لقيت الدنيا فاضية قلت اجي ارغي معاكم
موقف ظريف حصلي النهارده هاحكيهلكم واروح على طول
لسبب ما كنت في سنتر من اللي بيدو كورسات كمبيوتر وانجليزي وكلام من ده
وسمعت الحوار ده بين محاضر وصاحب السنتر
المحاضر يعني مش كفاية ما اتصلتوش بالناس عشان تقولولهم على المعاد بتاع الكورس
افرض ماكنتش انا اتصلت بيهم؟؟؟ كنت هابقي دبيت المشوار على الفاضي
كمان مافيش قاعات فاضية ادي فيها الكورس؟؟؟
اتصرف ازاي انا دلوقتي؟؟؟
صاحب السنتر مانا قلتلك خليك حرك هاتهم واديهم الكورس هنا
المحاضر هنا ايه بس؟؟ ده هنا ده البوفيه
ملحوظة مني
البوفيه ده عبارة عن اوده اتنين متر في تلاته فيها ترابيزة كبيرة -كانت مكتب في يوم من الايام- وبوتجاز وتلاجه ودولابين كبار وشيشة وحوالي تمن كارسي خارجين من الحرب
صاحب العمل
مانت لو سحبتهم بشياكة كده مش هايعترضو
المحاضر
ماشي هاسحبهم بشياكه بس ادخلهم هنا بشياكة ازاي؟؟؟ على فكره احنا هانتعب مع بعض اوي
من هنا لهنا
صاحب العمل خرج محاضر من القاعة اللي هو فيها
وصدقو او لا
دخله هو والطلبة يكملو الكورس في البوفيه
والمحاضر بتاعنا دخل القاعة
السؤال دلوقتي؟؟؟
لو انا صاحب عمل ازاي هافكر اصلا بالاسلوب ده
قصدي يعني ازاي هابقي مابفكرش للدرجادي؟؟
لو انا محاضر ازاي هاسمح لنفسي ادي محاضرة في البوفيه
لو انا طالب
بغض النظر عن ازاي هاسمح لنفسي اني اخد محاضرة في بوفيه
هايبقي ايه رايي في السنتر ده وفي صاحبه وفي المحاضر بتاعي
ياريت تجاوبوني على اسئلتي
هناك تعليقان (2):
لؤى
انا جيت مرة و قريت البوست ده
و المرة دى هاعلق عليه
العملية بقت بظرميت خالص
كلهم بيفكروا فى الفلوس بس وعلشان كده بيحشروا البنى ادم حشر الجاموس فى الزرايب
منتهى الغباء
لأنى لو رحت مرة مش راجع التانية و كمان همنع خمسة من انهم ييجو
و اللى بيروحوا اصلا دول دفعوا فلوسهم خلاص
مجبرين يا عينى
يلا شد حيلك كده و كمل كتاب الشيخ عائض
اني لفخور بك
اني اعلم من هو المحاضر
ozim
إرسال تعليق