الفرحة دي عاملة زي العيال الصغيرة واحد بقاله فتره مافرحش ومتنكد ومتنيل على عينه زي واحد متجوز وماخلفش بعد فتره ربنا يرزقه بخبر مفرح زي ما ربنا بيرزق التاني بخلفه شوفوا بقى لما يروح يوري ابنه -اللي ربنا رزقه بيه بعد فتره ده- يوريه لاقرب الناس ليه يقوموا الناس دي يخنقوا العيل يموتوه يقلوله ايه ده ماكنتش عارف تجيبه بدري شوية ولا طخين شوية ولا حلو شوية اهو انا عامل كده دلوقتي فرحتى اتقتلت وانا بدور -من ساعتها - على حد يحييها على حد يقولي الفرحه دي حلوة اوي وزنها مزبوط وجايه في معادها بس للأسف كل اللي بدور عليهم دول ناقصين حد مهم
الصبر يا رب
هناك تعليقان (2):
فعلا الواحد لازم يدور دايما على اي حاجه ترفع من طاقته الايجابية
أهنيك على اسلوبك الرائع
بس عاوزة اقولك
انك لو التمست العذر للي بيحبوك
هتقدر تحيي فرحتك دي ف اي وقت وكل وقت بعد كده
وهيبقى برضه طعم الفرحه حلو
لانها مع الي بيحبوك
عليكم
ياراجل حرام عليك الدنيا حلوه والحياه لذيذه ايه يعنى العربيه بتعملها معاك وياراجل حرام عليك الناس كلهم مبسوطين و محدش متنكد ولا انت شايف غير كده
ولسه فى ناس بتحب الخير للغير ولا ايه
M.H
إرسال تعليق