنيا

ملحوظة اخرى كما قال الموقع من المهم ان يبقي العدد بتاعك كبير عشان حماية الاجهزة

لما كان في مشكلة في السماعات الشباب اتصرفوا الحقيقة...اولا شغلوا من غير سماعات ثانيا ابتدوا يدوروا على فيديوهات مش محتاجه صوت

ملحوظة اخرى ..في اواخر العرض حصل شوية قلق ...بعض الناس جم عملوا هيصة..ماكنتش مركز اوي ساعتها..ماكنتش ناوي انظر على ميتين ابونا اصلي

بس الخلاصة ان العدد بتاع المنظمين بيفرق اوي

من متابعتي للكلام الجانبي...ماخدتش معلومات كافية للتعميم والتنظير عشان كده هاضرب امثلة لحد ما نجمع معلومات تكفي

اول حاجه كان اغلبية الحضور ستات معاهم اطفالهم او ابنائهم

كان في احمد - بياع سريح- هو مش فلول بس يائس..حاسس انه مش هايعرف يمشي الحكومة ولا يحاكم حسني بجد فمالوش لازمة اللي بنعمله ده

كاره امين الشرطة البلطجي اللي بياخد شقاه طول اليوم اخر الليل بس عنده تصور ان الانفلات الامني سببه غياب الشرطة

مش ان غياب الشرطة سببه الانفلات الامني

اخر العرض جت مسيرة من الناحية التانية من العرض وضمت على العرض...احمد خد موقف دفاعي هجومي عشان المسيرة ماتدخلش الشارع الجانبي بتاعه

المعلومة دي مهمه اوي الناس لازم يحسو انك جاي عشانهم مش عشان تقفلهم مكانهم...معلومة تريفيال اوي بس لازم تبقي من الاهداف

ناس كانت بيتجي تسأل..رأيها الشخصي ان الانتخابات هي الحل..وشايفة ان العسكر كلهم ولاد كلب..مجلس وجيش

ناس بسيطة-اقل في الفلوس والتعليم- كانت بتعمل حوارات جانبية .لما بتعترض على حوارتهم عشان الصوت بيسيبوا المكان ويمشوا وممكن يشتموك انت والثورة

ناس تانية كانت بتتكلم على ان اهل الشهدا بياخدوا فلوس كل شهر واذا كانوا هما باعوا دم ابنهم انا اللي هادافع عنه..محتاجين نوضح وضع اهالي الشهدا

محتاجين نحط فيديوهات اكتر فيها صورة تعبر عن نفسها ونسيب الناس تتناقش عليها ...سيبهم يتكلموا

محتاجين نوصل رسالة بعد جملة العسكر كاذبون..ممكن تبقي مجلس مدني او تسليم السلطة لمجلس الشعب

محتاجين نفكرهم بالفديوهات الاولى للثورة..قصر النيل ومنظر الميدان

محتاجين توضيح اكتر عن كل فيديو...مكانه ووقته وسببه...لو في مايك وحد بيشرح ده او حتى يبقي الشرح في الفيديو..عشان مش كل الناس بتعرف تقرا

اختيار لمكان نفسه...اختار مكان واسع..ابعد عن عواميد النور عشان الصورة تبقي واضحه..وضح اسباب نزولك وخطتك والوقت اللي هاتقعده لكل اللي موجودين

لو الناس اللي معاك قعدوا في دايرة حوالين الشاشة هاتشجع الناس انها تقعد وهاتقلل كتير من الزخام والتشتت والمضايقات والحوارات الجانبية

بالنسبة للتكلفة...ممكن تأجر بورجيكتور من اي سنتر بتاع كورسات او تشتري واحد مستعمل من مصراوي مثلا وتبقي تبيعه بعد كده بخسارة بسيطة

بالنسبة للشاشة لو ماعكش تمنها ممكن تستفيد بحيطة عمارة او ملاية سرير او غطا عربية

بالنسبة للكمبيوتر ده مافيش اسهل منه دلوقتي

بالنسبة للسماعات يا تأجر يا تجيب السب بتاعك وبتاع صحابك اللي معاك كل واحد يجيب سماعاته وممكن بوصلة بسيطة تتكلم بكتيرها تلاته جنية كل سماعة

