انا جيت يابني
وزي ما وعدتك قلت لأ
جايز بكره لما تيجي وتفهم تشتمني
او تشكرني
بس عذري ليك اني عملت اللي انا شايفه صح دلوقتي
وماكدبتش عليك
وزي ما قلتلك
بكره هاتطلع النتيجه هابقي معاها
مادام مافيهاش تزوير
ولو اني
للذكرى والتاريخ بس
عرفت ان في بقال سلفي جاله واحد عايز علبة حلاوة فاضية بعته يصوت ويقول نعم بعد ما رجعله قاله هو البتاع ده بتاع ايه؟؟؟قاله الدستور ..الراجل مافهمش ساله دكتور!!؟؟؟
راجل كبير عنده بتاع تسعين سنة
ولو ان برده بعض اللجان مالقوش الورق مختوم
عموما يابني
ده اللي انا عملته
ادعيلي وربنا يكرم مصر ويكرمك وتيجي بالسلامة
ليست هناك تعليقات:
إرسال تعليق