بالوصلة دي تقدر تشغل سماعات كتير عشان تغطي مساحة اكبر بتكلفة اقل

بالنسبة للكهربا...في حل الجينيريتور بس ده اصعب من البروجكتور..ولو وصلتله الدوشة بتاعته هاتأثر على الصوت اصلا

في الحل السهل طبعا بتاع انك تاخد كهربا من اي عامود او كشك بس انا مابفضلوش

اولا عشان السرقة سرقة في الاول والاخر ثانيا عشان تظبيط الحاجات الكتير اللي معاك هايحتاك فنيات كتير ومش من مصلحتك ان السلك مايبقاش راكب كويس

ممكن تجهز وصلاتك كلها من الاول في البيت وتجيب سلك طويل جدا للمشترك وتستأذن اي ساكن في اقرب شقة لمكان العرض انك تحط عنده الفيشة وتحاسبه

اعتقد ان عشرين جنية في تلات ساعات رقم كبير جدا بالنسبة للاستهلاك اللي هاتستهلكه اللي مش هايعدي جنية ونص اساسا

بالنكلفة دي انت هاتبقي وفرت كتير اوي...وتقدر تعمل العرض ده من غير تكلفة زيادة اكتر من مرة في شوارع جانبية كمان

الى هنا وانتهت فقرة النتظير على ميتين ابونا...وتبقي الفقرة الدائمة...يسقط يسقط حكم العسكر

عن مقال حنان خواسك بخصوص علاء عبد الفتاح

من ما قالته في المقال يمكن تواجدها اثناء الواقعة في مكانين وكلاهما يتناقض مع باقي المقال نفسه

انتخابات مجلس الشعب الاولى بعد الثورة...ليل ونهارد

البوست ده لابني....

بقالي يومين مابتكلمش عن الانتخابات ورأيي فيها عشان ابقي محترم نفسي وماوجههش حد 

اللهم غير اللي يسألني صراحة 

فبقوله اني هابطل صوتي ولما يصر ويقولي ارشح مين فبقوله رأيي بصراحة 

والنهارده هاكتب رأيي ده بصراحة

احنا دلوقتي يوم 28 نوفمبر سنة 2011 الساعة اتنين ظهرا

امبارح يابني كنت سهران بالليل في اعتصام مجلس الوزرا

كانت الدنيا ممطرة 

والشارع نضيف

والاعتصام على الجنبين 

وكان في شاب-وياللغرابة فيه شبه من احمد شوقي بس مش هو طبعا- كان معاه عود وبيغني لسيد درويش والشيخ امام والناس كلها ملمومة حواليه وبيغنوا معاه

وقفت معاهم وقاومت نفسي كتير اني اصوره او اتويت عن الموضوع ده

حبيت استمتع باللي بيحصل بدون اي تدخلات اخرى تشغلني 

حتى لو كان مجرد توييته

انا يابني لسه مانزلتش الانتخابات 

هانزل كمان شوية ان شاء الله

هاعمل ايه؟

هابطل صوتي

هاكتب في الورقة يسقط يسقط حكم العسكر

جملة بليغة جدا

من ابلغ الجمل اللي سمعتها وقلتها في حياتي

واحب اقول للي قالها اول مرة 

انت عبقري

ليه هابطل صوتي؟

اولا

انا شايف ان مجلس الشعب ده مسرحية هذلية 

مجلس مالوش صلاحيات يغير حكومة ولا يسائل وزير دفاع 

مجلس بيعملوا انتخاباته في ظل تأمين داخلية لسه قاتلة ناس كتير في شارع محمد محمود على مدار الاسبوع اللي فات كله

مجلس دعا ليه مجلس عسكري سمح بدخول البلطجية في موقعة الجمل وسمح بتعذيب للمظاهرين في المتحف المصري-ياريتها اي حتة تانية- وسمح بعمل كشوفات عذرية وبيحاكم المدنين عسكريا 

وبيعاملنا زي الدبان والناموس

اللي يرمي قنبلة غاز مسيل للدموع - بغض النظر عن بقية القنابل اللي ماحدش عارفلها ملة ولا اصل واللي في كلام كتير اوي على انها سلاح كيماوي واستخدامه في الحروب يعتبر جريمة حرب لا تسقط بالتقادم

اللي يرمي قنبلة زي دي من فتحات محطات المترو

وتبقي ماشي في وسط الميدان بعيد عن شارع محمد محمود اصلا

وممكن تكون راكب المترو ومانزلتش منه اساسا

وتبقي الاطفال بتقع 

بتقع منك وهي مش فاهمه

الطفل بيبقي ماشي ويقع وهو مش فاهم ليه

اللي ياخد قرار زي ده يبقي بيعاملنا زي الحشرات

بيرش علينا مبيد بشري

قصدي مبيد حشري

وده شخص مش ممكن اصدق انه حمى الثورة

وده شخص مش ممكن اعترف بشرعيته في انه يعمل انتخابات

والشخص اللي داخل انتخابات وبيعمل دعاية انتخابية والناس دي كلها لسه ميته يبقي شخص ماعندوش دم

سواء كان ليبرالي او يساري او اسلامي-مع العلم ان الاسلاميين تحديدا كانوا هايموتوا والانتخابات تتعمل

فاكرين انهم اللي هايكسبوا

ازاي يبقي بقالهم ستين سنة شغالين في الشارع واول انتخابات بعد الثورة مايكسبوهاش

جايز اطلع مابفهمش 

بس اكيد اكيد لو الانتخابات دي كملت اصلا مش الاسلاميين الي هايكسبوها

مش هايبقوا اغلبية يعني

لعدة اسباب

اهمها ان ده مسمار في نعش المجلس العسكري الا اذا كان مظبط الاسلاميين 

واعتقد انهم مش بالغباء ده

وثانيا لان المجلس العسكري سايب الفلول تخش الانتتخابات دي

سايبها عمدا

والفلول شخصيا اكيد مش داخلين الانتخابات اونطة

لحد دلوقتي سمعت عن شوية انتهاكات بسيطة في الانتخابات 

زي التأخير في فتح اللجان

وزي ان الورق مش مختوم

وحاجات كتير كده

تاني حاجه مش عاجباني في الانتخابات

ان اي كان اللي بيعمل حملته الانتخابية المرة دي

واي كان برنامجه الانتخابي

فهو برنامج مالوش لازمة 

لان المجلس ده اول مرة يجتمع فيه-بناء على التعديلات الدستورية اللي الشعب قال عليها نعم عشان ماحدش يقول اني بلتف على ارادة الشعب- اول اجتمال للمجلس هايختار اللجنة اللي هاتعمل الدستور

والمفروض الدستور ده يخلص 

واول ما يخلص الدستور

لازم مجلس الشعب والحكومة ورئيس الجمهورية يتحلوا

ببساطة لان كل دول معتمدين في تكوينهم على الدستور اساسا

يعني افرض الدستور الجديد مافيهوش خمسين في المية عمال وفلاحين

افرض الدستور الجديد بقي فيه ان مصر دولة برلمانية

فأي برنامج انتخابي للناس دي مش هايتفذ اساسا

اللي هايخش مجلس الشعب ده شغلته الوحيدة -لو كان هايشتغل يعني- انه يختار اللجنة اللي هاتعمل الدستور

طيب ليه ماختاروش على هذا الاساسا

انا بنتخب اللي هاينتخب اللي هايعمل الدستور

مش هاعمل كده عشان اي لجنة تأسيسية لكتابة دستور المفروض عشان تكون لجنة محترمة فعلا نعمل حاجه من اتنين

اولا اننا نقعد كلنا كده مع بعض عشان نكتب الدستور ده

ده لو عددنا قليل

لكن لما يكون عددنا كبير اوي كده

لازم ناخد من كل رجل قبيلة

ناخد من كل فئة حد ميثلها

ومجلس الشعب متقسم جغرافيا

يعني الراجل اللي هايكسب في منطقة شبرا ده

ايه اللي يخليه يفكر في حل مثلا لمشكلة اسكان الشباب

او حتى الناس اللي ماعندهاش سكن

ايه اللي يخليه يفكر يكتب في الدستور ان على الدولة ان توفر المسكن والمأكل والملبس-احتياجات الانسان الاساسية- لكن مواطن لا يستطيع توفيرهم بسبب عجزه او سنه او اسباب اخرى؟؟؟

عمره ما هايكتب كده

لانه انتخب عن طريق ان الناس اللي ساكنه في شبرا انتخبته

وللأسف ما فيش حد من سكان شبرا ماعندوش سكن

لان اي حد ساكن في شبرا هو بالضرورة عنده (سكن) في شبرا

ايه اللي يخليه يتكلم عن طلبة المدارس

ايه اللي يخليه يفكر في سواقين التاكسي

ايه اللي يخليه يتكلم عن حقوق المرأة او حرية الاعتقاد او حرية الصحافة او دين الدولة او صلاحيات رئيس الجمهورية حتى

ايه اللي يخليه يفكر مصر تبقي دولة برمانية ولا رئاسية ولا شبة رئاسية؟

عشان نعمل دستور محترم

لازم يبقي عندنا دكتور في الجامعة وطبيب اسنان ومهندس وطالب جامعي وطالبة ثانوي ومكانيكي وخباز وسواق تاكسي وعاطل 

لازم يبقي عندنا ام واب وابن وحفيد وجد 

لازم يبقي عندنا غني وفقير

لازم يبقي فيه جزار وتاجر فاكهة

لازم -صدقوا او لا تصدقوا- يبقي عندنا شحات

والاعجب

لازم يبقي عندنا مسجون جنائي وسياسي

ومجلس الشعب ده مافيهوش حاجه من دي

طيب هو ممكن نعملهم

اه عادي

كل طائفة تفضل تنتخب منها فيها كده حد لحد ما نوصل لواحد او اتنين من كل طائفة

اصلا لو عملنا كده

هانقدر بسهولة نعرف من الانتخابات السابقة لتأسيس الدستور دي

عندنا كام دكتور سنان وكام سواق تاكسي

وبالتالي لو طلع مثلا عدد سواقين التاكسي ضعف عدد دكاترة السنان

يبقي في اللجنة التأسيسية دي 

المفروض يبقي في سواقين تاكسي ضعف عدد دكاترة السنان

ايه الموضوع صعب وخيالي حبتين؟

لا 

ابدا

نقعد زي ما نقعد 

المهم نطلع بدستور محترم

لاننا بنأسس دولة محترمة

توقعي للي هايحصل؟

كنت متوقع انتهاكات شديدة جدا النهارده بس واضح ان لحد دلوقتي ده محصلش

لكن مازال توقعي ان الانتخابات النهارده هاتبوظ

لو فرضنا ان الانتخابات عدت على خير-ربنا يستر-فنتيجتها هاتبقي الاغلبية فلول

وسواء كانت الاغلبية فلول او لا

فمجلس الشعب ده هايبقي مجلس طراطير

بيسمعوا كلام المجلس العسكري

وستقوم موجة جديدة من الثورة عشان نعيد كل اللي بيحصل ده تاني

بس في النهاية يابني

مش هاقدر ادي صوتي لواحد ممكن ينجح فعلا ويبوظ البلد اللي انت هاتعيش فيها بعد كده

ده لو المجلس ماكملش في السلطة يعني واتقبض عليا ساعتها انت مش هايبقي عندك مشكلة اساسا لانك لسه ماجتش

اللي يستحق صوتي فعلا هو شخص رفض ينزل الانتخابات دي

او على الاقل عمل حاجات لا يمكن ان نقارنها باللي بيقول عليه المرشحين

اللي يستحق صوتي مات عشان البلد دي تبقي انضف

اللي يستحق صوتي هو الشهيد